Rajisha Vijayan ની નવી ફિલ્મ હવે Netflix પર ઉપલબ્ધ

મોલીવુડની લોકપ્રિય અભિનેત્રી Rajisha Vijayan પોતાની નવી સાયન્સ-ફાઈ હાસ્ય ફિલ્મ મસ્તિષ્કા મારનમ સાથે ફરી ચર્ચામાં છે . આ ફિલ્મ 27 ફેબ્રુઆરી , 2026ના રોજ થિયેટરોમાં રિલીઝ થઈ હતી અને હવે ટૂંક સમયમાં OTT પર દર્શકોને જોવા મળશે . રાષ્ટ્રીય પુરસ્કાર વિજેતા Krishand દ્રારા દિગ્દર્શિત આ ફિલ્મ એક અલગ અને  અનોખો સિનેમેટિક અનુભવ આપે છે . ફિલ્મમાં ભવિષ્યવાદી વિચારો અને આધુનિક ટેક્નોલોજીનો રસપ્રદ મિશ્રણ છે , જે તેને સામાન્ય ફિલ્મોથી અલગ બનાવે છે  . મસ્તિષ્કા મારનમ એવી ફિલ્મ છે જેમાં માણસ પોતાના દુઃખને ભૂલવા માટે વર્ચ્યુઅલ રિયાલિટીથી જૂની યાદોને ફરી જીવે છે 

ક્યારે અને ક્યાં જોવું :
મસ્તિષ્કા મારનમ 27 માર્ચ , 2026થી Netflix પર સ્ટ્રીમિંગ માટે ઉપલબ્ધ થઈ રહી છે . ફિલ્મ માત્ર મલયાલમમાં જ નહીં , પરંતુ હિન્દી , તેલુગુ અને તમિલ ભાષાઓમાં  પણ ઉપલબ્ધ રહેશે , જેથી વધુ વ્યાપક દર્શકવર્ગ સુધી પહોંચી શકે .

ટ્રેલર અને પ્લોટ :
આ ફિલ્મનો ટ્રેલર ભવિષ્યવાદી દુનિયાની ઝલક આપે છે , જ્યાં અદ્યતન ટેક્નોલોજી અને વર્ચ્યુઅલ રિયાલિટી મુખ્ય ભૂમિકા ભજવે છે . આ વાર્તા એક દુઃખી પિતાની આસપાસ  ફરે છે , જે પોતાના બાળકના અવસાન પછી જીવનમાં આગળ વધી શકતો નથી . તે ભૂતકાળની યાદોને ફરી જીવવા માટે એક આધુનિક વર્ચ્યુઅલ રિયાલિટી મેમરી સિસ્ટમનો ઉપયોગ કરે છે . પરંતુ આ પ્રયાસ તેને એક અંધકારમય જાળમાં ફસાવી દે છે , જ્યાં યાદોને વેચવા અને બદલવાની ગુપ્ત વ્યવસ્થા ચાલી રહી છે  . આ પ્રક્રિયામાં તે એક સુપરસ્ટાર સાથે જોડાયેલી રહસ્યમય હકીકતો સુધી પહોંચી જાય છે . જ્યાં વાસ્તવિકતા અને ભ્રમ વચ્ચે  તફાવત નથી  દેખાતો .

કલાકારો :
આ ફિલ્મમાં Rajisha Vijayan મુખ્ય ભૂમિકામાં છે . તેમની સાથે દિવ્યા પ્રભા , વિષ્ણુ અગસ્થ્ય , જગદીશ રાજગોપાલ  અને રાહુલ રાજગોપાલ જેવા કલાકારો મહત્વપૂર્ણ ભૂમિકામાં જોવા મળે છે . ફિલ્મનું નિર્માણ અજિત વિનાયક ફિલ્મ્સ અને કૃષ્ણ ફિલ્મ્સ દ્રારા કરવામાં આવ્યું છે .

અભિપ્રાય :
મસ્તિષ્કા મારનમ એ દર્શકો અને વિવેચકો બને તરફથી સારો પ્રતિસાદ મળ્યો છે . ફિલ્મને IMDb પર 10 માંથી 7.7 રેટિંગ મળ્યું છે , જે તેની લોકપ્રિયતાનું પ્રતિબિંબ છે . હાસ્ય અને વિજ્ઞાન-કલ્પનાના અનોખા મિશ્રણને કારણે આ ફિલ્મ એક અનોખો અનુભવ આપે છે .