એમેઝોન દ્વારા બુધવારે નવી ફાયર ટીવી સ્ટિક 4K સિલેક્ટ લોન્ચ કરાઇ છે.

એમેઝોન દ્વારા બુધવારે નવી ફાયર ટીવી સ્ટિક 4K સિલેક્ટ લોન્ચ કરાઇ છે. તે જૂના ટીવીને ઓછા ભાવે 4K સ્ટ્રીમિંગ સુવિધા સાથે સ્માર્ટ ટીવીમાં પરિવર્તિત કરે છે. રૂ. 6,000 થી ઓછી કિંમતે, આ નવું ડિવાઇસ HDR10+ સાથે 4K અલ્ટ્રા HD પ્લેબેકને સપોર્ટ કરે છે અને સીમલેસ નેવિગેશન માટે એલેક્સા વોઇસ કંટ્રોલથી સજ્જ છે. એમેઝોનની નવી વેગા ઓપરેટિંગ સિસ્ટમ અને 1.7GHz ક્વાડ-કોર પ્રોસેસર દ્વારા સંચાલિત, તે ઝડપી એપ્લિકેશન લોન્ચ અને સરળતાથી કામ કરશે. ફાયર ટીવી સ્ટિક 4K સિલેક્ટ એમેઝોન અને સમગ્ર ભારતમાં મુખ્ય રિટેલ સ્ટોરમાં મળી શકશે.

એમેઝોન ફાયર ટીવી સ્ટિક 4K સિલેક્ટની કિંમત

એમેઝોન ફાયર ટીવી સ્ટિક 4K સિલેક્ટની ભારતમાં કિંમત રૂ. 5,499 છે. તે એમેઝોન, બ્લિંકિટ, સ્વિગી, ઇન્સ્ટામાર્ટ, ઝેપ્ટો, ક્રોમા, વિજય સેલ્સ અને રિલાયન્સ રિટેલ સહિતની મુખ્ય ઑફલાઇન ચેઇન પર ખરીદી શકાશે.

એમેઝોન ફાયર ટીવી સ્ટિક 4K સિલેક્ટનાં ફીચર્સ

એમેઝોન ફાયર ટીવી સ્ટિક 4K સિલેક્ટ એક નવું એન્ટ્રી-લેવલ 4K સ્ટ્રીમિંગ ડિવાઇસ છે. આ ડિવાઇસ HDR10+ સાથે 4K અલ્ટ્રા HD સ્ટ્રીમિંગને સપોર્ટ કરે છે અને પ્રાઇમ વિડીયો, નેટફ્લિક્સ, ડિઝની+ હોટસ્ટાર, યુટ્યુબ અને ઝી5 જેવા પ્લેટફોર્મ પરનાં કન્ટેન્ટ જોઈ શકાય છે.

તેમાં સરળ નેવિગેશન અને કન્ટેન્ટનાં 1.7GHz ક્વાડ-કોર પ્રોસેસર દ્વારા સંચાલિત, ભારતમાં કોઈપણ ફાયર ટીવી સ્ટિકમાં સૌથી ઝડપી, ફાયર ટીવી સ્ટિક 4K સિલેક્ટ એમેઝોનની નવી વેગા ઓપરેટિંગ સિસ્ટમ પર ચાલે છે. આ ઓએસ ઝડપી એપ્લિકેશન લોન્ચ, સરળ ઇન્ટરફેસ પ્રદર્શન અને ઉપયોગ દરમિયાન વધુ સારી એકંદર પ્રતિભાવ આપવા માટે ડિઝાઇન કરાયું છે.

એમેઝોન ફાયર ટીવી સ્ટિક 4K સિલેક્ટ HDCP 2.2 ધોરણો સાથે HDMI ઇનપુટને સપોર્ટ કરે છે, જે વપરાશકર્તાઓને તેમના ટેલિવિઝન સેટઅપને બદલ્યા વિના 4K સ્ટ્રીમિંગ પર અપગ્રેડ કરવાની મંજૂરી આપે છે. HDR10+ સપોર્ટ સાથે, પ્રોગ્રામ સ્પષ્ટ જોઈ શકાય તે માટે ઉન્નત બ્રાઇટનેસ, કોન્ટ્રાસ્ટ અને કલર ચોકસાઈ આપશે.

નવા લોન્ચ થયેલા ડીવાઇઝમાં ફાયર ટીવી એમ્બિયન્ટ એક્સપિરિયન્સ પણ રજૂ કરાયું છે, જે વપરાશકર્તાઓને સ્ક્રીનસેવર માટે 2,000 થી વધુ કલા અને ફોટોગ્રાફી ધરાવતા પીકચર રજૂ કરશે. જે ટીવી વપરાશમાં ના હોય ત્યારે સ્ક્રીન પર જોઈ શકાશે.

એલેક્સા વોઇસ રિમોટ વૉઇસ-આધારિત પ્લેબેક નિયંત્રણો, એપ્લિકેશન સ્વિચિંગ અને અવાજ માટે કામ કરે છે. તેનો ઉપયોગ ઘરના અન્ય ડીવાઇઝ જેમકે, લાઇટ, એર કન્ડીશનર અને પંખા જેવા સ્માર્ટ હોમ ઉપકરણોને સંચાલિત કરવા માટે પણ થઈ શકે છે.