128GB મેમરી અને 1 પેટાફ્લોપ AI કમ્પ્યુટર સાથે આવ્યું Microsoft Surface Laptop Ultra

માઈક્રોસોફ્ટે પોતાના અત્યાર સુધીના સૌથી શક્તિશાળી  Surface લેપટોપ તરીકે નવા Surface Laptop Ultraની જાહેરાત કરી છે . Nvidia સાથે મળીને  વિકસાવવામાં આવેલા આ પ્રીમિયમ લેપટોપને ખાસ કરીને  કન્ટેન્ટ ક્રિએટર્સ , ડેવલપર્સ , AI સંશોધકો અને પ્રોફેશનલ્સને ધ્યાનમાં રાખીને ડિઝાઈન કરવામાં  આવ્યું છે  . કંપનીના જણાવ્યા અનુસાર , આ ડિવાઈસ હાઈ - એન્ડ AI વર્કલોડ , 3D રેન્ડરિંગ , સોફ્ટવેર કમ્પાઇલેશન અને કઠિન સિમ્યુલેશન જેવા ભારે  કામને  સરળતાથી સંભાળી શકે છે . લેપટોપને Plantinum અને Nightfall કલર વિકલ્પોમાં રજૂ કરવામાં આવશે .

આ વર્ષના અંતમાં થશે ઉપલબ્ધ 
માઈક્રોસોફ્ટે આ વાતની પુષ્ટિ કરી છે કે Surface Laptop Ultra આ વર્ષના અંત સુધીમાં બજારમાં ઉપલબ્ધ થશે . જોકે , કંપનીએ હજુ સુધી તેની કિંમત કે જુદા જુદા દેશોમાં  ઉપલબ્ધતા અંગે કોઈ માહિતી જાહેર કરી નથી . લેપટોપને Plantinum અને Nightfall કલર વિકલ્પોમાં રજૂ કરવામાં આવશે .

15 ઇંચની Mini - LED ડિસ્પ્લે 
Surface Laptop Ultraમાં 15 ઈંચનું PixelSense Ultra ટચસ્ક્રીન ડિસ્પ્લે આપવામાં આવ્યું છે , જે  Mini - LED ટેક્નોલોજી પર આધારિત છે . ડિસ્પ્લે 2,000 nits સુધીની  પીક HDR બ્રાઇટનેસ અને 262ppi  ડેન્સિટી આપે છે . કંપનીનો દાવો છે કે આ અત્યાર  સુધીના કોઈપણ Surface ડિવાઈસમાં આપવામાં આવેલું સૌથી  બ્રાઇટનેસ ડિસ્પ્લે ધરાવે છે .

AI અને ગ્રાફિક્સ માટે પાવરફુલ હાર્ડવેર 
લેપટોપમાં Nvidiaનું નવું Blackwell RTX GPU આપવામાં આવ્યું છે . Surface Laptop Ultra , CUDA સપોર્ટ સાથે આવતું પહેલું Surface ડિવાઈસ હોવાનું  માઈક્રોસોફ્ટનું માનવું છે . કંપની મુજબ , આ સિસ્ટમ 1 પેટાફ્લોપ સુધીનું AI કમ્પ્યુટ પરફોર્મન્સ આપી શકે છે , જે 120 બિલિયન પેરામીટર્સ સુધીના AI મોડેલ્સને  ચલાવી શકે છે .

આ ડિવાઈસમાં 128GB સુધીની Unified Memoryનો વિકલ્પ મળે છે , જે CPU અને GPU વચ્ચે જરૂરિયાત મુજબ વહેંચી શકે છે . આ ઉપરાંત  , હાર્ડવેરને Nvidia RTX Spark વર્કલોડ્સ અને  નવી જનરેશનના Windows AI ફીચર્સ માટે ઓપ્ટિમાઈઝ કરવામાં આવ્યું છે .

RTX Spark સુપરચિપનો સપોર્ટ 
Nvidiaની નવી  RTX Spark  સુપરચિપમાં 6,144 CUDA કોરો , 5th જનરેશનના ટેન્સર કોર્સ અને 20 - કોર Nvidia  Grace CPU નો સમાવેશ થાય છે .

વધુ સારી કુલિંગ અને કનેક્ટિવિટી 
માઈક્રોસોફ્ટના જણાવ્યા અનુસાર Surface Laptop Ultraની થર્મલ સિસ્ટમ 15 ઇંચ Surface Laptopની સરખામણીએ 2.5 ગણી વધુ કુલિંગ ક્ષમતા ધરાવે છે . કનેક્ટિવિટી માટે HDMI , USB Type - C , USB Type - A , SD Card slot અને 3.5mm હેડફોન જેક જેવા વિકલ્પો આપવામાં આવ્યા છે .

આ લેપટોપમાં માઈક્રોસોફ્ટનું અત્યાર સુધીનું સૌથી મોટું હેપ્ટિક ટચપેડ આપવામાં આવ્યું છે . આ ઉપરાંત , સુરક્ષા માટે Windows Hello આધારિત ફેશિયલ રિકગ્નિશન સપોર્ટ પણ મળે છે . કંપનીએ રિપેરેબિલીટીને પણ પ્રાયોરિટી આપી છે .