WhatsApp પર Airtel , Jio અને Vi રિચાર્જ હવે સરળ , એપ છોડયા વગર કરો પેમેન્ટ

WhatsApp એ ભારતમાં એક નવું ફીચર લોન્ચ કર્યું છે , જેના દ્રારા હવે યુઝર્સ સીધા એપમાં જ મોબાઈલ રિચાર્જ કરી શકે છે એટલે કે હવે રિચાર્જ કરવા માટે  અલગ એપ ખોલવાની જરૂર નહીં  પડે . કંપનીએ આ સુવિધા શરૂ કરવા માટે PayU  સાથે ભાગીદારી કરી છે . આ ફીચર આવતા અઠવાડિયામાં Android અને iOS  બંને યુઝર્સ માટે ઉપલબ્ધ થશે . નવા અપડેટ પછી , પ્રીપેડ યુઝર્સ જુદા જુદા પ્લાન જોઈ  શકે છે અને થોડા જ ક્લિકમાં રિચાર્જ પૂર્ણ કરી શકે છે .  નોંધનીય  છે કે WhatsApp પહેલેથી જ બિલ પેમેન્ટ અને કેટલીક શહેરોમાં મેટ્રો ટિકિટ બુકીંગ જેવી સુવિધાઓ આપે છે .

WhatsApp ની નવી મોબાઈલ રિચાર્જ સુવિધા 

આ નવા ફીચરથી Airtel , Jio અને Vodafon Idea (VI ) જેવા ઓપરેટર્સના પ્રીપેડ યુઝર્સ સરળતાથી રિચાર્જ કરી શકે છે .યુઝર્સને એપ માંથી બહાર  જવાની  જરૂર નહીં પડે  અને થોડા ટેપમાં જ રિચાર્જ થઈ જશે . આ સુવિધા ધીમે ધીમે બધા યુઝર્સ માટે શરૂ થઈ રહી છે .

આની ચુકવણીને સરળ બનાવવા માટે WhatsApp ના હોમ સ્ક્રીન પર  ₹ (રૂપિયા ) આઈકન ઉમેરવામાં આવ્યું છે . આ આઈકન કેમેરા બટનની બાજુમાં દેખાશે  , જ્યાંથી યુઝર્સ રિચાર્જ , UPI પેમેન્ટ અને મની ટ્રાન્સફર કરી શકે છે . આ આઈકન ચેટમાં પણ ઉપલબ્ધ છે , જેથી મેસેજ કરતા પણ તમે સીધું પેમેન્ટ  મોકલી શકો . 

WhatsApp પર રિચાર્જ કેવી રીતે કરવો 

• " Mobile Prepaid Recharge " પસંદ કરો 

• તમારો નંબર અથવા અન્ય નંબર દાખલ કરો 

• ઓપરેટર પસંદ કરો 

• યોગ્ય પ્લાન પસંદ કરો 

• પેમેન્ટ મોડ (UPI , ડેબિટ / ક્રેડિટ કાર્ડ ) પસંદ કરો 

• પેમેન્ટ પૂર્ણ કરો 

UPI દ્રારા પેમેન્ટ કરવા માટે યુઝર્સને પોતાનો UPI PIN નાખવો પડશે . રિચાર્જ થયા પછી , સ્ક્રીન પર તમામ વિગતો સાથે કન્ફર્મેશન દેખાશે  . તમે તમારી તમામ  ટ્રાન્ઝેક્શન હિસ્ટ્રી પણ એપના પેમેન્ટ વિભાગમાં જોઈ શકો છો . રિચાર્જ કરવા માટે WhatsApp અને PayU સાથે મળીને કાર્ય કરશે . WhatsApp પહેલાથી જ  યુઝર્સના  બિલ પેમેન્ટ અને મેટ્રો ટિકિટ બુકિંગ કરી શકે છે .