Instagramનું નવું Instagram Plus સબ્સ્ક્રિપ્શન : Story Spotlightથી લઈને Advanced Insights સુધી શું મળશે ?

 Instagramએ તેના યુઝર્સ માટે  Instagram Plus  નામનું નવું પ્રીમિયમ સબ્સ્ક્રિપ્શન પ્લાન રજૂ કર્યો છે . કંપનીના જણાવ્યા અનુસાર આ એક વૈકલ્પિક પેઈડ સેવા છે . જે એવા યુઝર્સ માટે બનાવવામાં આવી છે જેઓ વધુ પર્સનલ , નવા આધુનિક ઇનસાઇટ્સ અને વધારાના શેરિંગ નિયંત્રણો મેળવવા માંગે છે . Instagramએ સ્પષ્ટ કહ્યું છે કે પ્લેટફોર્મનો સામાન્ય અનુભવ પહેલાની જેમ જ મફત રહેશે અને યુઝર્સ સબ્સ્ક્રિપ્શન લીધા વગર પણ તમામ મૂળભૂત સુવિધાઓનો ઉપયોગ કરી શકશે .

કંપનીએ Instagram Plusને ત્રણ મુખ્ય ભાગોમાં વહેચ્યું છે . સોશિયલ એન્ગેજમેન્ટ , ઇનસાઇટ્સ અને પ્રિવ્યુ ટૂલ્સ અને પ્રોફાઈલ કસ્ટમાઈઝેશન. Instagramનું કહેવું છે કે આ સુવિધાઓનો મુખ્ય હેતુ યુઝર્સને તેમની કન્ટેન્ટ અને ઓડિયન્સ પર વધુ નિયંત્રણ આપવાનો છે .

નવા સબ્સ્ક્રિપ્શનમાં Story Spotlight નામની સુવિધા આપવામાં આવી છે , જેના દ્રારા યુઝની સ્ટોરી તેના તેમના મિત્રોની ફીડમાં વધુ પ્રાથમિકતા સાથે દેખાશે . આ ઉપરાંત Multiple Story Audience  ફીચર્સ દ્રારા યુઝર્સ જુદા જુદા લોકો માટે અલગ અલગ કસ્ટમ ઓડિયન્સ લિસ્ટ બનાવી શકશે . આ હાલની Close Friends સુવિધાનું વધુ આધુનિક વર્ઝન માનવામાં આવે છે .

આ ઉપરાંત Story Extend ફીચર સ્ટોરીનો સમયગાળો 24 કલાકથી વધારીને 48 કલાક સુધી લંબાવવાની સુવિધા આપે છે .

Instagram Plusમાં Super Hearts ફીચર પણ સામેલ કરવામાં આવ્યું છે . આ ફીચરમાં જયારે પણ કોઈ મિત્ર યુઝર્સની સ્ટોરી પર પ્રતિક્રિયા આપશે  ત્યારે વિશેષ એનિમેટેડ હાર્ટ ઇફેક્ટ  જોવા મળશે , જે સ્ટોરી ઈન્ટરએક્શનને વધુ રસપ્રદ બનાવશે .કન્ટેન્ટ પરફોર્મન્સને નજીકથી ટ્રેક કરતા યુઝર્સ માટે Instagramએ કેટલાક નવા ઈનસાઈટ્સ ટૂલ્સ પણ એડ કર્યા છે . Story Rewatch Insights  દ્રારા યુઝર્સ જાણી શકે છે કે તેમની સ્ટોરી  કેટલીક વખત ફરીથી જોવામાં આવી છે . જયારે Search Viewer List ફીચર સ્ટોરી વ્યૂઅર લિસ્ટમાં કોઈ ચોક્સ એકાઉન્ટને ઝડપથી શોધવાની સુવિધા આપશે .

આ ઉપરાંત , Story Preview નામની નવી સુવિધા પણ રજૂ કરવામાં આવી છે . તેના દ્રારા સબ્સ્ક્રાઇબર્સ સ્ટોરીને વ્યુ તરીકે નોંધાયા વગર પ્રિવ્યુ કરી શકશે . કંપનીના જણાવ્યા અનુસાર આ ફીચર એવા યુઝર્સ માટે ઉપયોગી રહેશે જેઓ સ્ટોરી જોવા માંગે છે પરંતુ તરત જ કોઈ ઇન્ટરએક્શન કરવા માંગતી નથી .

Instagram એ વધુમાં જણાવ્યું છે કે Instagram Plusનો ત્રીજો વિભાગ પ્રોફાઈલ કસ્ટમાઈઝેશન અને વૈકલ્પિક પોસ્ટિંગ વિકલ્પો મુખ્ય છે . જોકે , આ કેટેગરી હેઠળની તમામ સુવિધાઓ અંગે કંપનીએ હજુ સંપૂર્ણ વિગતો જાહેર કરી નથી .

Instagram Plusનું વૈશ્વિક સ્તરે ક્રમશ રોલઆઉટ શરૂ કરવામાં આવ્યું છે અને ભવિષ્યમાં તેમાં વધુ નવી સુવિધાઓ ઉમેરવામાં આવી શકે છે .