AIની મદદથી જૂના અને બ્લર ફોટાની ગુણવત્તા સુધારો , જાણો સરળ રીત

ઝાંખા ફોટા લાંબા સમયથી સ્માર્ટફોન યુઝર્સ માટે સૌથી સામાન્ય સમસ્યાઓમાંની એક રહ્યા છે . ઘણી વખત ઉતાવળમાં લેવામાં આવેલા ફોટા , હાથ ધ્રુજવાના કારણે પડતો મોશન બ્લર અથવા જૂના અને ઓછી ગુણવત્તાવાળા કેમેરાથી લેવામાં આવેલી ઈમેજો તેમની સ્પષ્ટતા ગુમાવી દે છે . પરિણામે ઘણી બધી યાદો ધરાવતા ફોટા પણ ઉપયોગમાં લેવા યોગ્ય રહેતા નથી . આ સમસ્યાને  ધ્યાનમાં રાખીને Google Photosમાં Photo Unblur નામનું AI આધારિત ફીચર આપવામાં આવ્યું છે .જે ઝાંખા ફોટાને વધુ સ્પષ્ટ અને વિગતવાર બનાવવામાં મદદ કરે છે .

આ ટૂલ માત્ર એક ટેપથી ફોટાની ગુણવત્તામાં સુધારો કરી શકે છે અને યુઝર્સ તેમની જૂની અથવા ખરાબ ઈમેજોને નવો રૂપ આપવાની તક પણ આપે છે .

Photo Unblur નો ઉપયોગ કેવી રીતે કરવો ?

• Google Photosમાં Photo Unblur ફીચરનો ઉપયોગ કરવો ખુબ જ સરળ છે .સૌપ્રથમ તમારા Android , iPhone અથવા Chromebook Plus ડિવાઈસમાં Google Photos એપ ખોલો . 
• ત્યારબાદ જે ફોટો ઝાંખો દેખાય છે અથવા જેને વધુ સ્પષ્ટ બનાવવા માંગતા હો તે પસંદ કરો .
• હવે સ્ક્રીનના નીચેના ભાગમાં આપેલા Edit વિકલ્પ પર ટેપ કરો . 
• એડિટિંગ ટૂલ્સની યાદીમાં Photo Unblur વિકલ્પ પસંદ કરો .
• ત્યારબાદ Google Photosનું AI ફોટાનું વિશ્લેષણ કરીને આપમેળે શાર્પનિંગ અને ડિટેલ એન્હાન્સમેન્ટ લાગુ કરશે .

ફોટો સુધાર્યા પછી તમે Strength Sliderની મદદથી ઇફેક્ટ વધારી કે ઘટાડી શકો છો . જયારે ફોટો સારો લાગે ત્યારે તેને Save Copy વિકલ્પ પર ટેપ કરો . આ પ્રક્રિયાથી મૂળ ફોટો એવું જ રહેશે અને નવો Edit કરાયેલો ફોટો પણ અલગથી Save રહેશે જેથી તમે મૂળ ફોટો પણ  જોઈ શકો .

AI થી ફોટા બનશે વધુ આકર્ષક 

Photo Unblur ફીચરની સૌથી મોટી ખાસિયત એ છે કે તે ફોટાના વિગતોને વધુ સારી રીતે પુનઃસ્થાપિત કરવાનો પ્રયાસ કરે છે  . આ ફીચર ખાસ કરીને જૂના ફોટા , મોશન બ્લરવાળી ઈમેજો અને થોડી ઝાંખી ઈમેજો માટે ઉપયોગી સાબિત થઈ શકે છે . જો કે તે દરેક ફોટાને સંપૂર્ણપણે સુધારી શકે તે જરૂરી નથી , પરંતુ મોટા ભાગના કિસ્સાઓમાં ફોટાની ગુણવત્તામાં નોંધપાત્ર સુધારો જોવા મળે છે . AI ટેક્નોલોજીના ઉપયોગથી Google Photos હવે માત્ર ફોટો સ્ટોરેજ એપ જ નહીં , પરંતુ એક શક્તિશાળી ફોટો એડિટિંગ પ્લેટફોર્મ પણ બની રહ્યો છે .