મે મહિનામાં ભારતમાં એન્ટ્રી કરશે Oppo Find X9s અને Find X9 Ultra

મંગળવારે ગ્લોબલ માર્કેટમાં Oppo એ તેની નવી ફ્લેગશિપ સિરીઝ હેઠળ Oppo Find X9s લોન્ચ કર્યો હતો , જે કંપનીના પ્રીમિયમ મોડેલ Oppo Find X9 Ultra  સાથે રજૂ થયો હતો . આ સાથે કંપનીએ ચીનમાં Oppo Find X9s pro પણ રજૂ કર્યો છે , જે લગભગ સમાન કિંમત અને સ્પેસિફિકેશન સાથે આવે છે . હાલમાં  Oppo Find X9s પસંદગીના દેશોમાં કંપનીના ઓનલાઇન સ્ટોર દ્રારા પ્રી ઓર્ડર માટે ઉપલબ્ધ  છે . ફોન ત્રણ આકર્ષક કલર વિકલ્પોમાં અને એક જ  RAM  સ્ટોરેજ વેરિઅન્ટમાં રજૂ કરવામાં આવ્યો છે , જે તેને  પ્રીમિયમ સેગમેન્ટમાં મજબૂત બનાવે છે .

Oppo Find X9s કિંમત અને ઉપલ્બધતા 

Oppo Find X9s નો 12GB RAM અને 512GB સ્ટોરેજ વાળો વેરિઅન્ટ MYR 3,599(લગભગ રૂપિયા 85,000) માં ઉપલબ્ધ રહેશે  . પરંતુ તેની સત્તાવાર કિંમત હજી  જાહેર કરવામાં આવી  નથી . આ સ્માર્ટફોન Oppo મલેશિયા ઓનલાઇન સ્ટોર પર પ્રી ઓર્ડર માટે ઉપલબ્ધ છે અને Lavender Sky , Midnight Grey  અને Sunset Orange જેવા કલર્સમાં મળે છે . કંપનીએ આ પણ  પુષ્ટિ કરી છે કે  Find X9 Ultra બંને મે મહિનામાં ભારતમાં લોન્ચ કરવામાં આવશે , જયારે  તેની ચોક્કસ તારીખ અને ભારતીય કિંમત ટૂંક સમયમાં  જાહેર થવાની સંભાવના છે 

Oppo Find X9s Hasselblad ટ્યુન્ડ ટ્રિપલ રિયર કેમેરા સેટઅપ આપવામાં આવ્યું છે
Photo Credit: Oppo

Oppo Find X9s સ્પેસિફિકેશન્સ અને ફીચર્સ 

Oppo Find X9sએ  એક ડયુઅલ સિમ સ્માર્ટફોન છે , જે Android 16 આધારિત ColorOS 16 પર ચાલે છે . તેમાં 6.59 ઈંચ Full - HD + AMOLED ડિસ્પ્લે આપવામાં આવ્યું છે , જે 120Hz રિફ્રેશ રેટ , 240Hz ટચ સેમ્પલિંગ રેટ અને 1,800nits સુધીની પીક બ્રાઇટનેસ ઓફર કરે છે . સાથે જ , Corning Gorilla Glass 7i પ્રોટેક્શન અને 100%DCI - P3 કલર ગેમટ અને વધુ પ્રીમિયમ અનુભવ આપે છે .

પરફોર્મન્સની વાત કરીએ તો , આ હેન્ડસેટમાં Media Tek Dimensity 9500s ચિપસેટ સાથે Immortalis G925 GPU આપવામાં આવ્યો છે , જે ગેમિંગ અને મલ્ટીટાસ્કિંગ માટે બેસ્ટ ગણાય છે . તેમાં 12GB LPDDR5x RAM અને 512GB સુધી   UFS  4.1 સ્ટોરેજ ઉપલબ્ધ છે . વધુમાં , આ ફોન IP66, IP68 અને IP69 રેટિંગ સાથે ધૂળ અને પાણીથી સુરક્ષિત છે .

હવે વાત કરીએ કેમેરાની તો , આ ફોનમાં Hasselblad ટ્યુન્ડ ટ્રિપલ રિયર કેમેરા સેટઅપ આપવામાં આવ્યું છે , જેમાં 50MPનો મુખ્ય કેમેરા OIS સાથે , 50MP  અલ્ટ્રાવાઈડ લેન્સ અને 50MP ટેલિફોટો લેન્સ શામેલ છે . જયારે સેલ્ફી માટે 32MPનો ફ્રન્ટ કેમેરા આપવામાં આવ્યો છે , જે 4K વિડીયો રેકોર્ડિંગને સપોર્ટ કરે છે .

Oppo Find X9s માં 7,025mAh બેટરી છે , જે 80W ફાસ્ટ ચાર્જિંગ સપોર્ટ કરે છે . કનેક્ટિવિટી માટે 5G , Wi - Fi 7 , Bluetooth 6.1 અને USB Type - C જેવી  સુવિધાઓ આપવામાં આવી છે . આ સ્માર્ટફોન પ્રીમિયમ ડિઝાઈન , શક્તિશાળી પરફોર્મન્સ અને નવા કેમેરા સાથે ફ્લેગશિપ સેગમેન્ટમાં મજબૂત વિકલ્પ  બને છે .