Spotify ફિટનેસ ક્ષેત્રમાં પ્રવેશ્યું , Peloton સાથે પાર્ટનરશિપની જાહેરાત 

સોમવારે Spotify એ " Fitness with Spotify " નામનો નવો ફીચર લોન્ચ કર્યો છે , જેના દ્રારા હવે યુઝર્સને ગાઇડેડ વર્કઆઉટ્સનો અનુભવ મળશે . અત્યાર સુધી Spotify પર મ્યુઝિક , પોડકાસ્ટ અને ઑડીયોબુકસ મળતા હતા , પરંતુ હવે તેમાં ફિટનેસ અને વેલનેસ સંબંધિત કન્ટેન્ટ પણ ઉમેરવામાં આવ્યું છે . આ નવા ફીચરથી Spotify હવે Apple Fitness + Fitbit જેવી સેવાઓ ફ્રી અને પ્રીમિયમ બંને યુઝર્સ માટે ઉપલબ્ધ થશે , પરંતુ પ્રીમિયમ યુઝર્સને વધુ કન્ટેન્ટ મળશે  . Peloton સાથેની પાર્ટનરશિપથી પ્રીમિયમ યુઝર્સને 1,400થી વધુ ક્લાસિસ મળશે .

Spotify Fitness Experience શું મળશે ?

Spotify એપમાં હવે એક ખાસ Fitness Hub ઉમેરવામાં આવ્યો છે . અહીં Strength , Cardio, Yoga , Meditation અને Recovery જેવી કેટેગરીમાં  વર્કઆઉટ્સ અને ગાઇડેડ સેશન મળશે . Spotify એ Yoga with Kassandra , chloe Ting અને  Pilates Body by Raven જેવા જાણીતા ફિટનેસ ક્રિએટર્સ  સાથે પણ પાર્ટનરશિપ  છે , જેથી યુઝર્સને સ્ટ્રક્ચર્ડ કન્ટેન્ટ મળી શકે .

Spotify એ અમેરિકાની ફિટનેસ કંપની Peloton સાથે પણ પાર્ટનરશિપ  કરી છે . તેના દ્રારા પ્રીમિયમ યુઝર્સને 1,400થી વધુ ઓન - ડિમાન્ડ વર્કઆઉટ ક્લાસ  મળશે . આ ક્લાસિસમાં Running થી લઈને Floor Exercises સુધી બધું સામેલ છે , અને તેને Rebecca Kennedy , અલી Love અને Rad Lopez જેવા ટ્રેનર્સ દ્રારા ગાઈડ  કરવામાં આવે છે .

સરળ અને ફ્લેક્સિબલ 

આ વર્કઆઉટ્સ માટે કોઈ ખાસ સાધનોની જરૂર નથી . યુઝર્સ કન્ટેન્ટ ડાઉનલોડ કરીને ઑફ્લાઈન પણ ઉપયોગ કરી શકે છે . Spotify એ એવો અનુભવ   બનાવ્યો  છે કે તમે એક જ સેશન અલગ અલગ ડિવાઈસ પર ચાલુ રાખી શકો , જેમ કે TV પર વિડીઓથી શરૂઆત કરીને , પછી ફોન પર ઑડિયો અને પછી સ્માર્ટ સ્પીકર પર  ચાલુ રાખવું .

Spotify અનુસાર , દુનિયાભરમાં પહેલેથી જ 150 મિલિયનથી વધુ ફિટનેસ પ્લેલિસ્ટ્સ ઉપયોગમાં છે અને લગભગ 70% પ્રીમિયમ યુઝર્સ દર મહિને ફિટનેસ સંબંધિત કન્ટેન્ટ સાંભળે છે  .

અન્ય એપ્સથી કેવી રીતે અલગ ?

Apple Fitness + અને Fitbit જેવી સેવાઓ માટે ખાસ ડિવાઈસ ( જેમ કે Apple Watch અથવા Fitness Band ) જરૂરી હોય છે . પરંતુ Spotifyનો ફાયદો એ છે કે  તેમાં કોઈ ખાસ હાર્ડવેરની જરૂર નથી . તમે ફક્ત એપથી જ વર્કઆઉટ શરૂ કરી શકો છો .

Fitness Hub Spotify એપમાં " Fitness " સર્ચ કરીને અથવા Browse વિભાગમાં જઈને સરળતાથી ખોલી શકાય છે . હાલમાં મોટાભાગમાં સેશન અંગ્રેજીમાં  છે , પરંતુ કેટલાક સ્પેનિશ અને જર્મન ભાષામાં પણ ઉપલબ્ધ છે .