Oppo Find X9 Ultra લોન્ચ પહેલા જ પ્રી ઓર્ડર પર , સ્ટોરેજ અને કલર વિકલ્પો જાહેર

Oppo Find X9 Ultra આવતા અઠવાડિયે ચીન સહિત પસંદગીના બજારોમાં Oppo Find X9s અને Oppo Find X9 Pro સાથે લોન્ચ થવા જઈ રહ્યો છે . આ સ્માર્ટફોન કંપનીનો નવો ફ્લેગશિપ મોડેલ હશે . Find X9 Ultra 21 એપ્રિલે લોન્ચ થશે . લોન્ચ પહેલા કંપનીએ તેના ડિઝાઈન , સ્પેસિફિકેશન્સ અને અન્ય માહિતીની વિગતો જાહેર કરી છે . હાલમાં આ હેન્ડસેટ ચીનમાં  Oppo  ના ઓનલાઇન સ્ટોર પર પ્રી ઓર્ડર માટે ઉપલબ્ધ છે . જ્યાં તેના કલર ઓપ્શન અને સ્ટોરેજ વેરિઅન્ટસ  માટેની માહિતી જોવા મળી છે . Oppo Find X9 Ultra માં 50 મેગાપિક્સલનો સેલ્ફી કેમેરા છે .

Oppo Find X9 Ultra સ્પેસિફિકેશન્સ:

કલર વિકલ્પો અને સ્ટોરેજ:

કંપનીની લિસ્ટિંગ મુજબ આ Oppo Find X9 Ultra ત્રણ કલર વિકલ્પોમાં આવશે . પોલાર  ગ્લેસીયર્સ  , રૉન્ગશા  કેન્યન   અને ટુંડ્રા . સાથે જ , ફોન 12GB + 256GB ,  12GB + 512GB , 16GB + 512GB અને 16GB + 1TB જેવા વિવિધ RAM અને સ્ટોરેજ વિકલ્પોમાં મળશે . 

ખાસ  વાત એ છે કે 1TB સ્ટોરેજ ધરાવતો ટોપ વેરિઅન્ટ સેટેલાઇટ કોમ્યુનિકેશન સપોર્ટ સાથે આવશે . કંપની Find X9 સિરીઝ માટે Hasselblad Master Set નામનું ખાસ બંડલ પણ લાવશે  , જે સામાન્ય પેકેજ કરતાં વધુ કિંમતી હોઈ શકે છે . આ વિગતો ચાઈનીઝ વેરિઅન્ટ માટે છે , જયારે ગ્લોબલ વર્ઝનમાં ફેરફાર જોવા મળી શકે છે .

કેમેરા સેટઅપ:

Oppo પહેલેથી જ આ વાતની પુષ્ટિ કરી ચુકી છે કે આ Find X9 Ultra 21 એપ્રિલે લોન્ચ થશે . આ ફોનમાં Hasselblad ટ્યુન્ડ ક્વાડ રિયર કેમેરા સેટઅપ મળશે, જે ગોળાકાર કેમેરા મોડયુલમાં મૂકાયેલ હશે . તેમાં 1 ઇંચ સેન્સર સાથે 200MPનો મુખ્ય કેમેરા આપવામાં આવશે .

કેમેરા સેટઅપની વાત કરીએ તો આ ફોનમાં 200MPનો 3x સુપર પોર્ટ્રેટ ટેલિફોટો લેન્સ , 50MPનો 10x ઓપ્ટિકલ ઝૂમ આપતો ટેલિફોટો કેમેરા અને 50MP નો  અલ્ટ્રાવાઇડ લેન્સ પણ સામેલ રહેશે , જે વધુ લાઈટ કેપ્ચર કરવાની ક્ષમતા ધરાવે છે . સેલ્ફી અને વિડીયો કોલ માટે આગળની બાજુએ 50MPનો ફ્રન્ટ કેમેરા મળશે  .