સમાજને પ્રેરણા આપતી " નુક્કડ નાટક " હવે નેટફ્લિક્સ પર 

નુક્કડ નાટક એક સામાજિક મુદ્દા પર આધારિત ફિલ્મ છે , જે સ્ટુડિયો સિસ્ટમથી દૂર રહીને બનાવવામાં આવી છે . આ પ્રોજેક્ટમાં લગભગ ત્રીસ મિત્રોએ ભાગ લીધું છે , જે વાર્તા કહેવાની શક્તિ દ્રારા સમાજમાં જાગૃતિ લાવવાનો પ્રયાસ કરે છે . " હાઉ ટુ એન્ટર બોલીવુડ " શીર્ષક ધરાવતી એક પોસ્ટ વાયરલ થતા ફિલ્મને ખાસ લોકપ્રિયતા મળી , જેને 15 મિલિયન વ્યૂઝ મળ્યા . આ ફિલ્મ એક એવા સર્જકના પરિશ્રમ વિશે બતાવે છે , જેણે કોઈ મોટી ઓળખ વગર ફિલ્મ ઇન્ડસ્ટ્રીમાં પોતાનું  સ્થાન બનાવ્યું .   આ ફિલ્મ ગરીબી અને નિરક્ષરતાની ઊંડી સમજ આપે છે . આ ફિલ્મને પ્રેક્ષકો દ્રારા સારું અભિપ્રાય મળ્યું છે

ક્યારે અને ક્યાં જોવું 

નુક્કડ નાટક 27 ફેબ્રુઆરી , 2026ના રોજ રિલીઝ થઈ હતી અને હવે 24 એપ્રિલ , 2026થી  નેટફ્લિક્સ પર સ્ટ્રીમિંગ માટે ઉપલબ્ધ છે .

ટ્રેલર અને પ્લોટ 

આ ફિલ્મની વાર્તા બે મિત્રો મોલશ્રી અને શિવાંગની આસપાસ ફરે છે , જેમણે કોલેજ કેન્ટીનમાંથી બહાર કાઢવામાં આવે છે અને તેને ફરીથી શરૂ કરવા માટે એક શરત મુકવામાં આવે છે . તેમને ઝૂંપડપટ્ટી વિસ્તારના પાંચ બાળકોને શાળામાં દાખલ કરવાનું કામ સોંપવામાં આવે છે . શરૂઆતમાં તેઓ મજબૂરીમાં આ શરત  સ્વીકારે છે , પરંતુ ધીમે ધીમે તેઓ ગરીબી અને નિરક્ષરતા જેવી સમસ્યાને બહુ ઊંડાઈથી સમજે છે . આ અનુભવ તેમની વિચારસરણી બદલી નાખે છે  અને તેઓ વધુ બાળકોને સારું શિક્ષણ મળે તેવા ગંભીર પ્રયાસો શરૂ કરે છે .

કાસ્ટ અને ક્રૂ 

આ ફિલ્મનું દિગ્દર્શન તન્મય શેખરે કર્યું છે , જયારે મેઘા ખન્ના અને તન્મય શેખર નિર્માતા તરીકે જોડાયા છે . ફિલ્મમાં મોલશ્રી , દાનિશ હુસૈન , શિવાંગ અને મયંક  શાંડિલ્ય મુખ્ય ભૂમિકાઓમાં છે . આ ફિલ્મની સિનેમેટોગ્રાફી ઈહજાઝ અઝીઝે સંભાળી છે અને સંપાદન શ્રુતિ સુકુમારન દ્રારા કરવામાં આવ્યું છે .

અભિપ્રાય :

આ ફિલ્મને IMDb પર 7.1 નું રેટિંગ મળ્યું છે અને દર્શકો તરફથી સારો અભિપ્રાય મળ્યો છે . ખાસ કરીને તેની વાયરલ વિડિયોએ સોશિયલ મીડિયા પર ભારે ચર્ચા જગાવી છે  .