રહસ્ય અને સાયન્સ - ફિક્શનથી ભરપૂર ' સુગર સીઝન 2 ' હવે Apple TV+ પર ઉપલબ્ધ

સાયન્સ ફિક્શન અને ક્રાઈમ થ્રિલર વેબ સિરીઝ જોવાનું પસંદ કરતા દર્શકો માટે ' સુગર સીઝન 2 ' એક રસપ્રદ વિકલ્પ બની શકે છે . આ સિરીઝમાં રહસ્ય , એક્શન અને ઈમોશન્સની સાથે સાયન્સ - ફિક્શનનો અનોખો તડકો પણ જોવા મળે છે . જો તમે પહેલી સીઝન જોઈ હોય તો બીજી સીઝન તમને વધુ રોમાંચક લાગશે . નવી સીઝનમાં જોન એક ગુમ થયેલા વ્યક્તિનો કેસ હાથ ધરે છે . તપાસ દરમિયાન તે એક સ્થાનિક બોક્સરની શોધમાં નીકળે છે . આ તપાસ તેને એક ભ્રષ્ટ પોલીસ અધિકારીઓ અને રાજકારણીઓના મોટા મામલામાં ખેંચી જાય છે . સાથે જ તે એક ગુમ થયેલી વ્યક્તિને શોધવાનો પ્રયાસ પણ કરે છે , જેના કારણે વાર્તામાં અનેક નવા રહસ્યો સામે આવે છે .

' સુગર સીઝન 2 ' ક્યારે અને ક્યાં જોઈ શકશો ?

' સુગર સીઝન 2 ' નું પ્રીમિયમ 19 જૂન , 2026 ના રોજ થયું હતું . આ વેબ સિરીઝ હવે Apple TV + પર સ્ટ્રીમ થઈ રહી છે . તેમાં કુલ 8 એપિસોડ છે , જેને તમે એક પછી એક જોઈ શકો છો .

' સુગર સીઝન 2 ' સ્ટોરી પ્લોટ :

આ સિરીઝની વાર્તા પહેલી સીઝન જ્યાં પૂરી થઈ હતી ત્યાંથી જ આગળ વધે છે . જોન સુગર એક ખાનગી ડિટેક્ટિવ છે , પરંતુ તેની સૌથી મોટી ખાસિયત એ છે કે તે સામાન્ય માણસ નહીં , પરંતુ એક એલિયન છે . બાકીના બધા એલિયન્સ પૃથ્વી છોડી ચુક્યા છે , છતાં જોન અહીં જ રહેવાનું નક્કી કરે છે . તે માનવ જીવનને નજીકથી સમજવા અને સાચી લાગણીઓ ને અનુભવવા માટે ડિટેક્ટિવ તરીકે કામ કરે છે .

' સુગર સીઝન 2 ' સ્ટાર કાસ્ટ અને રેટિંગ :

આ સિરીઝમાં કોલિન ફેરેલ , શિયા વ્હિઘમ , જિન હા , ટોની ડાલ્ટન , રેમન્ડ લી , લૌરા ડોનેલી અને સાશા કેલે મહત્વપૂર્ણ ભૂમિકાઓમાં જોવા મળે છે . સેમ કેટલિન આ સિરીઝના શોરનર છે , જયારે તેનું નિર્દેશન અમાટ એસ્કેલાન્ટે અને માઈકલ મોરિસે કર્યું છે .

' સુગર સીઝન 2 ' અભિપ્રાય :

IMDb પર ' સુગર સીઝન 2 ' ને 10 માંથી 7.4 રેટિંગ મળ્યું છે . સસ્પેન્સ , ક્રાઇમ અને સાયન્સ - ફિક્શનનું મિશ્રણ પસંદ કરતા દર્શકો માટે આ વેબ સિરીઝ એક સારી પસંદગી બની શકે છે .