Realme C100xના ફીચર્સ આવ્યા સામે , 45W ફાસ્ટ ચાર્જિંગ અને 50MP કેમેરા સાથે આવશે ફોન

સ્માર્ટફોન નિર્માતા Realme આ અઠવાડિયે ભારતીય બજારમાં પોતાનો નવો Realme C100x  લોન્ચ કરવા જઈ રહી છે . કંપનીએ ફ્લિપકાર્ટ પર તેના માટેનું માઈક્રોસાઈટ પણ લાઈવ કરવામાં આવી છે . આમાં આ વાતની પુષ્ટિ કરી છે કે 16 જુલાઈએ આ સ્માર્ટફોન લોન્ચ કરવામાં આવશે . મોટી બેટરી અને સ્મૂથ ડિસ્પ્લે સાથે આ ડિવાઈસ મિડ - રેન્જ સેગમેન્ટમાં ઉતરશે .

Realme C100x  ડિસ્પ્લે અને ઉપલબ્ધતા :

Realme C100xમાં 6.8 ઈંચનું ડિસ્પ્લે મળશે જે 120Hz રિફ્રેશ રેટને સપોર્ટ કરશે . કંપનીનો દાવો છે કે તેમાં આપવામાં આવેલી 8,000mAh બેટરી આપવામાં આવી છે જે એક જ ચાર્જમાં 17 કલાકથી વધુ સમય સુધી નેવિગેશનનો અનુભવ આપશે . આ સ્માર્ટફોન 45W ફાસ્ટ ચાર્જિંગને પણ સપોર્ટ કરશે . ફોન Golden Coast અને Deepblue Tides એમ બે કલર વિકલ્પોમાં ઉપલબ્ધ થશે .

Realme C100x કિંમત :

લોન્ચ પહેલા Xpertpick દ્રારા લીક થયેલી રિટેલ બોક્સની  ઇમેજ મુજબ , ભારતમાં આ સ્માર્ટફોનની કિંમત 29,999 રૂપિયા હોઈ શકે છે . જોકે તેની વાસ્તવિક લોન્ચ કિંમત અલગ હોઈ શકે છે . સ્માર્ટફોનની સાચી કિંમત લોન્ચ સમયે જ જાહેર કરવામાં આવશે .

Realme C100x ફીચર્સ :

Realme C100x ને પહેલા ઇન્ડોનેશિયામાં રજૂ કરવામાં આવ્યો હતો . તેમાં Unisoc T7250 પ્રોસેસર અને Arm Mali-G57 GPU આપવામાં આવ્યા છે . ફોટોગ્રાફી માટે ફોનમાં 50MPનો પ્રાઈમરી રિયર કેમેરો આપવામાં આવ્યો છે , જયારે સેલ્ફી અને વિડીયો કોલિંગ માટે 5MPનો ફ્રન્ટ કેમેરો મળશે . સુરક્ષા માટે તેમાં સાઈડ - માઉન્ટેડ ફિંગરપ્રિન્ટ સ્કેનર પણ આપવામાં આવ્યો છે .

તાજેતરમાં કંપનીએ ભારતમાં Realme 16T 5G પણ લોન્ચ કર્યો હતો . તેમાં 6.8 ઇંચનું LCD ડિસ્પ્લે , 144Hz રિફ્રેશ રેટ , MediaTek Dimensity 6300 પ્રોસેસર , 50MP ડયુઅલ રિયર કેમેરા , 16MP ફ્રન્ટ કેમેરા અને 8,000mAh બેટરી સાથે 45W SuperVOOC ફાસ્ટ ચાર્જિંગનો સપોર્ટ આપવામાં આવ્યો છે . Realme C100x પણ મોટી બેટરી અને લાંબા બેકઅપને કારણે યુઝર્સ માટે આકર્ષક વિકલ્પ બની શકે છે .