ફોટો બ્લર થઈ ગયો ? Google Photos ના Photo Unblur ટૂલથી મિનિટોમાં કરો સુધારો

સ્માર્ટફોન કેમેરા ટેક્નોલોજીમાં છેલ્લા કેટલાક વર્ષોમાં નોંધપાત્ર સુધારો થયો છે , છતાં ઘણી વખત ફોટા અપેક્ષા મુજબ સ્પષ્ટ આવતા નથી . કેમેરા શેક , ખોટો  ફોક્સ અથવા ઓછા પ્રકાશ જેવી પરિસ્થિતિઓને કારણે ફોટો ઝાંખી પડી શકે છે . સામાન્ય રીતે આવા ફોટાને સુધારવા માટે લોકો થર્ડ પાર્ટી ફોટો એડિટિંગ  એપ્સનો ઉપયોગ કરે છે , પરંતુ ઘણા યુઝર્સને ખબર નથી કે Google Photos માં જ એક શક્તિશાળી AI ફીચર ઉપલબ્ધ છે , જે ઝાંખા ફોટાને વધુ સ્પષ્ટ  બનાવી શકે છે  .

Google Photosનું " Photo Unblur " ફીચર AI ની મદદથી ફોટામાં રહેલી વિગતો જોએ છે અને તેની શાર્પનેસ વધારીને વધુ ક્લિયર બનાવે છે . ખાસ કરીને હળવાથી  મધ્યમ સ્તરના બ્લરવાળા ફોટા માટે આ ફીચર ખુબ સારા સાબિત થઈ શકે છે . જો કે દરેક ફોટો સંપૂર્ણપણે સુધરી જાય તે જરૂરી નથી , પરંતુ ઘણા   ફોટોસમાં નોંધપાત્ર રીતે સારા જોવા મળે છે .

Google Photosમાં Photo Unblur કેવી રીતે વાપરવું ?

ઝાંખા ફોટાને સ્પષ્ટ બનાવવા માટે સૌથી પહેલા ,

• તમારા સ્માર્ટફોનમાં Google Photos એપ ખોલો 
• જે ફોટો સુધારવો હોય તેને પસંદ કરો 
• હવે નીચે આપેલા Edit વિકલ્પ પર ટેપ કરો 
• હવે Tools વિભાગમાં જઈને   " Photo Unblur "  વિકલ્પ પસંદ કરો 
• AI પ્રોસેસિંગ શરૂ થયા બાદ Google Photos થોડા જ સેકન્ડમાં સુધારેલા ફોટાનું પ્રીવ્યુ બતાવશે .
• જો ફોટો તમને યોગ્ય લાગે તો તેને Save Copy પર જઈને Save કરી લો .

દરેક ડિવાઈસમાં ઉપલબ્ધ ન પણ હોય 

ધ્યાનમાં રાખવા જેવી વાત એ  છે  કે  Photo Unblur ફીચર દરેક સ્માર્ટફોન અથવા  પ્રદેશમાં ઉપલબ્ધ હોય તે જરૂરી નથી . Google જુદા જુદા ફીચર્સ રોલઆઉટ  કરતું હોવાથી કેટલાક યુઝર્સને આ વિકલ્પ મોડો મળી શકે છે . આ ઉપરાંત કેટલીક AI આધારિત એડિટિંગ સુવિધાઓ માટે Google One સબ્સ્ક્રિપ્શનની જરૂર પણ પડી શકે છે . જો તમારી એપમાં Unblur વિકલ્પ દેખાતો ન હોય તો Google Photosને નવા વર્ઝન પર અપડેટ કરવું જરૂરી બની શકે છે .

જૂના ફોટાને નવા બનાવવાનો સરળ રસ્તો 

જો તમારી પાસે કોઈ જૂનો યાદગાર ફોટો હોય જે ઝાંખો દેખાતો હોય , તો Google Photosનું Photo Unblur ફીચર તેને વધુ આકર્ષક અને સ્પષ્ટ બનાવવામાં મદદ  કરે છે . માત્ર થોડા ટેપની મદદથી ફોટાની ગુણવત્તામાં સુધારો કરીને તમે તમારી ખાસ યાદોને ફરી જીવંત બનાવી શકો છો .