Netflix નું મોટું પગલું : બાળકો માટે નવી Playground એપ રજૂ

Netflix એ સોમવારે 8 વર્ષ કે તેનાથી ઓછી ઉંમરના બાળકો માટે નવી એપ Netflix Playground લોન્ચ કરી છે . આ એપ બાળકો માટે સલામત ,એડ ફ્રી અને ઇન્ટરેક્ટિવ જગ્યા આપે છે , જ્યાં તેઓ લોકપ્રિય શો પર આધારિત ગેમ્સ અને પ્રવૃત્તિઓનો આનંદ લઈ શકે છે . ખાસ વાત એ છે કે આ એપ તમામ Netflix  સબ્સ્ક્રિપ્શન સાથે મફતમાં મળે છે અને તેમાં કોઈ ઈન એપ ખરીદી નથી . હાલમાં આ એપ iPhone અને iPad પર પસંદગીના બજારોમાં ઉપલબ્ધ છે અને આ મહિનાના અંત સુધી વૈશ્વિક  સ્તરે લોન્ચ થવાની યોજના છે .

Netflix Playground એક સ્ટેન્ડઅલોન એપ તરીકે ઉપલબ્ધ છે , જેને યુઝર્સ તેમના હાલના Netflix એકાઉન્ટથી સાઈન ઈન કરીને ઍક્સેસ કરી શકે છે . આ એપમાં  બાળકો માટે ખાસ પસંદ કરેલી ગેમ્સ છે , જેમાં Peppa Pig અને Sesame Street જેવા લોકપ્રિય પાત્રો શામેલ છે . તમામ ગેમ્સ તરત રમવા માટે તૈયાર છે અને  ઓફલાઈન પણ ઉપલબ્ધ છે , જેથી બાળકોને સતત ઇન્ટરનેટની જરૂર રહેતી નથી .

આ એપમાં પઝલ્સ , મેમેરી ગેમ્સ , કલરિંગ અને સરળ ક્રિએટિવ ટાસ્ક જેવી વિવિધ ઇન્ટરેક્ટિવ  પ્રવૃત્તિઓ આપવામાં આવી છે . બાળકો Elmo અને Cookie  Monster જેવા પાત્રો  સાથે મીની-ગેમ્સ રમી શકે છે , તેમજ એડવેન્ચર પણ મેળવી શકે છે . Netflix મુજબ આ પ્લેટફોર્મ મનોરંજન સાથે શિક્ષા અને ક્રિએટિવિટીને  પ્રોત્સાહિત કરવા માટે તૈયાર કરવામાં આવ્યું છે .

બાળકોની સલામતીને ધ્યાનમાં રાખીને Netflix Playgroundમાં મજબૂત પેરેંટલ કંટ્રોલ સુવિધાઓ આપવામાં આવી છે . તેમાં બાળકો માટે અલગ પ્રોફાઈલ બનાવવાની સુવિધા , કન્ટેન્ટ ફિલ્ટર , ચોક્કસ ટાઈટલ બ્લોક કરવાની ક્ષમતા અને હિસ્ટ્રી ટ્રેક કરવાની સુવિધા શામેલ છે . આથી માતાપિતા તેમના બાળકો  શું જોઈ શકે અને રમી શકે તે  સરળતાથી નિયંત્રિત કરી શકે છે .

આ એપ સાથે Netflix હવે Apple Arcade જેવી એપ્સ સાથે સ્પર્ધા કરવા તૈયાર છે . Apple Arcade ની જેમ , Netflix Playground પણ જાહેરાત વિના અને વધારાની ખરીદી વિના ગેમ્સ પ્રદાન કરે છે  . જોકે , Netflix પોતાની ગેમિંગ સેવાઓને અલગ સબ્સ્ક્રિપ્શન તરીકે નહીં પરંતુ તેના હાલના વિડીયો સ્ટ્રીમિંગ પ્લાન સાથે જ  રહીને એક અલગ ઓળખ બનાવે છે . હાલમાં આ એપ યુએસ, કેનેડા , યુકે , ઓસ્ટ્રેલિયા , ફિલિપાઇન્સ અને ન્યુઝીલેન્ડમાં ઉપલબ્ધ છે  અને 28 એપ્રિલે વૈશ્વિક લોન્ચ માટે તૈયાર છે .