Sony એ જાહેર કરી એપ્રિલ PS Plus લાઇનઅપ : Tomb Raider Remastered અને SAO ગેમ્સ સામેલ

એપ્રિલ મહિનામાં Sony દ્રારા Play Station Plus માટેનું નવું ગેમ્સ લાઈનઅપ જાહેર કરવામાં આવ્યું છે , જેમાં ગેમર્સ માટે ત્રણ અલગ-અલગ પ્રકારના ટાઇટલ્સ  સામેલ છે . આ મહિને એક્શન , એડવેન્ચર અને કો-ઓપ ગેમિંગનો મિક્સ જોવા મળશે . આ ત્રણેય ગેમ્સ 7 એપ્રિલથી ઉપલબ્ધ થશે અને આના સભ્યો 4 મે સુધી તેને પોતાની લાઈબ્રેરીમાં એડ કરી શકશે . એકવાર ગેમ્સ એડ કર્યા પછી , તે PS Plus ના સબ્સ્ક્રિપ્શન  સાથે સતત રમી શકાશે . માર્ચ મહિનાની ગેમ્સ જેમ કે PGA Tour 2K25 અને Monster Hunter Rise 6 એપ્રિલ સુધી ઉપલબ્ધ રહેશે , તેથી ગેમર્સ પાસે તેને ક્લેઇમ કરવાનો હજુ થોડો સમય  છે .

Lods of the Fallen :

Lods of the fallen એક ડાર્ક ફેન્ટસી એક્શન-આરપીજી  છે જે સોલ્સલાઈક ગેમપ્લે માટે જાણીતી છે . ખેલાડીઓ પોતાના પાત્રને કસ્ટમાઈઝ કરી શકે છે અને  ભયાનક દુનિયામાં શક્તિશાળી દુશ્મનોનો સામનો કરે છે . આ ગેમની ખાસ વાત એ છે કે તેમાં બે વિશ્વ જીવન અને મરણ એકબીજા સાથે જોડાયેલા છે , જેને એક ખાસ જાદુઈ ફાનસ દ્રારા ઍક્સેસ કરી શકાય છે . આમાં થર્ડ-પર્સન કોમ્બેટ અને મેજિકલ ક્ષમતાઓ સાથે ગેમ ચેલેન્જિંગ  અનુભવ આપે છે . આ ટાઇટલ PS5 યુઝર્સ માટે ઉપલબ્ધ રહેશે .

Lords of the Fallen ની 2026માં સિક્વલ આવશે .
Photo Credit: Hexworks/CI Games

Tomb Raider I-III Remastered

Tomb Raider I-III  Remastered ગેમિંગના ક્લાસિક યુગને ફરી જીવંત બનાવે છે . Lara Croft સાથેના આ એડવેન્ચર ગેમ્સમાં સુધારેલા વિઝ્યુઅલ્સ અને નવી  સુવિધાઓ આપવામાં આવી છે . ખેલાડીઓ ઓરિજિનલ અને મોડર્ન ગ્રાફિક્સ વચ્ચે સ્વિચ કરી શકે છે , તેમજ ક્લાસિક અને આધુનિક કંટ્રોલ્સમાંથી પસંદગી કરી શકે  છે . આ કલેક્શન PS4 અને PS5 બંને પ્લેટફોર્મ પર ઉપલબ્ધ રહેશે અને નવા તથા જૂના ગેર્મ્સ બંને માટે આકર્ષક બની રહેશે .

Tomb Raider I-III Remastered  માં સારું વિઝ્યુઅલ્સ આપેલ છે .
Photo Credit: Aspyr

Sword Art Online Fractured Daydream

Sword Art Online :Fractured Daydream લોકપ્રિય Sword Art Online પરથી પ્રેરિત એક કો-ઓપ એક્શન ગેમ છે . તેમાં 20 સુધીના પાત્રો સાથે ટીમ બનાવીને  ખેલાડીઓ મોટા દુશ્મનો અને બોસ સામે લડી શકે છે . ગેમમાં સિંગલ - પ્લેયર સ્ટોરી મોડ , 20- પ્લેયર કો-ઓપ રેઇડ્સ અને ખુલ્લા વિશ્વમાં એક્સપ્લોરેશન  જેવી સુવિધાઓ છે . આ ગેમ ખાસ કરીને મલ્ટિપ્લેયર અનુભવને ધ્યાનમાં રાખીને ડિઝાઇન કરવામાં આવી છે અને PS5 પર ઉપલબ્ધ રહેશે .
 

આ રીતે એપ્રિલનો PS Plus લાઇનઅપ વિવિધ પ્રકારના ગેમર્સ માટે કંઈક ખાસ લાવે છે