Apple Intelligence ટુલ્સથી ફોટો એડિટિંગ બનશે વધુ સ્માર્ટ અને સરળ 

એવું કહેવાય છે કે Apple હવે તેના iPhone , iPad અને Mac માં ફોટો એડિટિંગ અનુભવને વધુ સ્માર્ટ અને સરળ બનાવવા માટે મોટા બદલાવ લાવવાની  તૈયારી  કરી રહ્યું છે . કંપની AI નો ઉપયોગ કરીને નવી સુવિધાઓ લાવી રહી છે , જેથી યુઝર્સને થોડા સમયમાં જ પ્રોફેશનલ લેવલના ફોટો એડિટ્સ મળી શકે  . આ નવા ટુલ્સ iOS 27 , iPadOS 27 અને MacOS 27 સાથે આવવાની શક્યતા છે . આ તમામ અપડેટ્સનું પ્રિવ્યૂ WWDC 2026 માં જોવા મળી શકે છે .

Apple Intelligence :

નવી Photos એપમાં " Apple Intelligence " નામનું એક ખાસ મેનુ એડ કરવામાં આવશે , જેમાં ત્રણ મુખ્ય AI ટૂલ્સ હશે . Extend , Enhance અને Reframe  . આ ત્રણેય ટૂલ્સ યુઝર્સને સરળ રીતે અને ઝડપી રીતે ફોટો એડિટ કરવાની સુવિધા આપશે .

Extend :

Extend ફીચરનો ઉપયોગ કરીને યુઝર ફોટોને વધારી શકે છે . જો ફોટામાં કોઈ ભાગ કટ થઈ ગયો હોય , તો AI નવા વિઝ્યુઅલ્સ જનરેટ કરીને ફોટાને પૂરું બનાવશે  . ઉદાહરણ તરીકે , જો બેકગ્રાઉન્ડ અધૂરું હોય તો તે આપમેળે તેને પૂર્ણ કરી દેશે .

Enhance :

Enhance ફીચર ફોટોને વધુ સુંદર બનાવવામાં મદદ કરશે . આ ટૂલ લાઇટિંગ , કલર બેલેન્સ અને ક્લેરિટી આપમેળે સુધારીને ફોટોને વધુ સ્પષ્ટ અને આકર્ષક  બનાવશે   . સામાન્ય auto - enhance કરતાં આ વધુ સારો પરિણામ આપશે એવી આશા છે .

Reframe :

Reframe ફીચર ખાસ કરીને ડેપ્થવાળા ફોટા માટે ઉપયોગી રહેશે . આથી યુઝર ફોટો માટે ઉપયોગી રહેશે . આથી યુઝર ફોટો લીધા પછી પણ તેનો એંગલ કે ફ્રેમ બદલી શકશે  , જેથી ફોટો વધુ પ્રોફેશનલ અને બેલેન્સ્ડ દેખાય .

આ સિવાય , Apple હાલના Clean Up ટૂલને પણ વધુ અપગ્રેડ કરી રહ્યું છે . જેથી ફોટોમાંથી અણગમતી વસ્તુઓ સરળતાથી દૂર કરી શકાય . હાલમાં આ ફીચર્સ  ટેસ્ટિંગ સ્ટેજમાં છે અને હજુ સંપૂર્ણ રીતે પરફેક્ટ નથી . ખાસ કરીને Extend અને Reframe ટૂલ્સમાં ક્યારેક સચોટ પરિણામ મળતા નથી . તેથી શક્ય છે કે  Apple આ સુવિધાઓ લોન્ચ કરવામાં થોડો મોડો કરે અથવા તેમાં સુધારા કર્યા પછી જ જાહેર કરે .