કોલોનિયલ ભારતમાં સેટ રોમેન્ટિક થ્રિલર , રહસ્યો અને બદલાની કહાની

'એંક હસીન સાઝીશ :કસક ' બ્રિટીશ શાસનના સમયમાં ગોઠવાયેલું એક રોમેન્ટિક થ્રિલર ડ્રામા છે , જેમાં પ્રેમ , વિશ્વાસઘાત અને સત્તાના રમતમાં ઊંડાણપૂર્વક ઝાંખી કરવામાં આવી છે . દેશભરમાં સ્વતંત્રતાની લડાઈ જોર પકડતી હતી , ત્યારે બહારથી દેખાતી વિદ્રોહની પાછળ અનેક ગુપ્ત કાવતરાઓ અને આંતરિક સંઘર્ષો ચાલી રહ્યા હતા . આવી પરિસ્થિતિમાં એક નિર્દય અને સત્તાનો લોભી અધિકારી એક એવો નિર્ણય લે છે , જે વિશ્વાસઘાતની એક લાંબી લાઈન  બનાવે છે અને તેની અસર તેને આખી જિંદગી સતાવતી રહે છે .

ક્યારે અને ક્યાં જોવું :
આ સિરીઝ હાલમાં શેમારુમી પર ઓનલાઇન સ્ટ્રીમ થઈ રહી છે . કુલ છ એપિસોડ ધરાવતી આ સિરીઝ દરેક ભાગ સાથે વાર્તાને વધુ ગાઢ અને રોમાંચક બનાવે  છે , જેથી દર્શકોની ઉત્સુકતા સતત જળવાઈ રહે છે .

ટ્રેલર અને પ્લોટ :
આ વાર્તા એક શક્તિશાળી અને પ્રભાવશાળી વ્યક્તિની છે , જે બ્રિટીશ અધિકારીઓ સાથે જોડાયેલો છે . પોતાના કઠોર નિર્ણયો અને ભૂતકાળના ગુપ્ત પાપોથી  તેણે પોતાનો સામ્રાજ્ય ઊભું કર્યું છે . બહારથી તે ગૌરવશાળી અને નિયંત્રણમાં રહેનાર વ્યક્તિ દેખાય છે પરંતુ અંદરથી તે પોતાના જ ગુનાઓના ભાર  હેઠળ દબાયેલો છે . વાર્તામાં વળાંક ત્યારે આવે છે ,જયારે એક રહસ્યમય સ્ત્રી તેના જીવનમાં પ્રવેશે છે અને પોતાના સાચા ઈરાદાઓ છુપાવીને તેની નજીક  આવે છે , પછી પરિસ્થિતિને પોતાના પક્ષે વાળે છે . જયારે રાજકીય તણાવ વધતા જાય છે અને સાથે જ તે સ્ત્રી પોતાનો બદલો લેવાની શરૂઆત કરે છે .પ્રેમ અને વિશ્વાસ વચ્ચે ગુંથાયેલી આ કથા અંતે બતાવે છે કે દગો ક્યારે અને કેવી રીતે સૌથી મોટો હથિયાર બની શકે છે .

કલાકારો અને ક્રૂ :
આ સિરીઝનું દિગ્દર્શન જીતુ અરોરાએ કર્યું છે . મુદશિર રશીદ ભટ , ક્રિસન બેરેટ્ટો , અલી ખાન , રિચાર્ડ ભક્તિ ક્લેઈન અને પાયલ મુખર્જી જેવા કલાકારોએ મુખ્ય ભૂમિકાઓ  ભજવી છે . શેમારૂમીએ આ પ્રોજેક્ટનું નિર્માણ કર્યું છે .

અભિપ્રાય :
'એક હસીન સાઝીશ :કસક ' પ્રેમ અને વિશ્વાસઘાતની કહાની છે . બ્રિટીશ યુગ બતાવવાથી આ સિરીઝ દર્શકોને ઐતિહાસિક વાતાવરણમાં લઈ જાય છે અને સાથે જ  માનવીય સંબંધોની જટિલતાઓને પણ ઉજાગર કરે છે . હાલમાં તેને IMDb પર કોઈ રેટિંગ મળ્યું નથી