ગ્રામીણ વિસ્તારો માટે BSNL ની ખાસ ઓફર , સસ્તામાં ફાઈબર ઈન્ટરનેટ અને અનલિમિટેડ કોલિંગ

ગ્રામીણ વિસ્તારોમાં ઝડપી અને સ્થિર ઇન્ટરનેટ મળવું ઘણીવાર મુશ્કેલ બને છે . આ સમસ્યાને ધ્યાનમાં રાખીને BSNL એ એક નવો  સસ્તો Wi - Fi પ્લાન રજૂ કર્યો છે , જે ખાસ કરીને ગામડા અને નાના શહેરોના યુઝર્સ માટે બનાવવામાં આવ્યો છે . આ પ્લાન હેઠળ માત્ર રૂપિયા 1,099 માં ત્રણ મહિના માટે દર મહિને  1,400GB ડેટા અને અમર્યાદિત કોલિંગની સુવિધા મળે છે . કંપનીનો દાવો છે કે ફાઈબર કનેક્શન હોવાથી ઇન્ટરનેટ વધુ સ્થિર અને સારી સ્પીડ સાથે મળશે  . BSNL Selfcare એપ દ્રારા ઓનલાઇન બુકીંગ કરી શકો છો અને તમારા વિસ્તારમાં  ઉપલબ્ધતા ચેક કરી શકો છો .

આ ઓફરની   જાહેરાત BSNL એ તેના સોશિયલ મીડિયા પ્લેટફોર્મ X પર કરી હતી . કંપનીએ કહ્યું છે કે જો યુઝર ત્રણ મહિનાનું એડવાન્સ પેમેન્ટ કરે , તો તેને રૂપિયા 98 સુધીનું કેશબેક પણ મળશે . આથી આ પ્લાન વધુ સસ્તો અને લાભદાયક બની જાય છે , ખાસ કરીને ત્યાં જ્યાં પ્રાઇવેટ કંપનીઓની સેવાઓ ઉપલબ્ધ નથી .

આ પ્લાનની સ્પીડની વાત કરીએ તો , તેમાં 40Mbps સુધીની ઝડપ મળે છે અને દર મહિને 1400GB ડેટા આપવામાં આવે છે . સાથે જ , યુઝર્સને અનલિમિટેડ  કોલિંગ પણ મળે છે , પણ આ સેવા લેન્ડલાઈન  દ્રારા આપવામાં આવે છે . ફાઈબર કનેક્શન હોવાને કારણે નેટવર્ક વધુ વિશ્વસનીય રહેવાનો દાવો  કરવામાં આવ્યો છે .

આ પ્લાન ખાસ કરીને તે વિસ્તારો માટે ઉપયોગી છે , જ્યાં હજુ પણ હાઈ - સ્પીડ ઇન્ટરનેટ પહોંચ્યું નથી . ઓછી કિંમતમાં વધુ ડેટા અને સારી સ્પીડ મળવાથી ઘણા લોકો માટે આ સારો વિકલ્પ બની શકે છે . 

જો તમે આ કનેક્શન લેવા માંગો છો , તો તેની માટે ઘણા સરળ વિકલ્પો છે . તમે BSNL Selfcare એપ દ્રારા ઓનલાઇન બુકીંગ કરી શકો છો અને તમારા વિસ્તારમાં  ઉપલબ્ધતા ચેક કરી શકો છો . આ ઉપરાંત , તમે WhatsApp પર 18004444 નંબર પર "Hi " અથવા "Book WiFi " મોકલીને પણ અરજી કરી શકો છો  . આ સિવાય , તમે સીધો કોલ કરીને પણ નવી સેવા શરૂ કરાવી શકો છો .