WhatsAppનું નવું સુરક્ષા ફીચર કૌભાંડથી બચાવશે , ડિવાઈસ પર જ થશે મેસેજનું વિશ્લેષણ

WhatsApp  એ Android યુઝર્સ માટે  ગોપનીયતાને ધ્યાનમાં રાખીને એક નવી સુવિધા વિકસાવવાનું શરૂ કર્યું છે , જેનો મુખ્ય હેતુ લોકોને ઓનલાઇન કૌભાંડ અને છેતરપિંડીથી  બચાવવાનો છે . ફીચર ટ્રેકર WABetaInfoના અહેવાલ અનુસાર , કંપની " Scam Alert " નામની નવી સુવિધા પર કામ કરી રહી છે . આ ફીચર અજાણ્યા નંબરોથી  આવતા શંકાસ્પદ સંદેશાઓને ઓળખવામાં મદદ કરશે અને યુઝર્સને સંભવિત જોખમ અંગે પહેલાથી જ ચેતવણી આપશે .

અહેવાલ મુજબ , Scam Alert સુવિધા Android માટે WhatsApp  Beta વર્ઝન 2.26.22.2 માં જોવા મળી છે . જોકે , આ સુવિધા હજુ પૂર્ણ કરવામાં  આવી નથી અને સામાન્ય યુઝર્સ માટે ઉપલબ્ધ નથી . ભવિષ્યમાં WhatsApp  ના અપડેટ સાથે તેને રોલઆઉટ કરવામાં આવે તેવી શક્યતા છે .

જયારે કોઈ અજાણ્યા મોકલનાર તરફથી આવેલો મેસેજ શંકાસ્પદ જણાશે , ત્યારે WhatsApp   ચેટ વિન્ડોમાં ખાસ ચેતવણી બેનર દર્શાવશે . તેમાં " This could be a scam  " જેવા શબ્દો જોવા મળી શકે છે . આ ચેતવણીનો હેતુ યુઝરને સાવચેત કરવાનો છે જેથી તે કોઈ ખોટી લિંક , નકલી ઓફર અથવા છેતરપિંડીભર્યા  સંદેશાની જાળમાં ન ફસાય .

આની ખાસ વાત એ છે કે WhatsApp  આ પ્રક્રિયા દરમિયાન યુઝર્સના મેસેજને પોતાના સર્વર પર મોકલશે નહીં .  Scam Alert ફીચર સંપૂર્ણપણે યુઝરના ડિવાઈસ પર જ કામ  કરશે . એટલે કે , મેસેજનું વિશ્લેષણ લોકલ લેવલે કરવામાં આવશે અને એન્ડ - ટુ - એન્ડ એન્ક્રિપ્શન પણ યથાવત રહેશે . કંપનીને યુઝરની વ્યક્તિગત  વાતચીતની કોઈ ઍક્સેસ મળશે નહીં .

જો કોઈ મેસેજ શંકાસ્પદ ગણાશે , તો યુઝર્સને મોકલનારને બ્લોક અને રિપોર્ટ કરવાનો વિકલ્પ મળશે . જો તેમને લાગે કે મેસેજ કાયદેસર છે , તો તેઓ વાતચીત ચાલુ રાખી શકશે . આ ઉપરાંત WhatsApp  એક પારદર્શિતા સુવિધા પર પણ કામ કરી રહ્યું છે , જેના દ્રારા યુઝર્સ જોઈ શકશે કે Scam Alert ક્યારે સક્રિય થયું હતું . આ રેકોર્ડસ પણ માત્ર ડિવાઈસમાં જ સેવ રહેશે .

રિપોર્ટ અનુસાર , Scam Alert ફીચર વૈકલ્પિક રહેશે અને ડિફોલ્ટ રૂપે બંધ હશે . જે યુઝર્સ તેનો ઉપયોગ કરવા માંગતા હશે તેઓ WhatsApp  ના સેટિંગ્સ વિભાગમાંથી તેને  મેન્યુઅલી સક્રિય કરી શકશે . હાલમાં તેના સત્તાવાર લોન્ચ અંગે કોઈ સમયરેખા જાહેર કરવામાં આવી નથી .