Oppo Find X9 Ultra ની મોટી બેટરી અને શક્તિશાળી ચિપસેટ સાથે એન્ટ્રી , લોન્ચ તારીખ કન્ફ્રર્મ

Oppo 21 એપ્રિલે તેના નવા ફ્લેગશિપ સ્માર્ટફોન Oppo Find X9 Ultra ને વૈશ્વિક સ્તરે લોન્ચ કરવા જઈ રહ્યું છે . આ ફોન ચીનમાં  Find X9s Pro સાથે એક ખાસ ઇવેન્ટમાં રજૂ કરવામાં આવશે . આ ફોન માટે કંપનીએ કેટલાક કેમેરા ફીચર્સ જે કન્ફ્રર્મ કર્યા છે , જયારે આ ફોનની ડિઝાઇન , સ્પેસિફિકેશન અને અન્ય વિગતો પણ લીક્સ  દ્રારા જાણવા મળી છે .ખાસ વાત આ છે કે આ ડિવાઇસ ભારતમાં પણ લોન્ચ થવાની શક્યતા છે કારણ કે તે BIS સર્ટિફિકેશન સાઈટ પર  જોવા  મળે છે .

Oppo Find X 9 Ultra લોન્ચ તારીખ 
Oppo દ્રારા સત્તાવાર રીતે જાહેર કરવામાં આવ્યું છે કે  Find X 9 Ultra નો ગ્લોબલ લોન્ચ 21 એપ્રિલે થશે . આ જ દિવસે ચીનમાં એક ખાસ ઇવેન્ટ દરમિયાન  Find X9 Ultra અને  Find X9s  Pro બંને સ્માર્ટફોન રજૂ કરવામાં આવશે .

Oppo Find X 9 Ultra સ્પેસિફિકેશન્સ 
ડિઝાઇન 
નવી લીક થયેલી માહિતી મુજબ , Find X9 Ultra પાછળ મોટા ગોળાકાર કેમેરા મોડયુલ સાથે આવશે . આ ડિઝાઇન પહેલાના મોડેલ જેવી જ હશે , પરંતુ તેમાં થોડો નવો લેઆઉટ જોવા મળશે . કેમેરા સેટઅપ એક ઓફ સેન્ટર લંબચોરસ વિભાગમાં હશે અને બહારનો રિંગ વધુ બોલ્ડ દેખાશે .

આ ફોનના પાછળના પેનલમાં લેધર જેવી ફિનિશ અને ડયુઅલ-ટોન ડિઝાઇન જોવા મળી શકે છે . LED ફ્લેશ ઉપરના ખૂણામાં હશે , સાથે Hasselblad અને  Oppo બ્રાન્ડિંગ આપવામાં આવશે .

કલર વિકલ્પની વાત કરીએ તો આ ફોન Tundra , Velvet Sand Canyon અને Polar Glacier કલર વિકલ્પોમાં આવી શકે છે . આ ઉપરાંત તેમાં બાયોનિક વાઈબ્રેશન મોટર અને ડયુઅલ સ્ટીરીયો સ્પીકર્સ મળશે . આ ફોનને IP66, IP68 અને IP69 રેટિંગ સાથે ધૂળ અને પાણીથી સુરક્ષિત રહેશે .

ડિસ્પ્લે :
Oppo Find X 9 Ultra  માં 6.82 ઇંચનું LTPO AMOLED ડિસ્પ્લે મળવાની શક્યતા છે , જે 2K રિઝોલ્યુશન અને 144Hz રિફ્રેશ રેટ સાથે આવશે . આ પેનલ BOE  કંપની દ્રારા બનાવવામાં આવી શકે છે .

પરફોર્મન્સ :
આ સ્માર્ટફોનમાં Qualcomm નું લેટેસ્ટ Snapdragon 8 Elite Gen 5 પ્રોસેસર મળવાની શક્યતા છે .  આ ડિવાઇસ Android 16 પર ચાલશે અને તેમાં 12GB  RAM મળશે , જયારે તેના  ટોપ મોડેલમાં 16GB RAM અને 512GB સ્ટોરેજ વેરિઅન્ટ આપવામાં આવી શકે છે .

ઓક્ટા-કોર CPU સાથે 2 કોર 4.61GHz સુધી અને બાકી 6 કોર 3.63GHz સુધી  સ્પીડ ધરાવે છે .

કેમેરા :
આ ફોનમાં 50MP ટેલિફોટો કેમેરા મળશે , જે 10x ઓપ્ટિકલ ઝૂમ અને 230mm ફોકલ લંબાઈ હશે . આ સેન્સર કસ્ટમ Samsung ISOCELL પર આધારિત હશે  અને તેમાં ગિમ્બલ લેવલ OIS મળશે . કંપનીનો દાવો છે કે આ 10x ઓપ્ટિકલ ઝૂમ સાથેનો 50MP કેમેરા છે .લીક્સ પ્રમાણે આ ફોનના પાછળના ભાગમાં  બે 200MP સેન્સર અને 50MP ફ્રન્ટ કેમેરા આપવામાં આવે છે .

બેટરી :
 Find X9 Ultra માં 7,000mAh થી વધુ ક્ષમતાવાળી બેટરી મળી શકે છે , જે 7,050mAh સુધી વધી શકે છે . ચાર્જિંગ માટે 100W ફાસ્ટ વાયર્ડ ચાર્જિંગ અને 50W વાયરલેસ ચાર્જિંગ સપોર્ટ મળશે .