iPhone યુઝર્સ માટે મહત્વપૂર્ણ અપડેટ : ડિલીટ મેસેજ ડેટા લીકનો જોખમ દૂર

Apple એ માર્ચ મહિનામાં અમુક iPhone મોડેલો માટે iOS 26.4.1 અપડેટ રજૂ કર્યું હતું . તેના  થોડા અઠવાડિયા પછી , કંપનીએ iOS 26.4.2  અને iPadOS  26.4.2 નામનું નવું અપડેટ પણ રિલીઝ કર્યું . આ અપડેટ ખાસ કરીને એક મહત્વપૂર્ણ બગને ઠીક કરવા માટે લાવવામાં આવ્યું છે , જે મેસેજ નોટિફિકેશન સાથે જોડાયેલું હતું . આ બગને કારણે ડિલીટ કરેલા મેસેજીસની માહિતી પણ ફોનમાં રહી જતી હતી . Apple મુજબ , જૂના iOS વર્ઝન વાપરતા iPhones માં કેટલીકવાર નોટિફિકેશન યોગ્ય રીતે ડિલીટ થતા નહોતા .

આ નવી iOS 26.4.2  અપડેટમાં મુખ્યત્વે " બગ ફિક્સ અને સિક્યુરિટી સુધારા " આપવામાં આવ્યા છે . Apple મુજબ , જૂના iOS વર્ઝન વાપરતા iPhones માં કેટલીકવાર નોટિફિકેશન યોગ્ય રીતે ડિલીટ થતા નહોતા . એટલે કે યુઝર્સ દ્રારા મેસેજ ડિલીટ કરી દીધા પછી પણ તેની નોટિફિકેશનની માહિતી ફોનના ડેટાબેઝમાં સેવ રહી જતી . સરળ ભાષામાં સમજીએ તો , જો તમે કોઈ મેસેજ ડિલીટ કરો , તો પણ તેની નોટિફિકેશનનો રેકોર્ડ ફોનમાં રહી શકતો હતો . આ એક સિક્યુરિટી જોખમ બની શકે છે , કારણ કે કોઈ વ્યક્તિ આ ડેટાને ઍક્સેસ કરી શકે .

એક રિપોર્ટ મુજબ , Federal Bureau of Investigation ( FBI ) એ આ જ બગનો ઉપયોગ કરીને iPhone માંથી ડિલીટ કરેલા Signal મેસેજીસને ફરીથી મેળવી  લીધા હતા . કારણ કે ફોન તેના નોટિફિકેશન ડેટાબેઝમાં આ મેસેજીસનો ડેટા સેવ રાખતો હતો .

આ સમસ્યાને CVE - 2026-28950 તરીકે ઓળખવામાં આવી છે . Apple એ હવે આ બગને ફિક્સ કરી દીધો છે , જેથી હવે ડિલીટ કરેલી નોટિફિકેશન સચવાશે  નહીં . કંપનીએ જણાવ્યું કે આ સમસ્યાને " ડેટા રીડેક્શન " સુધારીને ઠીક કરવામાં આવી છે , એટલે હવે સંવેદનશીલ માહિતીને સારી રીતે હેન્ડલ થશે  . 

Signal એ પણ Apple નો આ બગ ઝડપથી ઠીક કરવા બદલ આભાર માન્યો છે . સાથે જ યુઝર્સને સલાહ આપવામાં આવી છે કે તેઓ તાત્કાલિક iOS 26.4.2   અપડેટ ઇન્સ્ટોલ કરે . અપડેટ કર્યા પછી , પહેલાથી સચવાયેલી અણગમતી નોટિફિકેશન પણ આપમેળે ડિલીટ થઈ જશે . કુલ મળીને , આ અપડેટ iPhone અને iPad યુઝર્સ માટે મહત્વપૂર્ણ છે , કારણ કે તે તેમની પ્રાઇવસી અને ડેટાની સુરક્ષા વધુ મજબૂત બનાવે છે .