Google Pixel 11a લોન્ચ પહેલા વિગતો સામે આવી , જાણો સંભવિત ફીચર્સ

Google તેના આગામી કિફાયતી A - સિરીઝ સ્માર્ટફોન Google Pixel 11a પર કામ કરી રહ્યું છે . આ સ્માર્ટફોન અંગે નવી લીક સામે આવી છે , જેમાં તેના પ્રોસેસર , ડિસ્પ્લે , બેટરી , કેમેરા અને કલર ઓપ્શન વિશે માહિતી આપવામાં આવી છે . લીક અનુસાર , આ ફોનમાં Tensor G6 ચિપસેટ , 120Hz ડિસ્પ્લે અને 4,870mAh બેટરી મળી શકે છે .

ક્યારે થઈ શકે લોન્ચ ?

પહેલાની રિપોર્ટ્સ અનુસાર , Google Pixel 11 સિરીઝ ઓગસ્ટ 2026 આસપાસ રજૂ થઈ શકે છે . જયારે Google Pixel 11aને માર્ચ 2027 દરમિયાન લોન્ચ કરવામાં આવે તેવી શક્યતા છે . જોકે Google એ હજુ સુધી તેની લોન્ચ તારીખ અંગે કોઈ સત્તાવાર જાહેરાત કરી નથી .

અપેક્ષિત સ્પેસિફિકેશન્સ :

Mystery Leaks એ ટેલિગ્રામ પોસ્ટમાં Google Pixel 11aના સંભવિત સ્પેસિફિકેશન્સ શેર કર્યા છે . લીક મુજબ , ફોનનું આંતરિક કોડનેમ Formosan છે અને તેમાં Googleનું આગામી Tensor G6 SoC  આપવામાં આવી શકે છે . તેની સાથે Titan M3 Security Chip પણ મળવાની શક્યતા છે , જે પહેલાના Pixel મોડલ્સમાં પણ જોવા મળી હતી .

ફોનમાં 6.3 ઇંચની ડિસ્પ્લે મળી શકે છે , જેનું 1080 x 2424 પિક્સલ રિઝોલ્યુશન , 120Hz રિફ્રેશ રેટ , 2,250 nits પીક બ્રાઇટનેસ હોઈ શકે છે . જો આ માહિતી સાચી સાબિત થાય તો Pixel 11a અગાઉના Pixel A સિરીઝ મોડલ્સ કરતાં વધુ સારી ડિસ્પ્લે સાથે આવશે .

લીકમાં એવું પણ કહેવામાં આવ્યું છે કે Google આ વખતે Samsungના Exynos મોડેમને બદલે MediaTek M90 મોડેમ આપી શકે છે . તેનાથી નેટવર્ક કનેક્ટિવિટી , સિગ્નલની સ્થિરતા અને થર્મલ પરફોર્મન્સમાં સુધારો થઈ શકે છે .

કેમેરા , બેટરી અને કલર ઓપ્શન :

Google Pixel 11aમાં નવા ફ્રન્ટ કેમેરા સેન્સરનો ઉપયોગ થઈ શકે છે , જેને આંતરિક રીતે dokkaebi નામ આપવામાં આવ્યું છે . તેનાથી સેલ્ફી અને વિડીયો કોલિંગનો અનુભવ વધુ સારો બની શકે છે . 

લીક મુજબ , ફોનમાં 8GB RAM અને 4,870mAh બેટરી મળી શકે છે . ડિઝાઈનની વાત કરીએ તો તે Obsidian Black , Olive Green , Frost Purple અને Fog Silver એમ ચાર કલર ઓપ્શનમાં લોન્ચ થઈ શકે છે .