વોઈસ અને વિડીયો કોલ્સ વધુ ક્લિયર બનાવવા WhatsApp લાવશે નોઈઝ કેન્સલેશન

WhatsApp  હવે પોતાના યુઝર્સ માટે વધુ સારી કોલિંગ અનુભવ લાવવા તરફ આગળ વધી રહ્યું છે . રિપોર્ટ્સ મુજબ ,પ્લેટફોર્મે બીટા યુઝર્સ માટે નવું નોઈઝ કેન્સલેશન ફીચર ટેસ્ટ કરવાનું શરૂ કર્યું છે . આ ફીચર સૌથી પહેલા આ વર્ષે માર્ચમાં ડેવલપમેન્ટ સ્ટેજમાં જોવા મળ્યું હતું , તેનો મુખ્ય હેતુ વોઈસ અને વિડીયો કોલ્સ દરમિયાન બેકગ્રાઉન્ડમાં આવતા અવાજને ઘટાડવાનો છે , જેથી વાતચીત વધુ સ્પષ્ટ બને . ખાસ વાત એ છે કે આ ટેક્નોલોજી સ્પીકરના અવાજને અસર  કર્યા વગર રીઅલ ટાઈમમાં કામ કરે છે , જે કોલિંગ અનુભવને વધુ સ્મૂથ બનાવે છે .

કોલિંગ માટે નવું નોઈઝ કેન્સલેશન ફીચર :
WABetaInfo મુજબ , WhatsApp આ નવું ફીચર પસંદગીના Android બીટા યુઝર્સ માટે રોલઆઉટ કરી રહ્યું છે . Android વર્ઝન 2.26.14.1 વાપરતા કેટલાક યુઝર્સે આ સુવિધાનો અનુભવ કર્યો છે . આ ફીચર રીઅલ ટાઈમમાં બેકગ્રાઉન્ડ નોઈઝ જેમ કે ટ્રાફિક , પવન અને અન્ય અવાજોને ફિલ્ટર કરી શકે છે , જેના  કારણે કોલ દરમિયાન અવાજ વધુ ક્લિયર બને છે .

Photo Credit: Wabetainfo

રિપોર્ટમાં જણાવ્યા મુજબ , નોઈઝ કેન્સલેશનનો વિકલ્પ કોલિંગ મેનુમાં આપવામાં આવ્યો છે . મજાની વાત આ છે કે આ ફીચર ડિફોલ્ટ રીતે ચાલુ હોય છે , એટલે કે જયારે તમે કોલ શરૂ કરો ત્યારે તે  આપમેળે ચાલુ થઈ જાય છે . જો કોઈ યુઝરને આ ઇફેક્ટ યોગ્ય ન લાગે , તો તે તેને મેન્યુઅલી બંધ પણ કરી શકે છે .

બંને યુઝર્સ માટે કેવી રીતે કામ કરશે 
આ ફિચરનો પુરેપુરો લાભ ત્યારે મળે છે જયારે બંને યુઝર્સ તેને ચાલુ રાખે . જો માત્ર એક વ્યક્તિ પાસે નોઈઝ કેન્સલેશન ચાલુ હોય , તો તેની અવાજ બીજા વ્યક્તિ  સુધી વધુ સ્પષ્ટ પહોંચશે , પરંતુ ઇનકમિંગ ઓડિયો સંપૂર્ણરીતે સુધરશે નહીં . એટલે કે બંને તરફથી આ ફીચર ચાલુ હોય ત્યારે જ કોલિંગ ક્વોલિટી સૌથી  સારી મળશે .

હાલમાં આ સુવિધા મર્યાદિત બીટા યુઝર્સ માટે ઉપલબ્ધ છે અને કંપનીએ હજુ સુધી તેની સત્તાવાર રિલીઝ તારીખ જાહેર કરી નથી , પરંતુ એવું માનવામાં આવે  છે કે તે આવતા અઠવાડિયામાં તે વધુ વ્યાપક રીતે રજૂ કરવામાં આવી શકે છે .

આ ઉપરાંત , Meta WhatsApp માટે અન્ય ઘણા નવા અપડેટ્સ પર કામ પણ કરી રહ્યો છે . તેમાં Apple CarPlay માટે ડેડિકેટેડ એપ , ચેટમાં મોટી ફાઈલો મેનેજ કરવાની સુવિધા અને iOS પર  બે એકાઉન્ટ સપોર્ટ જેવી નવી સુવિધાઓ શામેલ છે .