આધાર એપથી મિનિટોમાં બદલો તમારું સરનામું આધાર કેન્દ્ર જવાની જરૂર નહીં

જો તમે તાજેતરમાં પોતાનું ઘર બદલ્યું હોય , તો તમને આધાર કાર્ડમાં તમારું નવું સરનામું અપડેટ કરવું જરૂરી બની જાય છે . ઘણા લોકો માને છે કે આધાર કાર્ડમાં સરનામું  બદલવાની પ્રક્રિયા મુશ્કેલ છે અને તેના માટે આધાર કેન્દ્રની મુલાકાત લેવી પડે છે . જોકે , હવે UIDAI ની આધાર એપની મદદથી તમે ઘરે બેઠા  જ તમારા સ્માર્ટફોન દ્રારા સરનામું અપડેટ કરી શકો છો . આ પ્રક્રિયા માટે લાંબી લાઈનમાં ઊભા રહેવાની કે વધુ કાગળકામ કરવાની જરૂર પડતી નથી .

આધાર એપ દ્રારા સરનામું કેવી રીતે અપડેટ કરશો ?

સ્ટેપ 1 : તમારા Android સ્માર્ટફોન અથવા iPhoneમાં Aadhaar App ડાઉનલોડ કરીને ઇન્સ્ટોલ કરો .

સ્ટેપ 2 : એપ ખોલીને આધાર નંબર , આધાર સાથે લિંક થયેલો મોબાઈલ નંબર અને Face ID દ્રારા નોંધણી કરો .

સ્ટેપ 3 : લોગિન કર્યા પછી Services વિભાગમાં જઈ Update Address વિકલ્પ પસંદ કરો .

સ્ટેપ 4 : અહીં My Documents અથવા Family Member Aadhaar માંથી કોઈ એક વિકલ્પ પસંદ કરો અને આગળ વધો .

My Documents વિકલ્પ પસંદ કરો

• લિસ્ટમાંથી જરૂરી દસ્તાવેજ પસંદ કરો 
• દસ્તાવેજને સ્કેન કરો અથવા ફાઈલ અપલોડ કરો 
• નવું સરનામું દાખલ કરો 
• સરનામાની વિગતો ચકાસીને Preview જુઓ 
• Face Authentication માટે આગળ વધો 
• Family Member Aadhaar વિકલ્પ પસંદ કરો 
• પરિવારના સભ્યનો આધાર નંબર દાખલ કરો 
• તેમની સાથેનો સંબંધ પસંદ કરો 
• Face Authentication પ્રક્રિયા પૂર્ણ કરો 

Face Authentication શરૂ કરતા પહેલા ખાતરી કરો કે બાયોમેટ્રિક લોકિંગ બંધ છે . ઓથેન્ટિકેશન પૂરું થયા પછી Confirm & Pay વિકલ્પ પર ક્લિક કરો અને સ્ક્રીન પર દર્શાવેલી સૂચનાઓ અનુસાર રૂપિયા 75 ફી ચૂકવો . ત્યાબાદ તમારો સરનામાં અપડેટની વિનંતી સબમિટ થઈ જશે .

ધ્યાનમાં રાખવા જેવી બાબતો :
સ્થિર અને ઝડપી ઈન્ટરનેટ હોવું જરૂરી છે .
Face Authentication માટે પૂરતી લાઈટ હોવી જરૂરી છે .
જરૂરી દસ્તાવેજો તૈયાર રાખો . 
Family Member Aadhaar  વિકલ્પ માટે પરિવારના સભ્યનો આધાર નંબર ઉપલબ્ધ હોવો જોઈએ .
OTP મેળવવા માટે આધાર સાથે મોબાઈલ નંબર લિંક થયેલો હોવો જરૂરી છે .

આ રીતે તમે આધાર કેન્દ્ર ગયા વિના અને કોઈ વધારાની ઝંઝટ વિના ઘરે બેઠા જ તમારા આધાર કાર્ડમાં સરનામું સરળતાથી અપડેટ કરી શકો છો .