વધુ બેટરી ડ્રેન કરતી Android એપ્સ સામે Googleનું પગલું, Play Store પર આવશે વોર્નિંગ

ગૂગલે વધુ બેટરી વાપરતી એન્ડ્રોઇડ એપ્લિકેશનો સામે પગલાં લેવાનું શરૂ કર્યું છે . ટેક જાયન્ટે  જાહેરાત કરી છે કે Google Play Store હવે એવી એપ્સ પર ચેતવણી લેબલ બતાવશે , જે સ્માર્ટફોનની બેટરીને વધુ ઝડપથી ખતમ કરે છે .આવી એપ્સને Google Play Store ભલામણો અને કેટલીક શોધ સૂચિઓમાંથી પણ  દૂર કરવામાં આવી શકે છે . કંપની મુજબ કેટલીક એપ્સ Androidના આંશિક વેક લોક મિકેનિઝમનો દુરુપયોગ કરે છે .આ સુવિધા એપ્સને સ્ક્રીન બંદ હોવા છતાં પણ ફોનના CPUને બેકગ્રાઉન્ડમાં  રાખવાની મંજૂરી આપે છે , જેના કારણે બેટરી વધુ ઝડપથી ખતમ થઇ જાય છે . ગૂગલ આ વર્તનને " ખરાબ વર્તન થ્રેશોલ્ડ " તરીકે ઓળખાય છે , જે ત્યારે ગણવામાં આવે છે જયારે છેલ્લા 28 દિવસમાં 5 ટકાથી વધુ યુઝર સત્રોમાં આ સમસ્યા જોવા મળે છે .

Google Play Store પર નવા ચેતવણી લેબલ : 
તાજેતરની બ્લોગ પોસ્ટમાં ગૂગલે જણાવ્યું કે 1 માર્ચથી  Play Store પર Wake Lock ટેક્નિકલ ક્વોલિટી ટ્રીટમેન્ટ લાગુ કરવામાં આવી છે . આવતા અઠવાડિયામાં આ સુવિધા  ધીમે ધીમે વધુ એપ્સ માટે ઉપલબ્ધ કરવામાં આવશે . જે એપ્સ Android Vitalsમાં "Excessive Partial Wake Lock"થ્રેસોલ્ડને સતત  પાર કરશે , તેમની Play Store લિસ્ટિંગમાં ચેતવણી સંદેશ દર્શાવવામાં આવશે.

ગૂગલે ઉદાહરણ તરીકે એક ચેતવણી સંદેશ પણ શેર કર્યો છે ,જેમાં લખ્યું છે " આ એપ્લિકેશન વધુ બેકગ્રાઉન્ડ પ્રવુત્તિને કારણે અપેક્ષા કરતા વધુ બેટરીનો ઉપયોગ કરી શકે છે "

વેક લોક :
Partial Wake Lock એ એવી સુવિધા છે જે એપ્સને સ્ક્રીન બંધ હોવા છતાં ફોનના CPUને સક્રિય રાખવાની મંજૂરી આપે છે . આ કારણે ઘણીવાર બેટરીનો વપરાશ  વધી શકે છે .જો છેલ્લા 28 દિવસમાં 5%કરતા વધુ યુઝર સત્રોમાં સ્ક્રીન બંધ હોવા છતાં સરેરાશ બે કલાક અથવા વધુ સમય સુધી Wake Lock સક્રિય રહે, તો ગૂગલ તેને "ખરાબ વર્તન "ગણશે . કેટલીક એપ્સ માટે વેક લોક જરૂરી પણ હોય છે .

ગૂગલે સ્પષ્ટ કર્યું છે કે કેટલીક પરિસ્થિતિઓમાં Wake Lockનો ઉપયોગ યોગ હોઈ શકે . ઉદાહરણ તરીકે ઓડિયો પ્લેબેક , લોકેશન સર્વિસિસ અથવા યુઝર દ્રારા શરૂ કરાયેલો ડેટા  ટ્રાન્સફર .

બ્લોગ પોસ્ટમાં ગૂગલે ડેવલપર્સને બિનજરૂરી Wake Lock ઉપયોગ ઘટાડવા માટે કેટલાક ઉપાયો અપનાવવા સલાહ આપી છે . તેમાં બેકગ્રાઉન્ડ સિંક , લોકેશન ટ્રેકિંગ , સેન્સર મોનિટરિંગ અને નેટવર્ક કોમ્યુનિકેશન જેવા ફીચર્સને વધુ સારી રીતે ઓપ્ટિમાઇઝ કરવાનું સૂચન કરવામાં આવ્યું છે .

કંપનીએ જણાવ્યું કે Hoop જેવી કેટલીક એપ્સ પહેલાથી જ આ સમસ્યાને સુધારવા માટે ગૂગલની ભલામણો અપનાવી છે તેમના બેકગ્રાઉન્ડ વર્તનને વધુ કાર્યક્ષમ બનાવ્યું  છે .