ChatGPT એપમાં કસ્ટમ શેર શીટ , અપલોડેડ ફાઇલ્સ અને નવા ફાઈલ પીકર જેવી સુવિધાઓ જોવા મળી

OpenAI દ્રારા ChatGPT એપ  માટે અનેક નવા UI ફેરફારો વિકસાવવામાં આવી રહ્યા છે , જે ટૂંક સમયમાં યુઝર્સ સુધી પહોંચે તેવી શક્યતા છે . હાલમાં એપના APK ટિયરડાઉનમાં કેટલીક નવી સુવિધાઓ જોવા મળી છે , જેમ કે કસ્ટમ શેર શીટ અને નવી ડિઝાઇન સાથેનું ફાઈલ પીકર ઇન્ટરફેસ સાથે જ "Uploaded  Files " નામની નવી સુવિધા પણ આવી શકે છે જે યુઝર્સને અગાઉ અપલોડ કરેલી બધી ફાઈલો એક જગ્યાએ જોવા દે છે . તેમાં ફોટા એટેચમેન્ટ માટે પણ સુધારાઓની માહિતી  મળી છે .

આવનારી ChatGPT એપ સુવિધાઓ :
Android Authority ના રિપોર્ટ અનુસાર , ChatGPT એપના વર્ઝન  1.2026.090 માં કેટલીક નવી UI અપડેટ્સ જોવા મળ્યા છે . તેમાં એક કસ્ટમ શેર શીટ શામેલ છે , જે યુઝર શેર બટન પર ક્લિક કરે ત્યારે તરત જ દેખાય છે . આમાં Google /Samsung Messages , Gmail , Yahoo Mail, Outlook, Signal , Snapchat, Instagram, Facebook, WhatsApp અને Telegram જેવી લોકપ્રિય એપ્સ સીધા શેરિંગ માટે સૌથી ઉપર દર્શાવામાં આવે છે .

સ્ક્રેઇનશોટ મુજબ , નીચેની લાઈનમાં "Copy Link " અને "Share " વિકલ્પો આપવામાં આવ્યા છે . "Share " પર ટેપ કરતા ડિફોલ્ટ સિસ્ટમ શેર ખુલશે , જેથી  યુઝર્સ અન્ય એપ્સ પણ પસંદ કરી શકે .

Photo Credit: Androidauthority

આમાં ફોટો એટેચમેન્ટમાં પણ સુધારા કરવામાં આવી રહ્યા છે . જયારે યુઝર ઇનપુટ ફીલ્ડમાં ઇમેજ ઉમેરે છે , ત્યારે "Clear Image ", "Remove Background " અને "Draw & Annotate "  જેવા વિકલ્પો દેખાશે . હાલ Annotate ફીચર કામ કરે છે , જયારે બાકી બે ફીચર હજુ સક્રિય નથી .

આ સિવાય , "Uploaded Files " નામની નવી સુવિધા વિકસાવવામાં આવી રહી છે . આ વિકલ્પ પર ક્લિક કરતા "Files in this chat " નામની નવી સ્ક્રીન ખુલશે , જેમાં યુઝર્સ પોતાની પહેલા અપલોડ કરેલી ફાઈલો સરળતાથી જોઈ શકશે . રિપોર્ટ અનુસાર લગભગ 30 ફાઈલોની સૂચિ અહીં દેખાઈ શકે છે .

ફાઈલ પીકર ઇન્ટરફેસ પણ ફરીથી ડિઝાઇન કરવામાં આવી રહ્યો છે . હાલમાં  સિસ્ટમ ફાઈલ પીકર ખુલે છે પરંતુ નવા અપડેટ્સમાં હાલમાં અપલોડ કરેલી ફાઈલો  સાથેનું અલગ UI જોવા મળશે . ઉપર "Upload Files " બટન રહેશે , જે ક્લિક કરતા ફરી સિસ્ટમ ફાઈલ પીકર પર લઇ જશે .