WhatsApp Android માટે લાવશે નોટિફિકેશન બબલ્સ , મલ્ટીટાસ્કિંગ થશે વધુ સરળ

WhatsApp  ટૂંક સમયમાં Android યુઝર્સ માટે ચેટિંગનો અનુભવ બદલવા માટે નવું " નોટિફિકેશન બબલ્સ " ફીચર લાવી  શકે છે .  જેના દ્રારા ચેટ્સ સ્ક્રીન પર ફ્લોટિંગ આઈકોન તરીકે દેખાશે . યુઝર્સ એપ છોડયા  વગર મેસેજ વાંચી અને જવાબ આપી શકશે , જેથી મલ્ટીટાસ્કિંગ  વધુ સરળ બનશે . આ ફીચરથી    યુઝર્સને  વારંવાર એપ બદલીને મેસેજ ચેક કરવાની જરૂર નહીં પડે  . હાલમાં આ સુવિધા વિકાસ હેઠળ છે અને હજી ટેસ્ટિંગ માટે ઉપલબ્ધ નથી , પરંતુ  આવનારા અપડેટમાં તેને રજૂ કરવામાં આવી છે .

WhatsApp  પર ચેટ બબલ્સ કેવી રીતે કામ કરશે ?

આ નવા ફીચર હેઠળ , ચેટ્સ સ્ક્રીન પર નાના ફ્લોટિંગ બબલ ( આઈકોન ) તરીકે દેખાશે . જયારે મેસેજ આવશે , ત્યારે તમે બીજી કોઈ એપ વાપરી રહ્યા હોવા છતાં  આ બબલ દેખાશે . તમે બબલ પર ટેપ કરીને નાનું ચેટ વિંડો ખોલી શકો છો અને આખી WhatsApp એપ ખોલ્યા વગર જ તરત જવાબ આપી શકો છો . 

આ ફીચર Facebook Messenger ના ચેટ હેડ્સ જેવું કામ કરશે , જેમાં ચેટ્સ હંમેશા સ્ક્રીન પર એક્સેસિબલ રહે છે . બબલમાં મેસેજ મોકલનારનો પ્રોફાઈલ ફોટો પણ દેખાશે , જેથી તમને તરત ખબર પડે કે કોનો મેસેજ આવ્યો છે ?

" નોટિફિકેશન બબલ્સ "
Photo Credit: WABetaInfo

ક્યાં યુઝર્સ માટે ઉપલબ્ધ રહેશે ?

આ સુવિધા Android માટે બનાવવામાં આવી રહી છે , કારણ કે iOS માં આવા બબલ્સ સપોર્ટ નથી . ખાસ કરીને Android 11 અથવા તેના પછીના વર્ઝન વાપરતા  યુઝર્સ માટે આ ફીચર વધુ સારી રીતે કામ કરશે . જુના Android વર્ઝનમાં " draw over apps " જેવી પરમિશન જરૂરી પડી શકે છે .

ફાયદા શું રહેશે ?

આ ફિચરનો મુખ્ય ફાયદો એ છે કે તમે જે કામ કરી રહ્યા છો તે વચ્ચે રોક્યા વગર ચેટ કરી શકશો . મેસેજિંગ વધુ ઝડપી , સરળ અને મલ્ટીટાસ્કિંગ ફ્રેન્ડલી બની જશે .

મહત્વની વાત :

હાલમાં આ ફીચર ડેવલપમેન્ટ સ્ટેજમાં છે અને હજુ કોઈ બીટા વર્ઝનમાં ઉપલબ્ધ નથી . શક્ય છે કે પહેલા તેને કેટલાક Android બીટા યુઝર્સ માટે રોલઆઉટ કરવામાં આવશે અને પછી ધીમે ધીમે બધા માટે ઉપલબ્ધ કરવામાં આવશે .