Google Gemini માં આવશે નવા કનેક્ટર્સ , સીધું Photoshop અને Canva કામ શક્ય બનશે

Google તેના Geminiને એક " સુપર એપ " તરીકે વિકસાવવા માટે ઝડપથી આગળ વધી રહ્યું છે , જેમાં તે ફક્ત ચેટબોટ સુધી મર્યાદિત ન રહીને જુદા જુદા એપ્સ અને પ્લેટફોર્મ્સ પર સીધી રીતે કામ કરી શકે . કંપની એઆઈ મોડલ્સની એજન્ટિક ક્ષમતાઓ અને થર્ડ પાર્ટી કનેક્ટર્સના ઉપયોગથી આ  સિસ્ટમને વધુ શક્તિશાળી બનાવી રહી છે .  એજન્ટિક ફીચર્સ Gemini ને બાહ્ય ટૂલ્સ દ્રારા સીધા એક્શન લેવા દે છે , જયારે કનેક્ટર્સ તેને અલગ અલગ પ્લેટફોર્મ્સના ડેટા અને સર્વિસીસ સાથે જોડે છે . તાજેતરમાં Adobe અને Canva એ આવા નવા કનેક્ટર્સ જાહેર કર્યા છે . 

Adobe એ જાહેરાત કરી છે કે આગામી કેટલાક અઠવાડિયામાં તે Google સાથે મળીને Gemini માટે Adobe કનેક્ટર લોન્ચ કરશે . આ ઈન્ટિગ્રેશન બાદ યુઝર્સ  સીધા Gemini અંદરથી Photoshop , Illustrator , Premiere અને Express જેવા Creative Cloud ટુલ્સનો ઉપયોગ કરી શકાશે . કંપનીનું કહેવું  છે કે  તેમનું લક્ષ્ય Adobe પ્રોફેશનલ ક્રિએટિવ ટૂલ્સને દરેક જગ્યાએ ઉપલબ્ધ બનાવવાનું છે , માત્ર પોતાની એપ્સ સુધી મર્યાદિત નહીં . Adobe પહેલાથી જ Anthropicના Claude માટે પણ કનેક્ટર રજૂ કરી ચૂક્યું છે  જે 50 થી વધુ ટૂલ્સને સપોર્ટ કરે છે .

બીજી તરફ , Canva એ પણ Gemini માટે તેનો કનેક્ટર રોલઆઉટ શરૂ કરી દીધો છે . આ ફીચર હાલ અંગ્રેજીમાં અમુક માર્કેટ્સમાં તમામ Gemini લેવલ્સ અને  Canva પ્લાન્સ માટે ઉપલબ્ધ છે અને આગળ જઈને વધુ વધારામાં  આવશે . યુઝર્સ " @Canva " ટાઈપ કરીને સીધા ડિઝાઈન ટાસ્ક સોંપી શકે છે  . Gemini  માં બનાવેલી Canva ડિઝાઈન્સ સંપૂર્ણ રીતે એડિટેબલ રહેશે અને Canvaના Brand Kit સાથે પણ જોડાઈ જશે .

આ ઉપરાંત , Canva કનેક્ટર Googleના " Nano Banana " ઈમેજ જનરેશન મોડેલને Canvaમાં લઈ જઈને વધુ એડિટિંગ અને ફાઈન - ટ્યુનિંગ કરી શકાય છે .

કંપનીનું એવું માનવું છે કે AIનું પાવર ત્યારે જ દેખાય છે જયારે યુઝરના બ્રાન્ડ , કોન્ટેક્સ્ટ અને વર્કફ્લો સાથે જોડાયેલી હોય . આ ઇન્ટિગ્રેશનથી Gemini  હવે માત્ર રિસર્ચ ટૂલ નહીં રહે , પરંતુ સીધું પ્રોડક્ટિવ અને ક્રિએટિવ કામ પણ કરી શકશે .