Redmi K100 Proમાં 200MP કેમેરા અને Snapdragon 8 Elite Gen 5 મળી શકે

ચીની સ્માર્ટફોન નિર્માતા Redmi પોતાની નવી Redmi K100 સિરીઝ ટૂંક સમયમાં રજૂ કરી શકે છે . લોન્ચ પહેલા જ આ સિરીઝ વિશે કેટલીક અગત્યની વિગતો લીક થઈ છે . લીક મુજબ , સિરીઝના હાઈ - એન્ડ મોડલમાં લગભગ 9,000mAhની મોટી બેટરી આપવામાં આવી શકે છે . આ ઉપરાંત , તમે Qualcomm Snapdragon 8 Elite Gen 5 પ્રોસેસર મળવાની શક્યતા છે .

ચીનના માઇક્રોબ્લોગિંગ પ્લેટફોર્મ Weibo પર ટિપ્સ્ટર Digital Chat Station  દ્રારા આપેલ માહિતી મુજબ , Redmi તેની આગામી ફ્લેગશિપ સિરીઝનું ટેસ્ટ કરી રહી છે . આ સ્માર્ટફોન Redmi K100 Pro અથવા Redmi K100 Pro Max હોઈ શકે છે . તેમાં ગોળ ખૂણાવાળી ફ્લેટ ડિસ્પ્લે અને 185Hz રિફ્રેશ રેટનો સપોર્ટ મળી શકે છે . આ સ્માર્ટફોનની ડિસ્પ્લેને વધુ સારો વિઝ્યુઅલ અનુભવ માટે અદ્યતન ટેક્નોલોજીનો ઉપયોગ કરવામાં આવી શકે છે .

કેમેરા વિભાગમાં પણ મોટું અપગ્રેડ જોવા મળી શકે છે . ફોનમાં 200 મેગાપિક્સલનો પ્રાઈમરી કેમેરા અને 50 મેગાપિક્સલનો પેરિસ્કોપ ટેલિફોટો કેમેરા આપવામાં આવી શકે છે . જયારે Redmi K90 Pro Maxમાં 50 મેગાપિક્સલનો પ્રાઈમરી અને 50 મેગાપિક્સલનો પેરિસ્કોપ ટેલિફોટો કેમેરો આપવામાં આવ્યો હતો .

પરફોર્મન્સ માટે આ સ્માર્ટફોનમાં Snapdragon 8 Elite Gen 5 ચિપસેટ આપવામાં આવી શકે છે . ગેમિંગ અનુભવને વધુ સ્મૂથ બનાવવા માટે તેમાં અલગ ડિસ્પ્લે ચિપ પણ હોઈ શકે છે . ફોનમાં 100W વાયર્ડ ફાસ્ટ ચાર્જિંગ સપોર્ટ સાથે લગભગ 9,000mAhની બેટરી આપવામાં આવી શકે છે . સુરક્ષા માટે તેમાં ઈન - ડિસ્પ્લે ફિંગરપ્રિન્ટ સેન્સર મળવાની પણ શક્યતા છે .

Redmi એ આ અઠવાડિયાની શરૂઆતમાં Redmi Note 17 સિરીઝ લોન્ચ કરી હતી . તેમાં Redmi Note 17  અને Redmi Note 17  Proનો સમાવેશ થાય છે . સ્ટાન્ડર્ડ મોડલમાં Snapdragon 4 Gen 4 પ્રોસેસર , 7 ઇંચની Full HD+ OLED ડિસ્પ્લે અને 120Hz રિફ્રેશ રેટ આપવામાં આવ્યો છે . જયારે Redmi Note 17 Pro માં 9,000mAhની બેટરી HyperOS 3 અને 50 મેગાપિક્સલનો પ્રાઈમરી કેમેરા આપવામાં આવ્યો છે .