Realme 16, 16 Pro અને 16 Pro+ ખરીદવા હવે ચૂકવવા પડશે વધુ રૂપિયા , જાણો નવી કિંમત

Realme એ ભારતમાં તેની લોકપ્રિય Realme 16 સિરીઝના સ્માર્ટફોનની કિંમતોમાં વધારો કર્યો છે . વૈશ્વિક સ્તરે મેમરી ચિપ્સની અછતને કારણે સ્માર્ટફોન ઉત્પાદકો સતત તેમના ડિવાઈસોની કિંમતો વધારી રહ્યા છે . Oppo , Vivo અને OnePlus બાદ હવે Realme એ પણ તેના કેટલાક મોડેલ્સ મોંઘા કરી દીધા છે . Realme 16 સિરીઝના સ્ટાન્ડર્ડ વેરિઅન્ટ હવે રૂપિયા 1000 સુધી મોંઘા થઈ ગયા છે . કંપનીએ Realme 16, Realme 16 Pro અને Realme 16 Pro+ ની નવી કિંમતો જાહેર કરી છે .

Realme 16 Pro ની નવી કિંમત :

Realme 16 Proના તમામ વેરિઅન્ટની કિંમતમાં રૂપિયા 1,000નો વધારો કરવામાં આવ્યો છે . હવે 8GB + 128GB વેરિઅન્ટ રૂપિયા 39,999માં ઉપલબ્ધ થશે , જે પહેલા રૂપિયા 38,999માં વેચાતો હતો . 8GB + 256GB વેરિઅન્ટની કિંમત રૂપિયા 39,999થી વધીને રૂપિયા 40,999 થઈ ગઈ છે . જયારે ટોપ - એન્ડ 12GB + 256GB મોડેલ હવે રૂપિયા 43,999 માં મળશે , જે પહેલા રૂપિયા 42,999માં ઉપલબ્ધ હતો .

Realme 16 Pro+ ની કિંમતમાં રૂપિયા 4000 નો વધારો :

કંપનીએ Realme 16 Pro+ ના તમામ વેરિઅન્ટની કિંમતોમાં સીધો રૂપિયા 4000નો વધારો કર્યો છે . હવે 8GB + 128GB વેરિઅન્ટ રૂપિયા 49,999માં મળશે , જે પહેલા રૂપિયા 45,999માં ઉપલબ્ધ હતો . 8GB + 256GB વેરિઅન્ટની નવી કિંમત રૂપિયા 52,999 થઇ ગઈ છે , જયારે 12GB + 256GB ટોપ વેરિઅન્ટ હવે રૂપિયા 55,999માં ખરીદી શકાય છે .

Realme 16 પણ થયો મોંઘો :

Realme 16ના તમામ વેરિઅન્ટની કિંમતમાં પણ રૂપિયા 1000નો વધારો કરવામાં આવ્યો છે . 8GB + 128GB મોડેલ હવે રૂપિયા 34,999માં ઉપલબ્ધ છે , જયારે 8GB + 256GB વેરિઅન્ટની નવી કિંમત રૂપિયા 37,999 થઈ ગઈ છે . ઉપરાંત , 12GB + 256GB ટોપ વેરિઅન્ટ હવે રૂપિયા 40,999માં મળશે .

સ્માર્ટફોન બજારમાં વધતા ઉત્પાદન ખર્ચ અને મેમરી ચિપ્સની અછતને કારણે આવતા સમયમાં અન્ય બ્રાન્ડ્સ પણ કિંમતોમાં વધારો કરી શકે છે . જો તમે Realme 16 સિરીઝનો સ્માર્ટફોન ખરીદવાનું વિચારી રહ્યા હો , તો હવે તમને પહેલાની સરખામણીએ વધુ કિંમત ચૂકવવી પડશે .