Vivo X300 FE ટૂંક સમયમાં ભારતમાં : Zeiss કેમેરા , 90W ફાસ્ટ ચાર્જિંગ અને પ્રીમિયમ ફીચર્સ

Vivo એ તેની પ્રીમિયમ X સિરીઝમાં નવા સ્માર્ટફોન તરીકે Vivo X300 FE ને દુનિયાભરમાં  પહેલાથી જ લોન્ચ કર્યો છે અને હવે આ હેન્ડસેટ ટૂંક સમયમાં ભારતમાં પણ એન્ટ્રી કરવા જઈ રહ્યો છે  . કંપનીએ હાલમાં જ ભારતમાં તેના લોન્ચ  માટેની  ટીઝિંગ શરૂ કરી છે , જેમાં ફોનની ડિઝાઈન , કલર ઓપ્શન અને કેટલીક મહત્વપૂર્ણ સ્પેસિફિકેશન્સ જોવા મળે છે . આ સ્માર્ટફોન Flipkart અને Vivo India ની સત્તાવાર વેબસાઈટ પર ખરીદી માટે ઉપલબ્ધ થશે અને આની ખાસ  વાત એ છે કે તે ટેલિફોટો કન્વર્ટર કિટ સાથે આવશે .

Vivo X300 FE ડિઝાઈન :

કંપનીએ જે સત્તાવાર ટીઝર બહાર પાડયો છે તેમાં Vivo X300 FE ને આકર્ષક લીલા કલરમાં બતાવવામાં આવ્યો છે . જેમાં Zeiss બ્રાન્ડેડ રિયર કેમેરા  મોડયુલ આપવામાં આવ્યું છે . વૈશ્વિક બજારમાં આ ફોન Cool Lilac , Graphite Black અને Moonlight White જેવા કલરમાં ઉપલબ્ધ છે , જયારે ભારતમાં તેમાં  કેટલાક અલગ કલર વિકલ્પો જોવા મળી શકે છે . 

સ્પેસિફિકેશન્સ  અને પરફોર્મન્સ :

જો વાત કરીએ સ્પેસિફિકેશન્સની તો આ Vivo X300 FE  નું ભારતીય વર્ઝન  મોટા ભાગે ગ્લોબલ મોડેલ જેવું જ રહેવાની શક્યતા છે . તેમાં 6.31 ઇંચ ફૂલ HD  + LTPO AMOLED ડિસ્પ્લે આપવામાં આવ્યું છે , જે 120Hz રિફ્રેશ રેટ અને 5000nits સુધીની પીક બ્રાઇટનેસ સપોર્ટ કરે છે . ગ્લોબલ વેરિઅન્ટ Android  16 આધારિત OriginOS 6 પર ચાલે છે , જયારે ભારતીય વર્ઝનમાં FuntouchOS  16 આપવામાં આવશે .

પરફોર્મન્સ માટે આ ફોનમાં 3nm આધારિત Snapdragon 8 Gen 5 પ્રોસેસર આપવામાં આવ્યું છે જે 12GB LPDDR5x  RAM અને 512GB સુધી UFS 4.1 સ્ટોરેજ સાથે આવે છે  . 

કેમેરા અને બેટરી :

હવે વાત કરીએ કેમેરા વિભાગની , તો આ ફોનમાં ટ્રિપલ રિયર કેમેરા સેટઅપ છે . જેમાં 50MP પ્રાઈમરી સેન્સર , 8MP અલ્ટ્રાવાઇડ અને 50MP ટેલિફોટો  લેન્સ  (3x ઓપ્ટિકલ ઝૂમ સાથે ) શામેલ છે . સેલ્ફી માટે 50MP નો ફ્રન્ટ કેમેરા આપવામાં આવ્યો છે .

બેટરીની વાત કરીએ તો , Vivo X300 FE માં 6,500mAh ની મોટી બેટરી આપવામાં આવી છે , જે 90W ફાસ્ટ ચાર્જિંગ અને 40W વાયરલેસ ચાર્જિંગને સપોર્ટ  કરે છે . આ ઉપરાંત , તેમાં IP68 અને IP69 રેટિંગ સાથે પાણી અને ધૂળ સામે સુરક્ષા પણ મળે છે .ભારતમાં તેની કિંમત અંદાજે રૂપિયા 70,000 ની આસપાસ  રહેવાની શક્યતા છે , જોકે ચોક્કસ કિંમત માટે લોન્ચ સુધી રાહ જોવી પડશે .