iPhone 16ની અસરકારક કિંમત ઘટીને રૂ. 65,900 થઈ

એપલે તેની iPhone 16 સિરીઝ લોન્ચ કરી ત્યારે તેના બેઝ વેરિઅન્ટની ભારતમાં કિંમત રૂ. 79,900 થી શરૂ થતી હતી. હાલમાં iPhone 16 માં અનેક ઈ-કોમર્સ સાઇટ દ્વારા ડિસ્કાઉન્ટ જાહેર કરાતા રૂ. 65,990 જેટલી ઓછી કિંમતે મળી શકે છે. ઇમેજિન વેબસાઇટ પર આઇફોન 16 નું 128GB વેરિઅન્ટ રૂ. 69,990 પર લિસ્ટ કરાયું છે. ખરીદદારો SBI કાર્ડ, ICICI બેંક અથવા IDFC ફર્સ્ટ બેંક કાર્ડનો ઉપયોગ કરીને કરેલી ખરીદી પર રૂ. 4,000 નું ઇન્સ્ટન્ટ કેશબેક મેળવી શકે છે. કેશબેક લાગુ કર્યા પછી, ફોનની અસરકારક કિંમત રૂ. 65,900 થઈ જાય છે.

ગ્રાહકો iPhone 16 ને નો-કોસ્ટ EMI પ્લાન પર પણ ખરીદી શકે છે, જેનો માસિક હપ્તો આશરે રૂ. 10,983 છે. આ જ રિસેલરે iPhone 16 ના 256GB અને 512GB વેરિઅન્ટને અનુક્રમે રૂ. 79,900 અને રૂ. 99,900 માં સૂચિબદ્ધ કર્યા છે. આ સ્ટોરેજ વિકલ્પો માટેની વેબસાઇટની સૂચિ અનુસાર, એવું લાગતું નથી કે તેમને તે જ રિસેલર દ્વારા વધારાની બેંક અથવા કેશબેક ઑફર્સ આપવામાં આવી રહી છે.

આ કિંમત જોઈને કહી શકાય કે, એમેઝોન જેવી ઈ-કોમર્સ વેબસાઇટ્સ તેમજ એપલ અધિકૃત રિસેલર સિવાય અન્ય રિસેલર પાસે સારી ડીલ્સ હોઈ શકે છે. જેમકે, 128GB સ્ટોરેજ સાથેનો iPhone 16 હાલમાં Croma માં રૂ. 63,000 થી ઓછી કિંમતે ઉપલબ્ધ છે. લોન્ચ સમયે, iPhone 16 ના 128GB વેરિઅન્ટની કિંમત રૂ. 79,900 હતી, જ્યારે 256GB અને 512GB વર્ઝનની કિંમત અનુક્રમે રૂ. 89,900 અને રૂ. 1,09,900 હતી.

iPhone 16 ના સ્પેસિફિકેશન્સ

iPhone 16 Apple ના 3nm-આધારિત A18 ઓક્ટા-કોર SoC પર ચાલે છે, જેમાં છ-કોર CPU, પાંચ-કોર GPU અને અદ્યતન AI કાર્યો માટે 16-કોર ન્યુરલ એન્જિનનો સમાવેશ થાય છે. તેમાં, 6.1-ઇંચ સુપર રેટિના XDR OLED ડિસ્પ્લે છે જે 2,000 nits સુધીની પીક બ્રાઇટનેસ આપે છે. ફોટોગ્રાફી માટે, iPhone 16 ડ્યુઅલ રીઅર કેમેરા સિસ્ટમથી સજ્જ છે જેમાં 48-મેગાપિક્સલનો પ્રાથમિક સેન્સર અને 12-મેગાપિક્સલનો અલ્ટ્રા-વાઇડ કેમેરા છે. આગળના ભાગમાં, તેમાં 12-મેગાપિક્સલનો ટ્રુડેપ્થ કેમેરા છે. તેમાં જમણી બાજુએ કેમેરા કંટ્રોલ બટન શામેલ છે, જેનો ઉપયોગ ટેપ અથવા સ્લાઇડ સાથે ઝૂમ કરવા, પિક્ચર ક્લિક કરવા, વિડિઓ રેકોર્ડ કરવા સહિતના કાર્યો માટે થઈ શકે છે. તેમાં ધૂળ અને પાણી સામે સુરક્ષા માટે IP68 રેટિંગ છે