અલગ સ્કેનર એપની જરૂર નહીં , Android ફોનમાં જ PDF બનાવવાની સરળ રીત

જો તમારે કોઈ દસ્તાવેજને PDF ફોર્મેટમાં સ્કેન કરવાની જરૂર હોય , તો તેના માટે અલગથી સ્કેનર એપ ડાઉનલોડ કરવાની જરૂર નથી . મોટાભાગના Android સ્માર્ટફોનમાં Google Drive અને Camera App દ્રારા સીધા PDF સ્કેન કરવાની સુવિધા આપવામાં આવે છે . આ પદ્ધતિ માત્ર ફોનનું સ્ટોરેજ બચાવે છે એટલું જ નહીં , પરંતુ થર્ડ - પાર્ટી એપ્સ સાથે જોડાયેલા ગોપનીયતા સંબંધિત જોખમોને પણ ઘટાડે છે . આધાર કાર્ડ , PAN કાર્ડ , બિલ અથવા અન્ય બીજા મહત્વપૂર્ણ દસ્તાવેજોને તમે થોડી જ મિનિટોમાં PDF ફાઇલમાં કન્વર્ટ કરી શકો છો . 

આ લેખથી તમને ખબર પડશે કે ગૂગલ ડ્રાઈવનો અને કેમેરા એપ્લિકેશનનો  ઉપયોગ કરીને PDF કેવી રીતે સ્કેન કરવું . તમને ધ્યાનમાં રાખવા જેવી બાબતો પણ જાણવા મળશે .

ગૂગલ ડ્રાઈવનો ઉપયોગ કરીને PDF કેવી રીતે સ્કેન કરવું ?

• તમારા ફોનમાં Google Drive એપ ખોલો .
• નીચે જમણી બાજુ દેખાતા " + " આઇકોન પર ટેપ કરો .
• " Scan " વિકલ્પ પસંદ કરો .
• જે દસ્તાવેજ સ્કેન કરવો હોય તેનો ફોટો લો .
• જરૂર મુજબ દસ્તાવેજને ક્રોપ અથવા રોટેટ કરો .
• " Save  " પર ટેપ કરો . 
• ફાઈલ આપમેળે PDF ફોર્મેટમાં સેવ થઈ જશે .

કેમેરા એપ્લિકેશનનો ઉપયોગ કરીને PDF કેવી રીતે સ્કેન કરવી ?

• Samsung, Xiaomi , Realme, OnePlus અને  Vivo જેવા ઘણા સ્માર્ટફોનમાં  Document Scan Mode ઉપલબ્ધ હોય છે .
• Camera App ખોલો .
• " More " અથવા " Modes " વિભાગમાં જાઓ .
• " Document Scan " વિકલ્પ પસંદ કરો .
• દસ્તાવેજનો ફોટો લો .
• ફોન આપમેળે કિનારીઓ ઓળખીને સ્કેન તૈયાર કરશે .
• ત્યાબાદ તેને PDF તરીકે સેવ અથવા શેર કરી શકાય છે .

સ્કેન કરતી વખતે આ મુદ્દાઓ ધ્યાનમાં રાખો :

દસ્તાવેજને હંમેશા સપાટ સપાટી પર મુકો 
સ્કેનિંગ દરમિયાન પૂરતો પ્રકાશ હોવાની ખાતરી કરો .
કેમેરાનો લેન્સ સ્વચ્છ રાખો જેથી ઈમેજ સ્પષ્ટ આવે .
સ્કેન કરતા પહેલા અને પછી કિનારીઓને યોગ્ય રીતે ક્રોપ કરો .