એક એપાર્ટમેન્ટમાં છુપાયેલા ભય અને હત્યાના રહસ્યો પર આધારિત થ્રિલર

'ફોર્થ ફ્લોર '(2026) એક તમિલ મનોવૈજ્ઞાનિક હોરર-થ્રિલર ફિલ્મ છે , જે દર્શકોને તણાવ ભય અને રહસ્યના ગાઢ અનુભવમાં લઈ જાય છે . ફિલ્મની કહાની ધીરન નામના પાત્રની આસપાસ ફરે છે , જેની ભૂમિકા આરી અર્જુનન ભજવે છે . ફિલ્મના દિગ્દર્શક અને લેખક  એલ . આર . સુંદરપંડી છે . તેમાં દીપશિકા , થલાઈવાસલ વિજય , આદિત્ય કથીર , પવિત્રા સહિતના કલાકારો મહત્વપૂર્ણ ભૂમિકામાં જોવા મળે છે  . આ ફિલ્મ થિયેટરમાં 27 ફેબ્રુઆરી ,2026ના રોજ રિલીઝ થઈ હતી , જયારે 20 માર્ચ 2026થી તે OTT પ્લેટફોર્મ પર ઉપલબ્ધ બની છે .

ક્યારે અને ક્યાં જોવું :
'ફોર્થ ફ્લોર ' હાલમાં પ્રાઈમ વિડીયો અને સન NXT પર સ્ટ્રીમિંગ માટે ઉપલબ્ધ છે . સબસ્ક્રાઇબર્સ પોતાના ઘરે બેસીને આ ફિલ્મનો આનંદ લઈ શકે છે .

ટ્રેલર અને પ્લોટ :
ફિલ્મની કહાની ધીરન નામના પાત્રની આસપાસ ફરે છે , જેની ભૂમિકા આરી અર્જુનન ભજવે છે . ધીરન એક સોફ્ટવેર એન્જિનિયર છે , જે પોતાના ભૂતપૂર્વ પ્રેમીની  વિનંતી પર ચેન્નાઈ આવે છે અને એક એકાંત એપાર્ટમેન્ટમાં રહેવા લાગે છે . શરૂઆતમાં બધું સામાન્ય લાગે છે , પરંતુ થોડા સમય બાદ તેને અજીબ અને ભયાનક  અનુભવ થવા લાગે છે . તેને વારંવાર ડરામણા સપનાઓ આવે છે અને આસપાસ અજીબ ઘટનાઓ બનવા લાગે છે . આ ઘટના ક્રમ ધીમે ધીમે એક ભયાનક સત્ય તરફ  દોરી જાય છે , અને એપાર્ટમેન્ટમાં પહેલા થયેલી રહસ્યમય હત્યાઓનો ખુલાસો થાય છે , ટ્રેલર આ અલૌકિક અને માનસિક ભયની અસરકારક ઝલક આપે છે , જે દર્શકોમાં ઉત્સુકતા જગાવે છે .

કલાકારો અને ક્રૂ :
ફિલ્મમાં આરી અર્જુનન મુખ્ય ભૂમિકામાં છે , જયારે દીપશિકા , પવિત્રા અરવિંદ , સુબ્રમણ્યમ શિવ , આદિત્ય કથીર અને થલાઈવાસલ  વિજય જેવા કલાકારો સહાયક પાત્રોમાં જોવા મળે છે . એલ .આર .સુંદરપંડી આ ફિલ્મના દિગ્દર્શક તેમજ લેખક છે .

અભિપ્રાય :
'ફોર્થ ફ્લોર ' ને કુલ મળીને મિશ્ર અભિપ્રાય મળ્યો છે . આરી અર્જુનનના અભિનય અને ફિલ્મના અલૌકિક તત્વોને પ્રશંસા મળી છે , જયારે કેટલીક જગ્યાએ ઓછા  બજેટના પ્રોડક્શન માટે ટીકા પણ કરવામાં આવી છે . ફિલ્મનું IMDb રેટિંગ 3.8/10 છે , છતાં તે હોરર અને થ્રિલર પસંદ કરનારા દર્શકો માટે એક વાર જોવાલાયક અનુભવ આપે છે .