કેપ્ટન પ્રાઈસની વાપસી સાથે Modern Warfare 4 માં મળશે નવી સ્ટોરી અને DMZ મોડ

એક્ટીવિઝન અને ઇન્ફિનિટી વોર્ડે સત્તાવાર રીતે Call of Duty : Modern Warfare 4 ની જાહેરાત કરી છે . લોકપ્રિય ફર્સ્ટ - પર્સન શૂટર ગેમ સિરીઝની નવી સિક્વલ 23 ઓક્ટોબર , 2026 ના રોજ વૈશ્વિક સ્તરે લોન્ચ થશે . કંપનીના જણાવ્યા મુજબ ,નવી ગેમમાં નવી સ્ટોરીલાઇન , સુધારેલા મલ્ટિપ્લેયર અનુભવ અને ખેલાડીઓમાં લોકપ્રિય  DMZ એક્સટ્રેક્શન મોડનો સમાવેશ કરવામાં આવ્યો છે , ખાસ વાત એ છે કે આ પહેલી વખત Nintendo Switch 2 માટે પણ  ઉપલબ્ધ  રહેશે , જયારે PlayStation 5, Xbox Series X/S અને PC પ્લેટફોર્મ પર પણ લોન્ચના દિવસથી જ રમાવી શકાશે .

Call of Duty : Modern Warfare 4 ની વાર્તા કોરિયન દ્વીપમાં સર્જાયેલા મોટા લશ્કરી સંઘર્ષની આસપાસ કેન્દ્રિત છે . ખેલાડીઓ જુદા જુદા મિશન અને ઓપરેશન્સમાં ભાગ લેશે , જ્યાં ટીમવર્ક અને ઝડપી નિર્ણય લેવાની ક્ષમતા મહત્વપૂર્ણ રહેશે . આ સિરીઝનો સૌથી લોકપ્રિય પાત્ર કેપ્ટન પ્રાઈસ ફરી એકવાર મુખ્ય ભૂમિકામાં જોવા મળશે . તેની સાથે દક્ષિણ કોરિયાના સૈનિકો અને નવી પાત્રોની ટીમ પણ સ્ટોરીનો મહત્વનો ભાગ બનશે .

ડેવલપર ઇન્ફિનિટી વોર્ડનું કહેવું છે કે આ વખતે ટાસ્ક પહેલા કરતાં વધુ મોટા હશે . ગેમમાં અદ્યતન ટેક્નોલોજી , વિશાળ મેદાનો અને વધુ સિનેમેટિક અનુભવ  આપવા માટે નવા ગેમપ્લે  એડ કરવામાં આવે છે . જુદા જુદા સ્થળોએ ફેલાયેલા મિશનો ખેલાડીઓને અલગ - અલગ મુશ્કેલીનો સામનો કરાવશે .

મલ્ટિપ્લેયર વિભાગમાં પણ અનેક નવી સુવિધાઓ જોવા મળશે . ખેલાડીઓ તરફથી સકારાત્મક અભિપ્રાય મળ્યો છે . DMZ મોડ ફરી પાછો લાવવામાં  આવ્યો  છે . જોકે , તમામ નકશા અને ગેમ મોડ્સ વિશેની સંપૂર્ણ વિગતો હજુ જાહેર કરવામાં આવી નથી અને કંપની આગામી મહિનાઓમાં વધુ માહિતી શેર કરશે .

Modern Warfare 4 Playstation 5,  Xbox Series X /S , Steam , Battle.net , PC અને Nintendo Switch 2 પર ઉપલબ્ધ રહેશે . જોકે  Playstation 4 અને Xbox One જેવા જુના કન્સોલ માટે આ ગેમ લોન્ચ કરવામાં આવશે નહીં . હાલમાં ગેમ માટે પ્રી - ઓર્ડર શરૂ થઈ ગયા છે અને ગેમિંગ કરનાર લોકો તેના ઓક્ટોબર લોન્ચની રાહ જોઈ રહ્યા છે .