તમારા નામે કેટલા નંબર ? સંચાર સાથી એપ આપશે પૂરી માહિતી

ભારતમાં ટેલિકોમ યુઝર્સની સુરક્ષા વધારવા માટે, Department of Telecommunication (DoT ) દ્રારા " સંચાર સાથી " નામની મોબાઈલ એપ લોન્ચ કરવામાં  આવી હતી . આ એપ જાન્યુઆરી 2025 માં કેન્દ્રીય સંચાર મંત્રી જ્યોતિરાદિત્ય સિંધિયા દ્રારા રજૂ કરવામાં આવી હતી . હાલમાં આ એપ ફરી ચર્ચામાં આવી  છે કારણ કે DoT એ સ્માર્ટફોન બનાવતી કંપનીઓને તેમના ડિવાઇસ સાથે આ એપ પ્રિ - ઇન્સ્ટોલ કરવાની સલાહ આપી છે , જેથી વધુમાં વધુ  યુઝર્સ તેનો ઉપયોગ કરી શકે  અને મોબાઈલ સુરક્ષા મજબૂત બની શકે .

સંચાર સાથી એપ શું છે ?
સંચાર સાથી એપ એક સત્તાવાર મોબાઈલ એપ છે , જે યુઝર્સને તેમના નામે નોંધાયેલા તમામ મોબાઇલ નંબરો વિશે માહિતી આપે છે . આ એપ દ્રારા જાણી શકો છો  કે  તમારી જાણ બહાર કોઈ નંબર તો જારી થયો નથી ને ? જો એવું હોય તો તમે તેને તરત જ બ્લોક કરવાની વિનંતી ઓન કરી શકો છો . આ રીતે એપ  યુઝર્સને વધુ સજાગ અને સુરક્ષિત બનાવે છે .

આના મુખ્ય ફાયદાઓ :

1. આ એપમાં અનેક ઉપયોગી ફીચર્સ આપવામાં આવ્યા છે . આની સૌથી મહત્વપૂર્ણ સુવિધા એ છે કે તમે તમારા ચોરાયેલા અથવા ખોવાયેલા ફોનને સરળતાથી બ્લોક કરી શકો છો અને એકવાર નંબર બ્લોક થઇ જાય તો તેનો દુરુપયોગ થવાની શક્યતા ખૂબ ઘટી જાય છે .
2. બીજી સુવિધા IMEI નંબર દ્રારા ફોનની ચકાસણી કરવાની છે . તમે જાણી શકો છો કે તમારું ડિવાઇસ અસલી છે કે નકલી અથવા તે ચોરાયેલું તો નથી ને . ખાસ કરીને સેકન્ડ હેન્ડ  ફોન ખરીદતા સમયે આ ફીચર ખૂબ જ મદદરૂપ બને છે .
3. આ એપમાં 'ચક્ષુ ' નામની સર્વિસ પણ આપવામાં આવી છે , જેના માધ્યમથી તમે શંકાસ્પદ કોલ્સ અથવા મેસેજીસની જાણ કરી શકો છો . ખાસ કરીને "+91" સાથે આવતા ફેક ઇન્ટરનેશનલ  કોલ્સ સામે આ ફીચર અસરકારક સાબિત થાય છે . આથી ટેલિફોનિક ફ્રોડ અને સ્કેમ કેસમાં ઘટાડો થવાની શક્યતા છે . 

કેવી રીતે ડાઉનલોડ અને નોંધણી કરવી ?
આના માટે સૌથી પહેલા તમને Google Play Store અને Apple App Store પર જવું પડશે ત્યાં સંચાર સાથી એપ ઉપલબ્ધ છે . Android યુઝર્સ Play Store થી જયારે iPhone યુઝર્સ  એપ સ્ટોર પરથી ડાઉનલોડ કરી શકે છે .

એપને ઇન્સ્ટોલ કર્યા પછી તેને ખોલો અને તમારી પસંદગીની ભાષાને પસંદ કરો ,  પછી " આગળ વધો" પર ક્લિક કરો . એઓ તમને તેની સુવિધાઓ વિશે માહિતી  બતાવશે . આના પછી રજિસ્ટ્રેશન માટે તમારું નામ દાખલ કરો અને OTP દ્રારા વેરિફિકેશન પૂર્ણ કરો . થોડા સેકેન્ડમાં તમારો નંબર સફળતાપૂર્વક રજિસ્ટર થઈ જશે . 

સંચાર સાથી એપ એ એક માત્ર એપ જ નહિ પરંતુ મોબાઈલ સુરક્ષા માટેનું એક શક્તિશાળી સાધન છે . તે યુઝર્સને તેમના ડેટા અને ડિવાઇસ પર વધુ નિયંત્રણ આપે છે અને વધતા  સાઇબર ફ્રોડ સામે રક્ષણ પૂરું પાડે છે .