Google Pixel 10a ભારતમાં સેલ પર .

Googleએ ગયા મહિને વૈશ્વિક બજારો સાથે ભારતમાં પણ Google Pixel 10a લોન્ચ કર્યો હતો .આ સ્માર્ટફોન કંપનીની ફ્લેગશિપ Pixel 10 સિરીઝમાં એન્ટ્રી લેવલ મોડેલ  તરીકે રજૂ કરવામાં આવ્યો છે . લોન્ચ કાર્ય બાદ કંપનીએ પ્રિ ઓર્ડર પણ શરૂ કર્યા હતા અને હવે આ સ્માર્ટફોન ખરીદી માટે પણ ઉપલબ્ધ બન્યો છે . આ ફોનની ખરીદી ઈ કોમર્સ પ્લેટફોર્મ Flipkart તેમજ Google Indiaના online સ્ટોર દ્રારા ખરીદી શકાશે .આ ફોન બેરી , ફોગ , લવંડર અને ઓબ્સિડીયન જેવા ચાર રંગ વિકલ્પોમાં મળી રહેશે .

ભારતમાં Pixel 10a આ સિંગલ 8GB RAM અને 256GB સ્ટોરેજ વેરિઅન્ટમાં ઉપલબ્ધ છે .જેની કિંમત રૂપિયા 49,999 રાખવામાં આવી છે . ઑફર્સની વાત કરીએ તો  HDFC બેંકના ક્રેડિટ કાર્ડ ઉપર રૂપિયા 3000 સુધીનો ઇન્સ્ટન્ટ કેશબેક આપવામાં આવી રહ્યું છે .ઉપરાંત  ગ્રાહકોને રૂપિયા 3000 સુધીનું એક્સચેંજ ઓફર  પણ મળી રહેશે .

ફીચર્સની વાત કરીએ તો Pixel 10a નવીનતમ Android 16 પર ચાલે છે . કંપની નવા સ્માર્ટફોન માટે સાત વર્ષ સુધીના OS અપગ્રેડ અને સિક્યોરિટી અપડેટ્સ આપવાની બાંહેદરી આપે છે .આ ફોનમાં 6.3 ઇંચ Actua ડિસ્પ્લે આપવામાં આવ્યો છે , જે 120Hz સુધીનો રિફ્રેશ રેટ અને 3,000 nits સુધીની પીક બ્રાઇટનેસને સપોર્ટ કરે છે .આ ફોનના ડિસ્પ્લેને Corning Gorilla Glass  7i પ્રોટેકશન પણ આપવામાં આવ્યો છે .

પરફોર્મન્સ માટે ફોનમાં Googleનું Tensor G4 ચિપસેટ આપવામાં આવ્યો છે , જે Titan M2 સુરક્ષા કૉપ્રોસેસર સાથે જોડાયેલો છે . તેમાં 8GB RAM અને 256GB ઇન્ટરનલ સ્ટોરેજ પણ મળે છે .આ ડિવાઇસ IP68 રેટિંગ સાથે આવે છે જે તેને ધૂળ અને પાણી સામે સુરક્ષિત બનાવે છે . આ સ્માર્ટફોનમાં 5,100mAh  બેટરી આપવામાં આવી છે , જે 30W વાયર્ડ અને 10W વાયરલેસ ફાસ્ટ ચાર્જિંગને સપોર્ટ કરે છે .

કેમેરા વિભાગમાં Pixel 10a ડ્યુઅલ રિઅર કેમેરા સેટઅપ સાથે આવે છે . તેમાં 48 મેગાપિક્સલ મુખ્ય કેમેરા સાથે OIS સપોર્ટ આપવામાં આવ્યો છે .તેની સાથે  13 મેગાપિક્સલ અલ્ટ્રાવાઇડ કેમેરા પણ મળે છે ,જે 120 ડિગ્રી ફિલ્ડ ઓફ વ્યુ આપે છે . ફ્રન્ટમાં 13 મેગાપિક્સલનો કેમેરો આપવામાં આવ્યો છે .