Vivo X500 Pro માં Dimensity 9600 pro ચિપસેટ મળવાની શક્યતા

Vivo ટૂંક જ સમયમાં તેની નવી Vivo X500 સ્માર્ટફોન સિરીઝ લોન્ચ કરી શકે છે . લીક થયેલી માહિતી અનુસાર , આ સિરીઝમાં Vivo X500, Vivo X500 pro , Vivo X500 Pro Max અને Vivo X500e જેવા મોડેલ સામેલ હોઈ શકે છે . Vivo X500e ના રિયર કેમેરામાં પેરિસ્કોપ ટેલિફોટો કેમેરા હોઈ શકે છે .  માઇક્રોબ્લોગિંગ પ્લેટફોર્મ Weibo પર ટિપસ્ટર " Digital Chat Station " એ દાવો કર્યો છે કે કંપની આ સિરીઝમાં એક નવો " E " બ્રાન્ડેડ સ્માર્ટફોન પણ રજૂ કરી શકે છે . જોકે , કંપનીએ હજુ સુધી આ અંગે કોઈ સત્તાવાર જાહેરાત કરી નથી .

લીક મુજબ , Vivo X500e માં 6.59 ઇંચનો કોમ્પેકટ ડિસ્પ્લે મળી શકે છે . તેના પાછળના ભાગમાં ઉપર ડાબી બાજુએ ચોરસ કેમેરા મોડયુલ હોઈ શકે છે , જે અન્ય X500 મોડેલોથી અલગ ડિઝાઈન ધરાવશે . ફોનમાં ZEISS દ્રારા ટ્યુન કરેલા કેમેરા અને પેરિસ્કોપ ટેલિફોટો લેન્સ મળવાની શક્યતા છે . ઉપરાંત , તેમાં Snapdragon 8 સિરીઝનો પ્રોસેસર આપવામાં આવી શકે છે .

બીજી તરફ , Vivo X500 Pro માં Media Tek Dimensity 9600 Pro ચિપસેટ મળી શકે છે . આ ફોનમાં 6.37 ઇંચનો ડિસ્પ્લે હોવાની ચર્ચા છે . આ મોડેલ ગયા વર્ષે લોન્ચ થયેલા Vivo X300 Pro નું અપગ્રેડ વર્ઝન બની શકે છે .

Vivo X300 Proમાં 6.78 ઇંચની 1.5K LTPO OLED ડિસ્પ્લે આપવામાં આવી હતી , જે 120Hz રિફ્રેશ રેટ અને 300Hz ટચ સેમ્પલિંગ રેટને સપોર્ટ કરે છે . તેમાં Media Tek Dimensity 9500  પ્રોસેસર અને 6,510mAh ની બેટરી છે , જે 90W  ફાસ્ટ વાયર્ડ અને 40W વાયરલેસ ચાર્જિંગને સપોર્ટ કરે છે .

ફોટોગ્રાફી માટે , Vivo X300 Pro માં 50MP Sony LYT - 828 મુખ્ય કેમેરા , 200MP ટેલિફોટો કેમેરા અને 50MP અલ્ટ્રા - વાઈડ કેમેરા આપવામાં આવ્યો છે . જયારે સેલ્ફી અને વિડીયો કોલિંગ માટે 50MP નો ફ્રન્ટ કેમેરા છે . સુરક્ષા માટે તેમાં અલ્ટ્રાસોનિક ઈન - ડિસ્પ્લે ફિંગરપ્રિન્ટ સેન્સર પણ આપવામાં આવ્યું છે . Vivo X300 સિરીઝ ગયા ડિસેમ્બરમાં ભારતમાં લોન્ચ કરવામાં આવી હતી .