Google Cloud Next 2026 માં Workspace Intelligence સહિત અનેક નવી સુવિધાઓ જાહેર

Google એ Google Cloud Next 2026 દરમિયાન તેના Google Workspace માટે અનેક નવા અને મહત્વપૂર્ણ અપડેટ્સ જાહેર કર્યા છે . આ અપડેટ્સમાં ખાસ  કરીને AI દ્રારા કામને વધુ સરળ , ઝડપી અને સ્માર્ટ બનાવવાનું ધ્યાન રાખવામાં આવ્યું છે . કંપનીનો મુખ્ય હેતુ એ છે કે ઓફિસમાં થતું રોજનું કામ ઓછા  સમયમાં અને ઓછા પ્રયત્નોમાં પૂર્ણ થઈ શકે છે . કંપનીએ " Workspace Intelligence " નામની નવી સિસ્ટમ રજૂ કરી છે . આ સિસ્ટમ Google Docs , Google Slides અને Gmail જેવી એપ્સમાં રહેલી ફાઈલો  , પ્રોજેક્ટ્સ અને ટીમ મેમ્બર્સ વચ્ચેના સંબંધોને સમજવામાં મદદ કરે છે . સરળ ભાષામાં કહીએ તો , તે તમારું કામ અને ડેટા " સમજે " છે અને તેના આધારે  તમને યોગ્ય સૂચના આપે છે . જેથી કામ વધુ ઓટોમેટિક અને અસરકારક બને .

Google Meet માં " Take Notes For Me " ફીચર હવે વધુ એડવાન્સ બનશે . આ સુવિધા હવે માત્ર Meet મીટિંગ્સ પૂરતી મર્યાદિત નહીં રહે , પરંતુ Zoom અને  Microsoft Teams  જેવી અન્ય પ્લેટફોર્મ્સ પરની મીટિંગ્સમાંથી પણ આપમેળે નોટ્સ અને જરૂરી મુદ્દાઓ તૈયાર કરી શકશે . ગૂગલ મુજબ લાખો યુઝર્સ  પહેલેથી આ સુવિધાનો ઉપયોગ કરી રહ્યા છે .

Google Sheets માં પણ મોટા સુધારા કરવામાં આવી રહ્યા છે . Gemini AI ની મદદથી હવે યુઝર્સ HubSpot અને Salesforce જેવી બહારની સેવાઓમાંથી  ડેટા સરળતાથી લાવી શકશે . સાથે જ "Canvas " ફીચર દ્રારા સ્પ્રેડશીટમાં જ ડેશબોર્ડ , હીટમેપ અને કાનબન બોર્ડ જેવી ઇન્ટરેક્ટિવ વસ્તુઓ  બનાવી શકાય છે .

વિકાસકર્તાઓ માટે Google એક નવો MCP સર્વર લાવી રહ્યું છે , જે બહારની એપ્સને Google Drive , Gmail અને Calendar સાથે સુરક્ષિત રીતે જોડવાની  સુવિધા આપે છે  . સાથે જ " Skills " નામના ઓટોમેશન ટુલ્સ રજૂ થયા છે , જે વારંવાર થતા કામને જાતે જ પૂર્ણ કરી શકે છે .

Google Vids માં હવે વધુ કસ્ટમાઈઝેશન મળશે , જેમ કે લોગો અને બ્રાન્ડિંગ ઉમેરવી . બીજી તરફ Gemini હવે Workspace એપ્સ સાથે વધુ સારી રીતે જોડાઈને  ડોક્યુમેન્ટસ અને કેલેન્ડર મેનેજ કરવામાં મદદ કરશે .

સિક્યુરિટી માટે પણ નવા ગવર્નન્સ ટુલ્સ એડ કરાયા છે . જે ડેટાને વધુ સુરક્ષિત બનાવે છે . કુલ મળીને , આ અપડેટ્સ Workspaces ને વધુ બુદ્ધિશાળી , ઝડપી  અને ઓટોમેટિક બનાવશે . આ તમામ નવી સુવિધાઓ ટૂંક જ સમયમાં યુઝર્સ માટે ઉપલબ્ધ થવા લાગશે .