Ugreen PB728 પાવરબેંકમાં બિલ્ટ - ઈન કેબલ અને કલર ડિસ્પ્લે , જાણો કિંમત અને ફીચર્સ

Ugreen એ ચીનમાં  PB728 નામનું નવું 25,000mAh પાવરબેંક લોન્ચ કર્યું છે . આ પાવરબેંક 25,000mAhની મોટી બેટરી સાથે આવે છે અને એક સાથે અનેક ડિવાઇસને ઝડપથી ચાર્જ કરી શકે છે . તેમાં 200W સુધીનું ફાસ્ટ ચાર્જિંગ સપોર્ટ આપવામાં આવ્યું છે . ખાસ વાત એ છે કે તેમાં બે USB Type-C કેબલ પહેલેથી જ જોડાયેલા છે , જેથી અલગથી કેબલ રાખવાની જરૂર રહેતી નથી .

કંપનીએ Ugreen PB728ની કિંમત 359 યુઆન ( આશરે 5,000 રૂપિયા ) રાખી છે . હાલમાં તે ચીનમાં કંપનીની ઓફિશિયલ વેબસાઈટ પર  વેચાણ માટે ઉપલબ્ધ છે .

આ પાવરબેંકમાં બે બિલ્ટ - ઈન USB - C કેબલ આપવામાં આવી છે . તેમાં એક 65 સેમી લાંબી રિટ્રેકટેબલ કેબલ ઉપરની તરફ આપવામાં આવી છે , જયારે બીજી 30 સેમી લાંબી કેબલ બાજુમાં છે , જેને કેરી સ્ટ્રેપ તરીકે પણ ઉપયોગ કરી શકાય છે . ઉપરાંત તેમાં એક USB - C પોર્ટ અને એક USB - A પોર્ટ પણ આપવામાં આવ્યો છે , જેથી જરૂર પડે તો પોતાની કેબલનો પણ ઉપયોગ કરી શકાય .

પાવરબેંકની આગળની બાજુએ નાનો કલર ડિસ્પ્લે આપવામાં આવ્યો છે . તેમાં બેટરી કેટલી બાકી છે , ચાર્જિંગ અને ડિસ્ચાર્જિંગની સ્પીડ જેવી માહિતી રિયલ - ટાઈમમાં જોઈ શકાય છે .

ચાર્જિંગની વાત કરીએ તો દરેક USB - C કેબલ દ્રારા 100W સુધીની પાવર મળે છે . જો બંને USB - C કેબલનો એક સાથે ઉપયોગ કરવામાં આવે તો કુલ 200W સુધીનું આઉટપુટ મળે છે . Xiaomi સ્માર્ટફોન માટે તેમાં MiPPS ફાસ્ટ ચાર્જિંગ સપોર્ટ પણ આપવામાં આવ્યો છે , જે 90W સુધીની સ્પીડ આપે છે . જયારે USB - A પોર્ટ દ્રારા 33W સુધીનું ચાર્જિંગ મળી શકે છે .

આ પાવરબેંકને ચાર્જ કરવા માટે પણ 100W ઇનપુટ સપોર્ટ આપવામાં આવ્યો છે , જેથી તે ઓછા સમયમાં ચાર્જ થઈ જાય હે . તેનું વજન 623 ગ્રામ છે અને તેની બોડી PC તથા ABS  પ્લાસ્ટિકથી બનાવવામાં આવી છે . તેમાં ઓવરચાર્જ પ્રોટેક્શન , ટેમ્પરેચર મોનિટરિંગ સહિત અનેક સુરક્ષા ફીચર્સ આપવામાં આવ્યા છે . તેની 90Wh એનર્જી રેટિંગ હોવાથી તેને એરલાઈન મુસાફરી દરમિયાન પણ સાથે લઈ જવામાં કોઈ મુશ્કેલી નથી .