જીઓ સાથે સ્ટારલિંક ભારતમાં! ઈન્ટરનેટ હવે દુર્ગમ વિસ્તારોમાં પણ પહોંચશે

રિલાયંસ જીઓ એ SpaceX સાથે ભાગીદારીની જાહેરાત કરી છે, જેનાથી સ્ટારલિંક બ્રોડબેન્ડ ઈન્ટરનેટ સેવા હવે ભારતમાં લાવવામાં આવશે. આ ભાગીદારી જીઓને Elon Musk ની માલિકીની કંપની SpaceX ના low-Earth orbit saટેલlites નો ઉપયોગ કરીને દેશમાં ઉચ્ચ-ગુણવત્તાની ઈન્ટરનેટ સુવિધા પૂરી પાડવામાં મદદ કરશે. ખાસ કરીને, આ સેવાને ભારતના ગરીબ અને દુર્ગમ વિસ્તારોમાં પણ ઈન્ટરનેટ લાવવા માટે મહત્વપૂર્ણ ગણાશે. જીઓ અનુસાર, ગ્રાહકો ટૂંક સમયમાં જીઓ ના સ્ટોર્સમાંથી સ્ટારલિંક એક્વિપમેન્ટ ખરીદી શકશે. આ સેવાને વધુ સક્ષમ બનાવવા માટે જીઓ દ્વારા ઇન્સ્ટોલેશન અને એક્ટિવેશનની સવલત પણ આપવામાં આવશે. જોકે, SpaceX ને પ્રથમ ભારતીય નિયમનકારી સંસ્થાઓ પાસેથી મંજૂરી મેળવવી પડશે.

જીઓ અને સ્ટારલિંક સાથે મળીને ભારતનું ડિજિટલ ઈકોસિસ્ટમ મજબૂત બનશે

જીઓ પ્લેટફૉર્મ્સ લિમીટેડ ના જણાવ્યા પ્રમાણે, સ્ટારલિંક નું ઈન્ટરનેટ જીઓએરફાઈબર અને જીઓફાઈબર જેવી હાઈ-સ્પીડ સેવાને પૂરક બનશે. ભારતના વિવિધ વિસ્તારોમાં ઝડપી અને સસ્તું ઈન્ટરનેટ પૂરૂં પાડવા માટે આ પ્રોજેક્ટ મહત્વપૂર્ણ છે. જીઓ માત્ર મોટા ઉદ્યોગો માટે જ નહીં, પણ નાના-મોટા વ્યવસાય, શૈક્ષણિક સંસ્થાઓ અને સમુદાયો માટે પણ આ સેવા ઉપલબ્ધ કરશે.

જીઓ સ્ટોર્સમાં સ્ટારલિંક ઉપકરણ ઉપલબ્ધ થશે

જીઓ અને SpaceX ની ભાગીદારી હેઠળ, સ્ટારલિંક એક્વિપમેન્ટ જીઓ ના સ્ટોર્સમાં ઉપલબ્ધ રહેશે. ગ્રાહકો માટે સરળતા રહે તે માટે જીઓ ઇન્સ્ટોલેશન અને એક્ટિવેશન માટે સંપૂર્ણ ટેક્નિકલ સપોર્ટ આપશે. SpaceX ની COO Gwynne Shotwell એ કહ્યું કે તેઓ ભારત સરકાર પાસેથી મંજૂરી મેળવવા માટે આતુર છે જેથી વધુ લોકો અને ઉદ્યોગો સ્ટારલિંક ની સેવા મેળવી શકે.

એરટેલ સાથે પણ SpaceX નો કરાર

આ પહેલા, SpaceX એ Bharti એરટેલ સાથે પણ સમજૂતી કરી હતી, જેમાં એરટેલ પોતાના સ્ટોર્સમાં સ્ટારલિંક એક્વિપમેન્ટ વેચશે. એરટેલ બિઝનેસ ગ્રાહકો, શાળાઓ અને આરોગ્ય કેન્દ્રો માટે આ સેવા લાવશે. જીઓ અને એરટેલ બન્નેના સહકારથી, SpaceX ની આ સેવાને ભારતના ઈન્ટરનેટ ઈકોસિસ્ટમ માટે મહત્વપૂર્ણ ભૂમિકા ભજવવાની સંભાવના છે.