Redmi Note 17 Proમાં Snapdragon 6 Gen 5 અને 9000mAh બેટરી મળવાની શક્યતા

રેડમી તેની નવી Redmi Note 17  સિરીઝ પર કામ કરી રહી છે અને ટૂંક સમયમાં તેને બજારમાં રજૂ કરી શકે છે . આ સિરીઝમાં Redmi Note 17 , Redmi Note 17 Pro  અને Redmi Note 17 Pro  Max જેવા મોડલ્સ સામેલ થવાની શક્યતા છે . સત્તાવાર લોન્ચ પહેલા જ Redmi Note 17 Pro  ચીનના 3C  પ્લેટફોર્મ પર જોવા મળ્યો હોવાનું સામે આવ્યું છે , જેના કારણે તેના કેટલાક મહત્વપૂર્ણ ફીચર્સની માહિતી લીક થઈ છે . લીક મુજબ ફોનમાં 67W ફાસ્ટ ચાર્જિંગ , Snapdragon 6 Gen 5 ચિપસેટ , 1.5K OLED ડિસ્પ્લે અને 9,000mAh બેટરી મળવાની શક્યતા છે .

લીક થયેલી માહિતી મુજબ , 2607DRA18C મોડેલ નંબર ધરાવતો સ્માર્ટફોન Redmi Note 17 Pro  હોવાનું માનવામાં આવે છે . 3C સર્ટિફિકેશન અનુસાર , આ ફોન 67W ફાસ્ટ ચાર્જિંગ સપોર્ટ સાથે આવશે અને તેની સાથે MDY - 15- EQ મોડેલ નંબરવાળો ચાર્જર આપવામાં આવશે . જો આ માહિતી સાચી સાબિત થાય તો તે Redmi Note 15 Pro ના 45W ફાસ્ટ ચાર્જિંગની સરખામણીએ મોટું અપગ્રેડ ગણાશે , જોકે બેટરીની ક્ષમતા અંગે હજુ સુધી કોઈ સત્તાવાર માહિતી સામે આવી નથી .

પહેલાના લીક્સ અનુસાર , Redmi Note 17 Pro  માં 1.5K રિઝોલ્યુશનવાળી OLED ડિસ્પ્લે , Snapdragon 6 Gen 5 પ્રોસેસર અને 50 મેગાપિક્સલનો રિયર કેમેરા આપવામાં આવી શકે છે . કેટલાક અહેવાલોમાં તેમાં 9,000mAhની વિશાળ અને મોટી બેટરી હોવાનો પણ દાવો કરવામાં આવ્યો છે .

એક અહેવાલ મુજબ Redmi Note 17 Pro  નું લોન્ચિંગ ચીનમાં જુલાઈ દરમિયાન થઈ શકે છે , જયારે Redmi Note 17 સિરીઝના અન્ય મોડલ્સ ઓગસ્ટમાં રજૂ કરવામાં આવી શકે છે .

Xiaomi એ ગયા વર્ષે ચીનમાં Redmi Note 15 Pro લોન્ચ કર્યો હતો , જયારે ભારતીય બજારમાં તેને આ વર્ષે જાન્યુઆરીમાં રજૂ કરવામાં આવ્યો હતો . આ સ્માર્ટફોનમાં 6.83 ઇંચની 1.5K AMOLED 120Hz ડિસ્પ્લે , Media Tek Dimensity 7400 Ultra પ્રોસેસર , 200MP મુખ્ય કેમેરા , 20MP સેલ્ફી કેમેરા તેમજ 6,580mAh બેટરી સાથે 45W ફાસ્ટ અને 22.5W રિવર્સ ચાર્જિંગ સપોર્ટ આપવામાં આવ્યો છે .