9,020mAh બેટરી અને Snapdragon ચિપસેટ સાથે Vivo T5 Pro 5G ટૂંક સમયમાં આવશે

Vivo T5 Pro 5G  ટૂંક સમયમાં ભારતમાં લોન્ચ થવાનો છે . કંપનીએ આ વાતની પુષ્ટિ કરી છે કે આ સ્માર્ટફોન T5 લાઇનઅપમાં બીજા મોડેલ તરીકે આવશે   અને તે  પહેલાથી જ બજારમાં ઉપલબ્ધ Vivo T5x 5G  સાથે જોડાશે , જે 17 માર્ચે લોન્ચ થયો હતો . નવા હેન્સેટને લોન્ચ થયા બાદ તરત જ ઈ કોમર્સ પ્લેટફોર્મ દ્રારા વેચાણ માટે ઉપલબ્ધ બનાવવામાં આવશે . કંપનીએ પહેલેથી જ તેના ચિપસેટ , બેટરી , કલર વિકલ્પો અને ડિઝાઈન જેવી કેટલીક મુખ્ય વિગતો જાહેર કરી દીધી છે . જે ફોનની ક્ષમતાઓ વિશે સંકેત આપે છે . Vivo T4 Pro ના અનુગામી તરીકે આવતો આ ફોન તેની સરખામણીએ વધુ કિંમતે આવી શકે છે .

સ્માર્ટફોનના લોન્ચ પહેલા , ટીઝર , માર્કેટિંગ માહિતી અને લીક્સના આધારે , આ ડિવાઈસ વિશે ઘણી વિગતો સામે આવી છે . ચાલો Vivo T5 Pro 5G  વિશેની  મહત્વપૂર્ણ માહિતીઓ જોઈએ .

Vivo T5 Pro 5G  લોન્ચ અને ઉપલબ્ધતા 
કંપનીએ જાહેર કર્યું છે કે Vivo T5 Pro 5G  15 એપ્રિલે બપોરે 12 વાગ્યે ભારતમાં લોન્ચ થશે . હજી સુધી સ્પષ્ટ નથી કે આ લોન્ચ ઓનલાઇન સોફ્ટ લોન્ચ હશે કે મોટા ઇવેન્ટ સાથે થશે  . જો લાઈવ સ્ટ્રીમ થશે તો , તેને કંપનીની સત્તાવાર YouTube ચેનલ અને સોશિયલ મીડિયા પ્લેટફોર્મ પર જોઈ શકાશે .

આ ફોન ભારતમાં Flipkart દ્રારા વેચાણ માટે ઉપલબ્ધ રહેશે . ઈ કોમર્સ પ્લેટફોર્મ પર બનાવવામાં આવેલી માઈક્રોસાઇટ દ્રારા ફોનના બે કલર વિકલ્પો કોસ્મિક  બ્લેક અને ગ્લેશિયર બ્લુ પણ જાહેર કરવામાં આવ્યા છે .

Vivo T5 Pro 5G ની ભારતમાં કિંમત 
કંપનીના જણાવ્યા મુજબ , Vivo T5 Pro 5G ની કિંમત લગભગ રૂપિયા 37,000 આસપાસ હોઈ શકે છે . જોકે , ચોક્કસ કિંમત અને સ્ટોરેજ વિકલ્પો લોન્ચ દિવસે જાહેર થશે  .

અહેવાલો અનુસાર , ટોપ વેરિઅન્ટ 12GB RAM + 256GB સ્ટોરેજની કિંમત રૂપિયા 36,999 થી વધુ નહીં હોય , જયારે બેઝ વેરિઅન્ટની કિંમત રૂપિયા 30,000 આસપાસ હોઈ શકે છે .

Vivo T4 Pro ગયા વર્ષે રૂપિયા 27,999થી શરૂ થયો હતો , એટલે નવો મોડેલ વધુ મોંઘો હોવાની સંભાવના છે . કંપની લોન્ચ સમયે બેંક ઓફર્સ , EMI અને કેશબેક જેવા લાભ પણ  આપી શકે છે .

Vivo T5 Pro 5G  સ્પેસિફિકેશન્સ અને ફીચર્સ 

ડિઝાઈન અને ડિસ્પ્લે 
આ ફોનમાં ગોળી આકારનું રિયર કેમેરા મોડયુલ મળશે . જેમાં બે કેમેરા હશે . ડિઝાઈન ફ્લેટ ફ્રેમ સાથે આવશે . પાવર બટન અને વોલ્યુમ કંટ્રોલ્સ એક બાજુ  હશે , જયારે નીચે USB Type-C પોર્ટ અને સ્પીકર ગ્રિલ મળશે . 

અહેવાલો મુજબ , તેમાં 6.8 ઈંચનું 1.5K OLED ડિસ્પ્લે હશે , જે 144Hz સુધીનો રિફ્રેશ રેટ આપી શકે છે .

પરફોર્મન્સ અને બેટરી 
Vivo T5 Pro 5G માં Snapdragon 7s Gen 4 ચિપસેટ મળશે . આ ફોન UFS 3.1 સ્ટોરેજ સાથે આવશે અને An Tu Tu પર 11.8 લાખથી વધુ સ્કોર મેળવી ચુક્યો હોવાનું કહેવામાં આવે છે .

ગેમિંગ માટે આ ફોન 120fps સુધી સપોર્ટ આપશે  અને ખાસ ગેમિંગ ફીચર્સ જેમ કે નોટીફિકેશન્સ બ્લોક , 4D વાઈબ્રેશન અને ઓટો ઓપ્ટિમાઇઝેશન હશે . થર્મલ મેનેજમેન્ટ માટે 7,000mm² વેપર ચેમ્બર કુલિંગ સિસ્ટમ મળશે , જે CPUનું તાપમાન ઘટાડવામાં મદદ કરશે .

બેટરીની વાત કરીએ તો આ ફોનમાં મોટી 9,020mAh બેટરી મળશે , જે 90W ફાસ્ટ ચાર્જિંગને સપોર્ટ કરશે .

કેમેરા 
આ ફોનમાં ડયુઅલ રિયર કેમેરા સેટઅપ મળશે , જેમાં 50MPનો મુખ્ય સેન્સર અને 8MP નો સેકન્ડરી કેમેરા હોઈ શકે છે . સેલ્ફી માટે આ ફોનમાં હોલ પંચ  ડિસ્પ્લે સાથે ફ્રન્ટ કેમેરા મળશે , જે વિડીયો કોલ અને ફોટોગ્રાફી માટે ઉપયોગી રહેશે .

કુલ મળીને , Vivo T5 Pro 5G એક પાવરફુલ મિડ રેન્જ સ્માર્ટફોન તરીકે સામે આવી શકે છે , જેમાં પ્રદર્શન , બેટરી અને ગેમિંગ પર ખાસ ધ્યાન આપવામાં  આવ્યું છે  .