સેમસંગ ગેલેક્સીમાં ઓટો રિસ્ટાર્ટ સેટ કરો અને ફોનને રાખો હંમેશા સ્મૂથ

સમય જતાં લગભગ બધા સ્માર્ટફોન ધીમા પડી જાય છે . આ દરેક યુઝરનો સામાન્ય અનુભવ છે . ખાસ કરીને જયારે ઘણી એપ્સ બેકગ્રાઉન્ડમાં ચાલતી રહે ત્યારે , કેશ અને ટેમ્પરરી ફાઈલો ભેગી થવા લાગે છે , જેના કારણે ફોનનો પરફોર્મન્સ ઘટે છે .ઘણી વાર સ્ટોરેજ સાફ કરવાથી અથવા એપ્સ ડિલીટ કરવાથી  થોડો  ઘણો ફાયદો થાય એટલે કે સ્પેસ પણ મળે અને ફોન પણ સારી સ્પીડે ચાલે . પરંતુ સૌથી સરળ અને અસરકારક ઉપાય એ છે કે જરૂરી સમયાંતરે ફોનને  રિસ્ટાર્ટ  કરતુ રહેવું . સેમસંગ ગેલેક્સી સ્માર્ટફોનમાં હવે આપમેળે રિસ્ટાર્ટ થવાની પ્રક્રિયા ચાલુ કરી શકાશે .

રિસ્ટાર્ટ શા માટે મદદ કરે છે અને ઓટોમેટિક રિસ્ટાર્ટ શું છે ?

ફોનને રિસ્ટાર્ટ કરવાથી ટેમ્પરરી ફાઈલો ક્લિયર થાય છે , મેમરી ફ્રેશ થાય અને બેકગ્રાઉન્ડમાં ચાલતી અણગમતી પ્રોસેસ બંધ થાય છે . આથી ફોન વધુ સ્મૂથ અને ફાસ્ટ  લાગે છે , નાના બગ્સ પણ ઠીક થઈ જાય છે અને બેટરી પરફોર્મન્સમાં પણ સુધારો થાય છે .

Samsungમાં " Auto Optimization " નામની એક ખાસ સુવિધા મળે છે , જે તમારા ફોનને આપમેળે ચોક્કસ સમય પર રિસ્ટાર્ટ કરે છે . આ સામાન્ય રીતે ત્યારે  થાય છે જયારે તમે ફોનનો ઉપયોગ ન કરતા હોય .

આથી ફોન સમયાંતરે પોતે જ " ફ્રેશ " થઈ જાય છે અને લેગ અથવા હેંગ થવાની સમસ્યા ઓછી થાય છે .

Samsung Galaxy ફોનમાં ઓટોમેટિક રિસ્ટાર્ટ કેવી રીતે સેટ કરવું ?

• આ સેટિંગ્સ કરવી ખુબ જ સરળ છે .

• ફોનમાં Setting ખોલો 

• નીચે સ્ક્રોલ કરીને " Battery and Device  Care " પર જાઓ 

• ત્યાં Auto Optimization  વિકલ્પ પસંદ કરો 

• Auto Restart ને ON કરો 

• પછી તમે દિવસ અને સમય પણ પસંદ કરી શકો છે 

• એકવાર સેટ કર્યા પછી , ફોન તમારા નક્કી કરેલા સમય પર આપમેળે રિસ્ટાર્ટ થશે .

રાત્રે કે વહેલી સવારે સમય સેટ કરવો વધુ યોગ્ય રહે છે .

Auto Optimization
Photo Credit: Samsung

Samsung મુજબ , ફોન ત્યારે જ રિસ્ટાર્ટ થશે જયારે :

• સ્ક્રીન OFF હોય 
• ફોન ઉપયોગમાં ન હોય બેટરી 30%થી વધુ હોય 
• SIM લોક બંધ હોય 

આથી તમારા કામમાં કોઈ પણ રુકાવટ નહીં આવે .

તમારા Samsung ફોનને સ્મૂથ રાખવા માટે કેટલીક ટિપ્સ 
 

1) Device Care નો ઉપયોગ કરો 
     આ બિલ્ટ - ઈન ટૂલ બેટરી , મેમરી અને સ્ટોરેજ ઑપ્ટિમાઇઝ કરે છે . તમે તેને મેન્યુઅલી કે ઓટોમેટિક રીતે ઉપયોગ કરી શકો છો .

2) કેશ સમયાંતરે સાફ કરો 
     એપ્સનો કેશ સમય સાથે વધી જાય છે અને તેને ક્લિયર કરવાથી  તે ઝડપી બને છે .

3)સોફ્ટવેર અપડેટ રાખો 
      નવી અપડેટમાં બગ ફિક્સ અને પરફોર્મન્સ સુધારણા હોય છે , જેથી ફોનના સોફ્ટવેરને હમેશા અપડેટ રાખો .

4)બેકગ્રાઉન્ડ એપ્સ કંટ્રોલ કરો 
     જેઓ એપ્સ તમે ઓછા ઉપયોગ કરો છો , તેમને બેકગ્રાઉન્ડમાં ચાલતા રોકો .

5) સ્ટોરેજ ખાલી રાખો 
     ફોનનું સ્ટોરેજ ભરેલું હશે તો તે ધીમું થઈ જશે . જૂની ફાઈલો અને બિનજરૂરી એપ્સ ડિલીટ કરો અથવા ક્લાઉડમાં મુવ કરો .

આ નાના પગલાં અપનાવીને તમે તમારા Samsung Galaxy ફોનને લાંબા સમય સુધી ઝડપી અને સ્મૂથ રાખી શકો છો .