Alexa + માં આવ્યું નવું ફીચર , મિનિટોમાં તૈયાર થશે કસ્ટમ પોડકાસ્ટ 

અમેઝોનએ Alexa + માટે " Alexa Podcasts " નામની નવી AI સુવિધા રજૂ કરી છે . આ ફીચર યુઝર્સને માત્ર થોડા મિનિટોમાં કોઈપણ વિષય પર પોડકાસ્ટ - સ્ટાઈલ ઓડિયો એપિસોડ તૈયાર કરીને આપે છે . ખાસ વાત એ છે કે આ એપિસોડ AI દ્રારા બનાવાયેલા વર્ચ્યુઅલ હોસ્ટના અવાજમાં સાંભળવા મળે છે , જેથી યુઝર્સને ખરેખર પોડકાસ્ટ સાંભળવાનો  અનુભવ થાય છે .  આ ફીચર હાલમાં અમેરિકામાં ઉપલબ્ધ છે અને સમાચાર , ટ્રાવેલ , અભ્યાસ તેમજ હોબી સંબંધિત માહિતી ઓડિયો ફોર્મેટમાં સાંભળવાની સુવિધા આપે છે .

કંપની અનુસાર , યુઝર્સએ માત્ર કોઈ વિષય આપવાનો રહેશે . ત્યારબાદ  Alexa + તે વિષયને કવર કરતી રૂપરેખા તૈયાર કરે છે . યુઝર્સ ઈચ્છે તો એપિસોડમાં ક્યાં મુદ્દાઓ સામેલ કરવા , કેટલો સમય રાખવો અથવા કે ક્યા ભાગ પર વધુ ફોક્સ કરવો તે પણ નક્કી કરી શકે છે . અંતે AI તૈયાર કરેલો ઓડિયો એપિસોડ જનરેટ થઈ જાય છે  .

હાલમાં આ સુવિધા અમેરિકામાં  Alexa +  સબસ્ક્રાઇબર્સ માટે ઉપલબ્ધ કરાવવામાં આવી છે . એમેઝોન પ્રાઈમ મેમ્બર્સને  Alexa +  સેવા વધારાના ચાર્જ વગર  મળશે , જયારે અન્ય યુઝર્સ માટે તેની કિંમત દર મહિને 19.99 ડોલર એટલે કે અંદાજે રૂપિયા 1,900 રાખવામાં આવી છે .

કંપનીએ જણાવ્યું કે Alexa Podcasts 200થી વધુ ન્યુઝ અને મીડિયા સોર્સમાંથી માહિતી એકત્ર કરે છે . તેમાં Associated Press , Reuters , The Washington  Post , TIME , Forbes , Business Insider અને USA ટુડે જેવા જાણીતા પ્રકાશનો સમાવેશ થાય છે . આ ઉપરાંત અમેરિકા ભરના 200થી વધુ સ્થાનિક અખબારોની માહિતી પણ  તેમાં સામેલ થાય છે .

જયારે એપિસોડ તૈયાર થઈ જાય છે ત્યારે Alexa એપ અને સપોર્ટેડ Echo ડિવાઈસ પર નોટિફિકેશન મળે છે . યુઝર્સ તરત સાંભળી શકે છે અથવા પછીથી " Music  and More " વિભાગમાં સેવ કરેલા એપિસોડ્સ ઍક્સેસ કરી શકે છે .

આ ફિચરનો ઉપયોગ ડેઇલી ન્યુઝ , સ્પોર્ટ્સ અપડેટ , ટ્રાવેલ ગાઈડ , ભણવા માટે સમજૂતી વિડીયો , હોબી ટ્યુટોરિયલ્સ માટે થઈ શકે છે . Google NotebookLM  અને Gemini જેવી સેવાઓ પછી હવે Amazon પણ AI આધારિત ઓડિયો કન્ટેન્ટ ક્ષેત્રમાં ઝડપથી આગળ વધી રહ્યું છે .