Nothing Phone 4b લોન્ચ પહેલા મોટો ખુલાસો Snapdragon પ્રોસેસર અને AI ફીચર્સની પુષ્ટિ

Nothing આગામી 7 જુલાઈએ તેના નવા સ્માર્ટફોન Nothing Phone 4b  ને લોન્ચ કરવા જઈ રહ્યું છે . લોન્ચ પહેલા કંપનીએ ફોન વિશે વધુ એક મહત્વપૂર્ણ માહિતી જાહેર કરી છે . કંપનીએ પુષ્ટિ કરી છે કે આ સ્માર્ટફોન Qualcomm Snapdragon પ્રોસેસર સાથે આવશે . જોકે કયો ચોક્કસ ચિપસેટ આપવામાં આવશે તેની સત્તાવાર હજુ કરવામાં આવી નથી . કંપનીનું કહેવું છે કે નવું પ્લેટફોર્મ વધુ સારું પરફોર્મન્સ , વધુ પાવર કાર્યક્ષમતા અને ઓન - ડિવાઈસ AI ફીચર્સને સપોર્ટ કરશે . પ્રોસેસરની સંપૂર્ણ વિગતો 7 જુલાઈના રોજ સાંજે 4 વાગ્યે યોજનારી લોન્ચ ઇવેન્ટ દરમિયાન જાહેર કરવામાં આવશે .

Nothing India એ X પર શેર કરેલી પોસ્ટમાં Qualcomm સાથેની ભાગીદારીની પુષ્ટિ કરી છે . કંપનીએ જણાવ્યું છે કે  Nothing Phone 4b તેની નવી " b " સિરીઝનો પહેલો સ્માર્ટફોન હશે .   Nothing Phone 4b Snapdragon 6 સિરીઝની ચિપથી સજ્જ છે 

જોકે કંપનીએ ચિપસેટનું નામ જાહેર કર્યું નથી , પરંતુ તાજેતરના લીક્સ અનુસાર ફોનમાં Snapdragon 6 Gen 4 SoC મળવાની શક્યતા છે . પહેલા Geekbench પર જોવા મળેલા મોડેલ નંબર A005 ધરાવતા ડિવાઈસમાં પણ આ જ પ્રોસેસર હોવાનો સંકેત મળ્યો હતો . લીક મુજબ ફોનમાં 8GB RAM અને Android 16 આધારિત Nothing OS મળશે .

અન્ય લીક્સ મુજબ  Nothing Phone 4b માં 6.7 ઇંચની AMOLED ડિસ્પ્લે આપવામાં આવી શકે છે , જે 120Hz રિફ્રેશ રેટ ને સપોર્ટ કરશે . આ ફોન 8GB + 128GB અને 8GB + 256GB સ્ટોરેજ વેરિઅન્ટમાં ઉપલબ્ધ થઈ શકે છે . આ ઉપરાંત તેમાં 5,400mAh બેટરી અને 50 મેગાપિક્સલનો પ્રાઈમરી રિયર કેમેરા મળવાની શક્યતા છે .

એક સત્તાવાર ટીઝરમાં ફોનના પાછળના ભાગમાં ડયુઅલ રિયર કેમેરા જોવા મળે છે . કંપનીએ પહેલાના Glyph Interface માં ફેરફાર કરીને હવે કેમેરા મોડયુલની નીચે કોમ્પેકટ હોરિઝોન્ટલ Glyph Bar આપી છે . આ લાઇટિંગ સિસ્ટમ ચાર્જિંગ સ્ટેટસ , નોટિફિકેશન અને જુદા જુદા એપ્સ સંબંધિત એલર્ટ દર્શવવા માટે ઉપયોગી બનશે .