મચ્છરજન્ય રોગો સામે ગૂગલનો અનોખો પ્રયોગ , EPA સમક્ષ મંજૂરી માટે દરખાસ્ત

 મચ્છરોની વધતી વસ્તીને નિયંત્રિત કરવા માટે સામાન્ય રીતે જંતુનાશકોનો ઉપયોગ અથવા સ્વચ્છતા અભિયાન ચલાવવામાં આવે છે . જોકે , ગૂગલે આ સમસ્યાનો  સામનો કરવા માટે એક અલગ અને વૈજ્ઞાનિક  અભિગમ અપનાવ્યો છે . કંપનીએ આવતા બે વર્ષ દરમિયાન અમેરિકામાં લાખો પ્રયોગશાળા ઉછેરાયેલા  નર મચ્છરો છોડવાની દરખાસ્ત રજૂ કરી છે . આ યોજના હાલમાં યુએસ એન્વાયર્નમેન્ટલ પ્રોટેક્શન એજન્સી ( EPA ) ની સમીક્ષા હેઠળ  છે . ગૂગલના ' ડીબગ ' પ્રોજેક્ટનો ભાગ છે જેની શરૂઆત 2014માં કરવામાં આવી હતી  . ગૂગલે ફ્લોરિડા અને કેલિફોર્નિયામાં કુલ 3.2 કરોડ નર મચ્છરો છોડવાની મંજૂરી માંગી છે .

આ પહેલ ગૂગલના ' ડીબગ ' પ્રોજેક્ટનો ભાગ છે જેની શરૂઆત 2014માં કરવામાં આવી હતી . પ્રોજેક્ટનો મુખ્ય હેતુ મચ્છરજન્ય રોગો ફેલાવતા મચ્છરોની સંખ્યાને નિયંત્રિત કરવા માટે નવી ટેક્નોલોજી  વિકસાવવાનો છે . કંપનીના જણાવ્યા અનુસાર , આ કામગીરીમાં વૈજ્ઞાનિકો , સ્થાનિક સમુદાયો અને સરકારી એજન્સીઓનો પણ  સહયોગ લેવામાં આવી રહ્યો છે .

ગૂગલે ફ્લોરિડા અને કેલિફોર્નિયામાં કુલ 3.2 કરોડ નર મચ્છરો છોડવાની મંજૂરી માંગી છે . યોજના મુજબ પહેલા વર્ષે 1.6 કરોડ અને બીજા વર્ષે વધુ 1.6 કરોડ મચ્છરો છોડવામાં આવશે . જોકે આ ટેસ્ટ માટેના ચોક્કસ સ્થળો અને સમય અંગે હજુ સુધી કોઈ માહિતી જાહેર કરવામાં આવી નથી .

આ પ્રોજેક્ટમાં વોલબેચિયા પિપિયેન્ટિસ નામના બેક્ટેરિયાનો ઉપયોગ કરવામાં આવશે . પ્રયોગશાળામાં ઉછેરાયેલા નર મચ્છરોને આ બેક્ટેરિયાથી સંક્રમિત કરવામાં આવશે . જયારે આવા નર મચ્છરો જંગલી માદા મચ્છરો સાથે પ્રજનન કરશે , ત્યારે તેમના ઇંડામાંથી નવા મચ્છરો વિકસિત નહીં થાય . પરિણામે , સમય જતાં મચ્છરોની વસ્તીમાં સમય જતાં  મચ્છરોની વસ્તીમાં ઘટાડો થવાની શક્યતા રહેશે .

ખાસ વાત એ છે કે માત્ર માદા મચ્છરો જ માનવોને કરડે છે , જયારે નર મચ્છરો કરડતા નથી .  આ પ્રોજેક્ટથી લોકોને નર મચ્છરો કરડતા નથી . તેથી આ પ્રોજેક્ટથી  લોકોને કરડતા મચ્છરોની સંખ્યામાં વધારો થવાનો ભય નથી . તેનો મુખ્ય ઉદ્દેશ્ય મચ્છરોની નવી પેઢીના વિકાસને રોકવાનો છે .

જો EPA તરફથી મંજૂરી મળી જશે , તો આ પ્રોજેક્ટ મચ્છરજન્ય રોગો સામેની લડતમાં એક મહત્વપૂર્ણ વૈજ્ઞાનિક પ્રયોગ સાબિત થઈ શકે છે . જોકે , હકીકતમાં  તેની અસર  અને લાંબા ગાળાના પરિણામો ટેસ્ટ પૂર્ણ થયા બાદ જ સ્પષ્ટ થશે .