એપલની આવતા મહિને નવા મેકબુક લોન્ચની તૈયારી

 ક્યુપરટિનો સ્થિત ટેક જાયન્ટ એપલ માર્ચમાં ઓછી કિંમતનું ડિવાઇસ રજૂ કરી શકે છે. એપલ નોન-પ્રીમિયમ લેપટોપ સેગમેન્ટમાં એક નવું મેકબુક લોન્ચ કરવાની તૈયારી કરી રહ્યું હોવાના અહેવાલ છે. અહેવાલ મુજબ એવું કહેવાય છે કે તે આવતા મહિને એક એવી તૈયારી કરી રહ્યું છે, જ્યાં મેકબુક હેડલાઇન જાહેરાત બની શકે છે. કંપની તેના સામાન્ય કલરવે કન્વેન્શનથી અલગ અભિગમ પણ અપનાવી રહી છે, અને નવા મેકબુક માટે બ્રાઇટ  અને "પ્લેફુલ કલર્સ"નું પરીક્ષણ કરી રહી હોવાનું કહેવાય છે. iPhone 16 Pro મોડેલોમાં રહેલી ચિપસેટ જે તેમાં આપવામાં આવશે તેવી ધારણા છે. બ્લૂમબર્ગના માર્ક ગુરમેને પાવર ઓન ન્યૂઝલેટરમાં દાવો કર્યો હતો કે એપલ આવતા મહિને એક ઇવેન્ટનું આયોજન કરી રહ્યું છે, જ્યાં નવું મેકબુક લોન્ચ કરશે. જો કે કંપની માર્ચની ઇવેન્ટમાં ફક્ત નવુ મેકબુક જે લોન્ચ કરશે કે અન્ય કોઈ હાર્ડવેર પણ રજૂ કરવાની યોજના ધરાવે છે તે નક્કી નથી. 

આગામી મેકબુકની કિંમત 

નવા લેપટોપને $1,000 (આશરે રૂ. 90,700) ની કિંમતની શ્રેણીમાં મૂકવામાં આવશે, જે તેને બજારમાં સૌથી સસ્તું મેકબુક બનાવશે. કિંમતો ઓછી રાખવા માટે, એપલ મશીનને A18 Pro ચિપસેટથી સજ્જ કરી રહ્યું છે, જે તે જ પ્રોસેસર છે જે iPhone 16 Pro મોડેલ્સને પાવર આપે છે. વધુમાં, તે એર અને પ્રો વેરિઅન્ટ્સની તુલનામાં થોડી નાની ડિસ્પ્લે, 13 ઇંચ કરતા થોડી ઓછી હોવાનું કહેવાય છે.

ઉપર જણાવ્યા મુજબ, રિપોર્ટમાં દાવો કરવામાં આવ્યો છે કે એપલ નવા ડિવાઇસ માટે હળવા કલર ફોર્મ્યુલાને છોડી રહી છે, અને આછો પીળો, આછો લીલો, વાદળી, ગુલાબી, ક્લાસિક સિલ્વર અને ઘેરો ગ્રે જેવા વિકલ્પોનું પરીક્ષણ કર્યું છે. જોકે, નવું મેકબુક લોન્ચ થાય ત્યારે આ બધા વિકલ્પો હોવાની શક્યતા ઓછી છે.

J700 કોડનેમ સાથે નવા મેકબુકની બિલ્ડ ગુણવત્તામાં કોઈ સમાધાન નહીં કરાય. તેમાં એલ્યુમિનિયમ ચેસિસ હોવાનું કહેવાય છે, જે ઉત્પાદન ખર્ચ ઘટાડવા માટે નવી ઉત્પાદન પ્રક્રિયાનો ઉપયોગ કરીને વિકસાવવામાં આવ્યું હતું. આ ખાસ તકનીક કંપની હાલમાં જે ઉપયોગ કરે છે તેના કરતા ઝડપી હોવાનું પણ કહેવાય છે.

અગાઉના એક અહેવાલમાં દાવો કરવામાં આવ્યો હતો કે ઓછી કિંમતનું મેકબુક 8GB રેમ અને લાંબી બેટરી લાઇફ સાથે આવશે. તેમાં થંડરબોલ્ટ નહીં આપવામાં આવે, ત્યારે ડેટા ટ્રાન્સફર માટે તેમાં USB ટાઇપ-સી પોર્ટ હોવાનો દાવો કરવામાં આવ્યો છે. બાહ્ય ડિસ્પ્લેનો ઉપયોગ કરતી વખતે તે કેટલાંક ફીચર્સને મર્યાદિત કરી શકે છે.