IPL ની લોકપ્રિયતા શિખરે : ફાઇનલ મેચ બની ઇતિહાસની સૌથી વધુ જોવાયેલી મેચ

ઇન્ડિયન પ્રીમિયર લીગ ( IPL ) ની 2026 સીઝને દર્શકોની સંખ્યાના નવા રેકોર્ડ બનાવ્યા છે . JioStar ના જણાવ્યા અનુસાર , આ વર્ષની IPL ટૂર્નામેન્ટને  ટેલિવિઝન અને ડિજિટલ પ્લેટફોર્મ્સ પર મળીને 1.2 અબજથી વધુ દર્શકોએ જોઈ હતી . આ સાથે IPLની આ સીઝન અત્યાર સુધીની સૌથી વધુ જોવાયેલી  સીઝન બની છે .  અમદાવાદમાં રમાયેલી ફાઇનલ મેચ IPLના ઇતિહાસની સૌથી વધુ જોવાયેલી મેચ બની . આ વર્ષના IPL દરમિયાન JioStar એ ડિજિટલ ચેનલો દ્રારા નોંધપાત્ર વૃદ્ધિ થઇ છે . પ્રાદેશિક ભાષાના કવરેજનો જોવાનો સમય વર્ષ દરમિયાન લગભગ 33 ટકા વધ્યો છે . JioStar એ આ વખતે 12 ભાષાઓમાં IPLનું પ્રસારણ કર્યું હતું . 

મીડિયા રિપોર્ટ મુજબ , IPLની કુલ પહોંચમાં ગયા વર્ષની સરખામણીમાં લગભગ 7 ટકાનો વધારો નોંધાયો છે . ટુર્નામેન્ટ દરમિયાન કુલ જોવાનો સમય વધીને લગભગ 870 અબજ મિનિટ સુધી પહોંચી ગયો છે . અમદાવાદમાં રમાયેલી ફાઇનલ મેચ IPLના ઇતિહાસની સૌથી વધુ જોવાયેલી મેચ બની હતી .

ફાઇનલમાં રોયલ ચેલેન્જર્સ બેંગ્લુરુએ ગુજરાત ટાઇટન્સને હરાવીને પોતાનું બીજું IPL ટાઇટલ જીત્યું હતું . આ મેચને ટેલિવિઝન અને ડિજિટલ પ્લેટફોર્મ્સ પર  400 મિલિયનથી વધુ દર્શકોએ જોઈ હતી .

JioStar એ જણાવ્યું કે ડિજિટલ પ્લેટફોર્મ્સ પર પણ નોંધપાત્ર વૃદ્ધિ જોવા મળી છે . કનેક્ટેડ ટીવી પર IPL જોનારા દર્શકોની સંખ્યા વર્ષ દરમિયાન લગભગ 22 ટકા વધી છે . જે તેને સૌથી ઝડપથી વિકસતું વ્યૂઇંગ પ્લેટફોર્મ બનાવે છે . આ ઉપરાંત , ડિજિટલ વિડીયો વ્યૂઝમાં પણ આશરે 8 ટકાનો વધારો થયો છે અને તે 25 અબજ વ્યૂઝ સુધી પહોંચી ગયા છે .

પ્રાદેશિક ભાષાઓમાં IPL જોનારા દર્શકોની સંખ્યામાં પણ વધારો નોંધાયો છે . પ્રાદેશિક ભાષાના કવરેજનો જોવાનો સમય વર્ષ દરમિયાન લગભગ 33 ટકા વધ્યો છે . JioStar એ આ વખતે 12 ભાષાઓમાં IPLનું પ્રસારણ કર્યું હતું .

દર્શકોનો અનુભવ વધુ સારો બનાવવા માટે 30 અલગ- અલગ ફીડ્સ અને મલ્ટી- કેમેરા વિકલ્પો આપવામાં આવ્યા હતા . આ ઉપરાંત , લાઈવ મેચ દરમિયાન દર્શકોની ભાગીદારી વધારવા માટે OpenAI અને Swiggy સાથે મળીને નવી ઇન્ટરેક્ટિવ સુવિધાઓ પણ રજૂ કરવામાં આવી હતી .