પાસપોર્ટ ગુમ થાય તો શું કરવું ? જાણો રી - ઈશ્યુની સંપૂર્ણ પ્રક્રિયા

વિદેશ પ્રવાસ હોય કે કોઈ મહત્વપૂર્ણ ઓળખ પુરાવા તરીકે , પાસપોર્ટ ખુબ જ જરૂરી દસ્તાવેજ છે . જો તમારો , પાસપોર્ટ ખોવાઈ જાય કે ચોરાઈ જાય , તો ગભરાવાની જરૂર નથી . સમયસર યોગ્ય કાર્યવાહી કરવાથી તમે નવો પાસપોર્ટ સરળતાથી મેળવી શકો છો . નોંધનીય છે કે સરકાર ડુપ્લિકેટ પાસપોર્ટ આપતી નથી . તેના રી - ઈશ્યુ પ્રક્રિયા હેઠળ નવો પાસપોર્ટ આપવામાં આવે છે .

પાસપોર્ટ ખોવાઈ જાય તો સૌથી પહેલા શું કરવું ?
જો તમને ખબર પડે કે પાસપોર્ટ ખોવાઈ ગયો છે કે ચોરાઈ ગયો છે , તો તરત જ નજીકના પોલીસ સ્ટેશનમાં ફરિયાદ નોંધવો . FIR અથવા પોલીસ ફરિયાદની નકલ સાચવી રાખો , કારણ કે નવા પાસપોર્ટ માટે અરજી કરતી વખતે તેની જરૂર પડી શકે છે . ત્યારબાદ પાસપોર્ટ સેવા પોર્ટલ પર જઈને રી - ઈશ્યુ માટે અરજી કરવી પડશે .

નવા પાસપોર્ટ માટે કેવી રીતે અરજી કરશો ?
પાસપોર્ટ સેવા પોર્ટલમાં લોગિન કરીને " પાસપોર્ટ રી - ઈશ્યુ " નો વિકલ્પ પસંદ કરો . ત્યારબાદ પાસપોર્ટ ખોવાઈ ગયો કે ચોરાઈ ગયો તે વિકલ્પ પસંદ કરીને અરજી ફોર્મ ભરો . અરજી પૂર્ણ થયા પછી નિર્ધારિત ફી ભરો અને પાસપોર્ટ સેવા કેન્દ્ર ( PSK ) અથવા પોસ્ટ ઓફિસ પાસપોર્ટ સેવા કેન્દ્ર ( POPSK ) માં એપોન્ટમેન્ટ બુક કરો .

ક્યાં દસ્તાવેજોની જરૂર પડશે ?
સામાન્ય રીતે ઓળખનો પુરાવો , સરનામાનો પુરાવો , જન્મ તારીખનો પુરાવો અને FIR અથવા પોલીસ ફરિયાદની નકલ જરૂરી હોય છે . કેટલીક પરિસ્થિતિમાં અન્ય દસ્તાવેજો   છે . અરજી કરતી વખતે જરૂરી દસ્તાવેજોની સંપૂર્ણ યાદી પાસપોર્ટ સેવા પોર્ટલ પર જોવા મળશે .

જો ખોવાયેલો પાસપોર્ટ પછી મળી જાય તો ?
જો તમે હજુ સુધી રી - ઈશ્યુ માટે અરજી ન કરી હોય અને તમારો પાસપોર્ટ મળી જાય , તો તેની સ્થિતિ તપાસો . જો તે માન્ય અને સારી સ્થિતિમાં હોય તો તેનો ઉપયોગ કરી શકાય છે . પરંતુ જો નવા પાસપોર્ટ જારી થઈ ગયો હોય , તો જૂનો પાસપોર્ટ માન્ય રહેતો નથી . નવા પાસપોર્ટમાં અલગ નંબર હોય છે અને તે જ કાયદેસર માન્ય ગણાય છે .